Anjaan Rahen ~ A Passionate Love – Update 63

Update 63

“Kyonki, main bhi aaya tha, pichhle kayi mahino me kayi baar inhi ki talash me, lekin mujhe laga sirf ye mera deewapanpan tha, inse ek baar milne ka. Par kuch din pahle aap dono ko bahar gumte dekha aur baten suni to mere dil ko kitni khusi hui kya bataun”.
Vasu apne mann me sochti… “Ye to bada chalu chij hai”… Phir kahne lagi… Par humne to tumhe nahi dekha, the kahan.
Abhi… Yahin tha, iss per ke upar. Wo kya hai na, main itne dino se bhatka tha, to socha inhe bhi kuch din yun he sadak par bhatkne dun. Aap logon ne bhatkna chhor diya, isliye main to soch bhi raha tha ki ek din main Riti se milun.
Riti…. “Vasu, aap thoda chup rahiye, mujhe baat karne dijiye”…. Itna kah kar Riti mudi Abhi ki ore aur apni ungli dikhati hui…..
“Sunio, kisi ke dil ki baat chhip kar sun lene ka matlab ye nahi, ki jab aap samne aao to wo aap ke pyar me pagal bichh jaye. Pahli jhaka ka ye mera aap ke prati attrection tha, aur matr attrection. Isse please koi naam mat dijiye. Kisi se milne ka ikchha karne ka matlab pyar he nahi hota, aur waise bhi pyar aap se, kabhi nahi. Aur ye kya uss waqt bol rahe the .. Kuch “deewanapan” word use kiye the na. Isse correct kar ke pagalpan kahiye aur yahan se agra pass hai wahan ilaz ke liye chale jaeye”.
Abhi apne gambhir swar me ….. Ilaz he to karwa raha hun….
Itna kah kar abhi ne bada serious sa facial expression dete huye, apne balon par hanth fera, thodi si dabdabayi aankhen aur dekhne laga dono ko. Aisa dekhne se lag raha tha ki kitna dard bhada hai iske dil me.
Riti jo abhi gusse me thi, uska chehra dekh kar badi chinta se puchhti huyi…. Kyon kya ho gaya, kis baat ka ilaz chal raha hai.
Abhi, thida khamosh rahkar, ek lambi sans leta aur chhorta hua…..
“Aap ko kya lagta hai, main koi awara hun, chor hun. Main to yahan aaya tha apni maa ka ilaz kkarwane, apne ghar Allahabaad se. Main wahan apna dukan sambhalta hun. Hum dukandar log, hume kisi se ladai jhagre se kya lena. Maa ko bahut gambhir bimari hui, kaphi ilaz chala Allahabaad me he, par koi sunwayi nahi hui”.
“Puri duniya me mera sirf apna kahne wala meri maa, aur unke liye main. Akele wahan kaphi taklif bhi utayi, ghar ka saara kaam, dukan ka sara kaam, aur maa ki dekh-bhal mujh akele ko he karni pari. Main Aallahabaad me he unka pura ilaz karwana chahta tha”
Itna kah kar, ek lambi sans liya, aur apne dono hathon par hath ferte huye usse saaf kiya aur fir kahne laga…..
“Humari jivika ka shrott kewal wo dukan, aur usse band kar deta to, paise ki bhi padesani aa jati. Lekin doctors ke clinic ke chakkar laga-laga kar main padesan ho gaya tha. Kabhi-kabhi to maa ka dard dekh kar aatmhtya karne ko dil karta tha, par main he to unki himmat tha, isliye ander se rota rahta aur na chah kar uspar se hansta”
“Anth me jab koi ilaz kaam nahi aaya to main unhe yahan le aaya. Ilaz ke chakkar me sab bik gaya. Aur upar se koi aadmi ussi maa ko bhala bura kahe, unke hath se unka paisa chhon kar dhkka de de, aur uss dhakke se unka sir phut jaye to kya karoon main. Kyon nahi khun khaulega mera. Kya kisi ne mujh par raham kiya, nahi kiya. Ek maa he to hai jiski khusi ke liye main jinda hun. Aur meri ussi ke maa sir se khun nikal diya”.
Apni dukh bhari dastaan suna’ne ke baad abhi shant hogaya, aur aankhon ko phir se saaf karte huye pair se sir ko arra liya. Uski kahani sun’ne ke baad Riti ki bhi aankhen nam ho gayi. Wo jaise Abhi ke dard ko mehsus kar rahi thi. Uske pass jakar uake kandhe par hath rakhti….
“I am sorry Abhi ji, mujhe nahi pata tha. Jo samne dikha usse sach mann kar bas jo mann me aaya bol di. Waise bhi aap kaphi mahaan hai, jo itna sab hone ke baad bhi itna kiya apni maa ke liye. Waise bhi ye rina sobha nahi deta aap ko. Ladkey rote huye achhe nahi lagte”.
