Anjaan Rahen ~ A Passionate Love – Update 65

Update 65

Abhi…. Azi aise ruth kar jo jaeyega, to dhyan humara le jaeyega. Na chain milega na sukoon, bas aanshuon me duba rahunga, ki wo ruth kar chali gayi….
Abhi ki baton se Riti ka chehra khil gaya, ek baar phir se dono aamne samne khadey the, aankhon me aankhen dal aur jaise sara sama tham gaya ho. Tukurrr-tukurrr, tukurrr-tukurrr … Ek dusre ke aankhon me niharte huye, iss jahan se pare kahin aur kho gaye…..
Chatakkk – chatakkkk … Riti aur Abhi ke galon par thappad parta hua… Dono apne gal ko pakdey Vasu ko ghurne lage …
Vasu…. Kya aise kya guur rahe ho dono, kha jaoge kya ?
Abhi… Ye thappad kisliye tha…
Vasu…. Nind se jagane ke liye, hum teeno he dost hain phir tum dono mujhe side kyon kar dete ho, aur ye tukur-tukur ek dusre ki aankhon me kya ghurte rahte ho, kiski kistni aankhe kharab hui wo check karne ki koi nayi taknik izad ki hai kya ?
Riti, Vasu ko mann me 100 baar kosti hui… Par mara kyon, kitni jor se maar di.
Vasu… Marun nahi to kya karun, isse hum dusri baar mil rahe hain, aur kuch jante bhi nahi iske bare me, aur tum ho ki close he hui ja rahi ho. Suno o mr, ab tum chalte bano, hum dono ko ab jana hai.
Iss baat Abhi, Vasu ko mann me 100 baar koste huye… Par aaj to muh mitha karne ka din tha na.
Vasu…. Ye tum dono kya mujhe ander he ander galiyan de raho ho, jo jibh danton ke bich aa gaya. Bas bahut hua, sun o Abhi ke bacche….
Abhi bich me he tokta… Par baccha kahan se aaya, abhi to meri shadi bhi hahi hui hai.
Riti….. Meri bhi nahi hui shadi ab tak.
Vasu…. Ye ladki bawli ho gayi hai. Ab se koi milna julna nahi, sun li tum Riti, aur tum bhi sun lo kaan khol kar o majnu, jyada ird-gird mandraye to aashikon ka janaja hai, jarra dhum se naiklwayenge.
Vasu ki baten Riti ke samjh se pare thi, mann me bas soch rahi thi, abhi to thik se mile bhi nahi, thik se dekhi bhi nahi, chhukar thoda mehsus to karne diya hota, ye isse achanak se ho kya gaya. Kahan ye der raat tak, mere pyar ko talashne me jagi rahiti thi, aur kahan ab ye dushman ban gayi.
Riti mann me khyal lati apna muh latka li. Mayusi bhadi najron se Abhi bhi bas Riti ke murjhaye chehre ko he dekh raha tha, in dono ko muh latkaye khadey dekh Vasu ander se khub hasi….
Vasu…. Achha achha thik hai, devdas aur paro ban’ne ki koi jaroorat nahi, 5 din baad sundey hain, hum kahin bahar milte hain aur wahin aaram se baith kar tum dono ke pyar ki roop-rekha tay hogi, par iss bich koi ek dushre se mila to achha nahi hoga.
Riti muh latkaye…. Par kya upar apne kamre ke balcony se khadi hokar Main aur yahan se khadey hokar Abhi mujhe dekh sakte hain.
Vasu…. Dekhne ki kya baat hai, niche chali aana, dono mil lena, ghumna firna….
Itta sunte he Riti ka chehra bilkul khil gaya.. Par bich me he aankhen dikhati Vasu…. Jyada akal lagayi, to sir phod dungi, koi dekhna sun’na iss bich nahi hoga, samjh gaye dono. Yadi phir bhi tumhara mann na mane to soch lena main mar gayi tumhare liye aur phir jo ji me aaye tumhe Riti phir wo karna.
Indu ki dant aur iss emotional atyachar se uske aanshu nikal aaye, par Vasu iss baar uske aanshuon ko andekha karti uska hath pakad kar ke wapas le jane lagi…
Abhi… O’ madam itna bada bhasan to de di, par hum sunday ko milenge kaise, number to deti jao aur leti jao, taki main contact kar sakun.
Vasu, Abhi ka mobile lekar apne number par call ki, aur uske mobile se apna number delete kar ke usse phone de di. Abhi, Vasu ki iss harkat par muskurata hua chup-chap wahan se chala gaya.
Vasu ki baat se mayus hokar Riti chup-chup wapas apne kamre ki ore ek-ek kadam, aahiste-aahiste badhane lagi.
Vasu… Ab aap ko kya hua madam, naraj hai hum se.. Sooooo sollyyyy
Riti… Jao Vasu, jab alag he karna tha to mere dil ki soyi aas jagayi he kyon. Pahli baar to kisi ko dekh kar dil dhadka tha, aur aap ne…..
