Anjaan Rahen ~ A Passionate Love – Update 64

Update 64

Lekin wahan khadi Saily ke mann me sirf yahi vichar aaya ki … Gayi to main bhi principal ke pass thi, par mera kaam nahi hua. Aur is Riti ke jate he kamra change. Riti tum jo ye khel shuru kimhe ye tum par kitna bhadi parega dekh lena. Ab dekh lena sab ka attension mujh par he hoga…..
Indu, Saily ko tokti huyi…. Kya hua yahan khadi-khadi kya soch rahi hai.
Saily…. Kuch nahi bas logon ke rang dekh rahi hun, yahan mehnat ki koi kadar nahi hoti, sab jism aur paison ka khel hai.
Indu…. Abhi shant ho ja, ander baat karte hain.
Itne me Riti aur Vasu puri packing khatam kar ke chali kamre me, aur apna saman adjust karne lagi. Saily aur Indu dono ander pahunchi….
Saily…. This is enough Indu, humare kahne par kamra change nahi hua, aur inke kahne par kamra change bhi ho gaya.
Indu…. Sab husn ka jadu hai meri jaan, waise tu kyon roti hai, hua to wahi na jo hum bhi chahte the. Chill kar aur kuch piyegi kya.
Saily…… Haan, uss Riti aur Vasu ka khoon, mujhe ek aankh nahi bhati.
Indu… Mere pass kuchh hai, dekh idhar
Saily apna muh ascharya se kholti huyi…. Ye kya hai, aur tum isse pine wali ho.
Indu… Chill maar, vodka hai vodka, isse ladies wine bhi kahte hain. Do pak maar aur sare gum bhula.
Saily…. Na baba, mujhe dar lag raha hai, aur iss waqt.
Indu…. Arreee din aur raat kaun dekhta hai, phir bhi tu kahti hai to, raat me he sahi, uss waqt koi nakhra nahi chalega.
Saily…. Par raat tak main yahan ghut jaungi, I need change, chal chalkar kahin ghum aate hain.
Indu… Neki aur puchh-puchh, chal disco chalte hain.
Indu phir Vikki ko phone lagati hui kahti hai, usse disco ke do pass chahiye, Vikki maan jata hai, aur haste huye kahta hai, “pahla kaam mubarak ho”.
Saily nahi bhi jati, to bhi Indu aaj wo disco jati he. Vikki ke sath huye uss din ki gadbadi, aur baad me Vikki dwara diye gaye kaam ke prastaw ko hans kar swikaar kiya tha Indu ne, aur badle me milta usse brand name. Uska apna ek botiqe jahan uske naam ke tag ke kapdey bikte.
Indu bhi sochi, chalo ek se bhale do, aur wo Saily ko bitha kar Vikki ke pass chali gayi. Saily akeli kamre bas gumsum baithi thi, uske top karne ka sapna toota tha, aur jab sapne toot’te hain to bahut dard hota hai.
Saily ke mobile par Gaurav ka phone aaya, ring ko silent mod par dal kar ghanti bajne di. Gaurav aadhe ghante tak phone lagata raha par Saily ne ek baar bhi respond nahi kiya. Bechara Gaurav, itna bechain tha Saily se baat karne ke liye, wo udas thi to uske sath ghumne jane ka vichar tha Gaurav ka, par Saily thi ki uske call ko respond he nahi kar rahi thi.
Indu bhi ab tak wapas laut chuki thi, aur Saily se ready hone ke liye kahne lagi. Dono taiyar hokar niche ja rahi thi aur udhar Gaurav, Saily se milne uske block ki ore, dono ki mulakaat niche he ho gayi.
Gaurav ka chehra pura utra hua tha. Saily ke iss tarah bewajah na baat karne ke karan usse kuch bhi achha nahi lag raha tha, aur issi karan se thoda chidh bhi gaya tha.
Gaurav thoda chidhe lahje me Saily se kahta huye…. Tum mera call kyon nahi utha rahi thi.
Saily ko Gaurav ki ye tone pasand nahi aayi aur thodi akad se jabaw deti huyi… Mera mann nahi tha.
Gayrav… Kya !!!! tumhara mann nahi tha Saily, main yahan padesan ho raha hun, aadhe ghante se call laga raha hun aur tum ho ki aisa jabaw de rahi ho.
Saily thode aur gusse me aati huyi…. To kaise jabaw dun, ek baar nahi uthayi phone, do baar nahi utayi, to baar-baar call karna jaroori hai kya ?