Vasu…. O’ mr. Abhi, ab bas bhi karo, hume bhi rula diya. Chalo ab sare gile sikwe dur to ab se hum dost.
Abhi ke muh se achanak he nikal gaya… Sirf dost…
Vasu aur Riti hairani bhadi najron se usse dekhne lagi… Apni baat ko sambhalte huye… Sach dost … Mujhe khusi hogi.
Roti aur Vasu ko laga sayad bolne ke galti ho gayi … Dono hasti huyi, ek saath boli .. “Haannnn”
Abhi… To iss nayi dosti ki surwaat me kuch mitha ho jaye.
Vasu…. Sorry, aaj isse surwaat na maan kar kal se surwaat mante hain, aur kal mithe ka programme, abhi raat jyada ho gayi hai. Hume sona bhi hai, aur kal subah college bhi jana hai. So good night Abhi, jao tum bhi so jao.
Abhi… Haan wo to so he jaunga, par koi contact number to ho tab to main kal muh mitha karunga na, aur karwaunga bhi.
Riti apna number bolne ke liye .. 96 … Boli he thi ki Vasu uska kandha pakad’ti hui … Kal yahin raat me 9:30pm baje ke baad milte hain, cocklet le aana, abhi good night.
Abhi bujhe mann se “good night” bolta huye, man me 100 baar Vasu ko koste chala gaya. Uske jane ke baad Vasu, Riti ko danti hui…. Tu kya pagal hai jo pahli mulakaat me he apna number de rahi thi.
Riti masoom sa chehra banati hui… Par wo to dost hai na.
Vasu….. Offfff O kya karoon iss ladki ka, jab-jab uss ladke ko dekhti hai, dimag kaam karna band kar deta hai.
Riti muskurati hui…. Aap he to kahi… Dil ke mamle me dimag nahi late.
Dono hasti hui hostel chali gayi. Subah jab Riti uthi, to uske liye aschrya ye tha ki Saily nahi thi kamre me, aur yahi haal Vasu ke room me bhi tha, wahan bhi Indu nahi thi. Khair Riti jyada dhayn na deti hui taiyar ho gayi, aur Vasu ke room ki ore chal di.
Vasu bhi taiyar he thi aur wo bhi nikalne he wali thi, dono chal di college.
Vasu… Riti aschrya hai subah se Indu gayab hai.
Riti…. Saily bhi nahi hai kamre me. Dono subah-subah kahan gayi ?
Vasu… Jyada jal gaya hoga, isliye bujhane ke liye subah ki tajimhawa khane gayi hogi.
Dono iss baat par hansti hui college ke ja rahi thi. College pahunch kar sabse pahla kaam jo inhe karna tha wo tha kamra change karwana. Isliye dono sidha pahunchi principal ke chamber.
Jab wo dono bahar thi, tab ander se Saily aur Indu nikal rahi thi, Vasu aur Riti un dono ko principal office se nikalte dekh soch me par gayi ki ye dono principal office me kya kar rahi thi. Wahi haal Indu aur Saily ka tha, jo soch rahi thi, ye dono yahan kya karne aayi hai.
Khair Indu aur Saily ne ek gusse bhara expression lati aone chehre par nikal gayi wahan se. Idhar Riti aur Vasu bhi un dono ko najarandaz karti principal office gayi.
Principal ne jab intro puchha to sabse pahle Riti ke kamyabi ki badhayi diya, aur aane ka karan puchhne laga. Riti ne kamra change karne ki mansa jahir ki.
Principal… Tum kis kamre se kis kamre me shift hona chahti ho, kyonki kamra change ek he shart par hota hai, jab mutual shifting ki baat ho, hum aise change nahi kar sakte.
Riti… Sir main 201 se 202 me shift hona chahti hun.
Principal… Ohhh ! Abhi abhi to ussi kamre ki ladkiyan aayi thi unhe bhi shifting chahiye. Par maine to unhe saaf mana kar diya, kyonki mutual nahi tha, ab ho gaya hai to main abhi warden se bol kar karwa deta hun.
Saam ko jab sab hostel pahunche to warden ka notice tanga tha, Riti ko Vasu ke room me shift ka notice aur Indu ko Saily ke kamre me shift hone ka notice. Riti notice dekhte he apna saman packmkarne chali aayi, aur uska sath dene Vasu bhi uske sath chali aayi…
Lekin wahan khadi Saily ke mann me sirf yahi vichar aaya ki … Gayi to main bhi principal ke pass thi, par mera kaam nahi hua. Aur is Riti ke jate he kamra change. Riti tum jo ye khel shuru kimhe ye tum par kitna bhadi parega dekh lena. Ab dekh lena sab ka attension mujh par he hoga.