Vasu… Lo kaan pakdey, lekin alag kaise kiya, maine to bas 5 din ka samay liya hai, sunday ko mil rahe hai na.
Riti…. Par sunday tak wo nahi aaya to, aur sunday tak uski life me koi aur aa gayi to. Main usse pasand karti hun Vasu….
Vasu…. Itti bhi chahat thik nahi abhi se pagli. Aur hum ladkiyan hai, jaldi se maan gayi to in ladkon ke bhaw badh jayenge. Achha bata tum kya janti ho uske bare me..
Riti thoda muskurati hui …. Main unke bare me..
Vasu…. Haan, tum…
Riti kahin dur khoti hui…. Jab wo pass hote hain to sama hasin hota hai, dil ki dhadkane badh jati hai, bas ji karta hai unhe dekhti rahun, apne bahon me yun kas ke jakdun ki kahin wo ja na sake sirf mere pass rahe… Dil unke bare me bas yahi kahta hai …. Yahi hai right choice hubby… Ahhhh haaa !
Vasu apna sir pit’ti hui… Aur wo rahta kahan hai, karta kya hai. Uske vywhar kaise hain. Kya achhi aur buri aadten hain, ye sab kaun janega…
Riti kuch sochti hui… Par itna jan’ne ki kya jaroorat hai, aap he kahi thi na wo lakhon me ek honge, ab aap he itna sochne lagi.
Vasu…. Kya karoon main tumhara, koi baat samjhne ko taiyar he nahi hai ye ladki. Pagal aur kahin wo pyar ka natak kar raha ho to. Tumhe phansa kar istmaal karne ki kosis kar raha ho to. Bas mulakkat hui aur rista aage badh gaya. Kya hai kaisa hai ye bhi jan’na jaroori nahi samjhi. Riti dil tootne ka jakham bahut gahra hota hai, 5 din ruk jao tabtak uske bare me sab pata lag jayega, phir dekhte hain kya karna hai.
Aaj to jaise Vasu koi kasar na chhor rahi ho, Riti ko uljhane ki, aur Vasu ki baat sunkar Riti kaphi ulajh bhi chuki thi… Khamosh uski baton ko suni, aur dil ne bas yahi kaha, ki Vasu ki baten galat hain , wo kabhi bure ho he nahi sakte.
Lekin mann uska kya kare, mann to kahin na kahin sahmati jata he diya tha Vasu ki baat par, dil aur mann ke bich phans kar rah gayi Riti.
Vasu ki sanka bhi apni jagah jayaj thi, uska ishara bhi galat nahi tha. Par jo dil ki lagi ho to, preet na jane reet.
Riti… Lekin Vasu 5 dino me hoga kya …
Vasu… Jasoosi.. Abhi ke bare me…
Riti… Aur wo kaise…
Vasu…. Simple hai.. Uska mobile number le liya hai, ab iss number se uske bare me sab pata lag jayega. Aur 5 dino me Abhi ki puri infomation humare pass. Phir hum decide karenge uss se milna hai ki nahi.
Riti, kamoshi ke sath Vasu ka ye faisla swikarti hui, gumsum apne bistar par aakar let gayi, bhagwan se bas yahi prathna karte… Heyyy bahgwan wo bilkul mere sapno ke rajkumar jaise hon, aur ye Vasu khud mujh se kahe …. Nahi main galat thi, Abhi wakai lakhon me ek hai.
Idhar Saily aur Indu, Delhi ghumti hui, saam ko imperial disco pahunchi. Saily kaphi ukhdi-ukhdi thi, par yahan ki rounak dekh thoda uska mann bhi lag gaya. Saily ko side me ek sofe par bitha kar Indu ander ek kamre me dakhil hui…
Saily jab sofe par baithi thi, tab ek ladka uske pass aaya aur apna hath aage badha kar uss se kahne laga… Wanna dance sexy…
Saily usse ek najar dekhi aur, bina koi pratikirya diye dusri ore dekhne lagi, uss ladke ne ek baar fir kaha…. Heyyy baby, come on, lets enjoy the party…
Saily…. Bhag ja haramkhor nahi to sandel utar kar marungi….
Wo ladka muskuraya, aur apne jeb se rumal nikalta Saily ke naak ke pass hawa me lahra diya. Kuch powder udda ander se, aur Saily pahle khansi, phir uska sir halka ghumne laga. Samne khada ladka usse gumta hua najar aa raha tha, disco ki rang birangi light, maujood log, har chij jo aankhon ke samne thi, ghum rahi thi…..
Indu uss kamre se jab wapas lauti Saily ke pass, to wo wahan nahi thi, pahle sochi kahin gayi hogi, isliye uska intzar karne lagi, par jaise-jaise waqt bit’ta gaya, Indu padesan hoti rahi …. Ye pagal bhi na, na jane kahan chali gayi, ek phone nahi kar sakti thi……………