Gaurav, Saily ke iss jabaw par maun rahkar sun leiya, aur bina ek sabd bhi jabaw diye chala gaya. In dono ke bich chal rahe jhagre ko upar se Vasu aur Riti bhi dekh rahi thi. Dono khadi bas yahi soch rahi thi iss pagal ladki ko hua kya hai.
Indu aur Saily , Delhi ghumne niklate hain, Idhar Vasu aur Riti bas yahi charcha me lagi rahti hai ki, aakhir ek assignment ke result se kaun sa aisa pahad toot para jo Saily aisa kar rahi hai.
Raat ko dono jab canteen khane ke liye pahunchi, to Gaurav ko murjhaya dekh Vasu, Riti se kahne lagi…. Chal Riti thoda Gaurav se mil aaye hai, dekh behara kaise mayus baitha hai…
Riti bhi hami bharti dono uske pass pahunchi….
“Crazyboy, abhi rutha baby boy kyon bana hai, munne ko kya ho gaya jo muh latkaye hai”. Mazak ke lahje me Vasu, Gaurav se kahi…
Riti…. Vasu aap ko kya lagta hai, Gaurav ke aankhon se pahle pani aayega ya naak se.
Gaurav, chehre par ek phiki muskaan lata…. Mujhe kuch bhi nahi hua, i am too happy.
Vasu…. Kahan se happy ho Gaurav, tum to thik se hans bhi nahi pa rahe.
Kuch der teeno ke bich shanti rahi, phir Guarav ek lambi sans khinchta hua….
“Thodi kam akal hai, par dil ki buri nahi hai Saily. Main janta hun usne tum dono ko bhi hurt kiya hai. Main Saily ki ore se tum dono se manphi mangta hun, aur meri ek chhoti si vinti hai, please usse manph kar ke ek baar achhe se baith kar baat kar lo, sare gile sikwe dur ho jayenge”.
“Usse iss assignment me top karna tha, par uske sapne toot gaye, aur pata nahi uske dil me kahan se ye baat aa gayi ki Riti top karne ke layak nahi phir bhi kar gayi. Aur yahi wajah hai ki wo aisa behave kar rahi hai. Main manta hun Riti, tumhe bahut taklif pahunchi hai, Saily ke baton aur uske vaywhar se, par kya tum thodi samjhdari dikhati huyi, iss mamle ko suljha nahi sakti”.
Riti…. Hmmm !!!! Chalo thik hai, waise bhi mere papa kahte the, jahan char bartan hote hain, takrane ki awaz wahin se aati hai, akela kya karega. Aap udas na ho, par ye mamla ek shart par suljhega…..
Gaurav… Kya ????
Riti…. Yahi ki aap apna pagle-aajam ke roop ko tyag kar muskurate huye khana khaeye, tabhi hum ye karenge.
Gaurav, ki hasne ki ikchha to nahi thi, par Riti ke dilase ke liye wo khul kar hasa, par ander mann se wo khud ko kaphi akela mehsus kar raha tha. Riti aur Vasu khana khatam kar ke nikali canteen se…
Riti… Kahan chali upar kamre me, yaad nahi kya…
Vasu…. Kya kuch bhul rahi hun, mujhe to kuch bhi yaad nahi.
Riti…. Bhul gayi na, kahana khane ke baad kal kya decide hua tha.
Vasu… Ohhh woooo ! Tum ho aao, waise bhi main kahan kabab me haddi ban’ne ja rahi hun.
Riti… Please Vasu chalo na, waise bhi abhi to hum sirf dost hai na. Aur aap nahi hoti to, meri akal bhi kaam nahi karti.
Vasu…. Jab dil laga li to akal ki kya jaroorat hai. Thik hai, chalo chalte hain.
Dono gate ke bahar nikal he rahi thi ki pichhe se watchman aa gaya…. “Madam iss waqt ja rahi ho ghumne, mere to ₹100 gaye.
Riti…. Aap ke ₹100 kahin nahi gaye, ye lijiye, ab khush…
Watchman muskurata hua chala gaya, aur idhar dono bahar nikli…. Do kadam bayen per ki ore chali he hogi ki per ke upar se Abhi dono ke bilkul samne kud gaya. Achanak he kuda tha, dono ki sansen atak gayi, dar he gayi ki kya hua.
Riti…. Aise koi karta hai kya mujhe dara he diye, huhhhh.
Abhi…. Main to bas surprise de raha tha.
Riti… Surprise kya sir par kud kar dete hain, chalo Vasu, hume nahi karni kisi se baat.
Abhi…. Azi aise ruth kar jo jaeyega, to dhyan humara le jaeyega. Na chain milega na sukoon, bas aanshuon me duba rahunga, ki wo ruth kar chali gayi….