Update 61
Kahte hain jit ki khusi ya gum sabse jyada aap ke karibi ko he hota hai. Jahan ek ore Vasu, Riti ki iss jit par behad khush najar aa rahi thi, wahin Indu aur Saily, Riti ki iss jit par ander he ander pura jal-bhun gayi thi. Ye jalan, Riti ke prati Irsya ka roop le chuka tha, aur waqt ne apni sajis rachni shuru kar di thi… Sabki jindgi ki ek Anjaan Rahen……
Indu kaphi tevar me thi iss baat ko lekar aur mauka dekh kar sabse pahle usne Vikki ko phone lagayi…..
Vikki…. Kya hua Indu…
Indu…. Wo kaise first aa sakti hai ?
Vikki…. Dekho mujhe bahut sare kaam hain, aur main baar-baar nahi puchhne wala ki kya hua, ab puri baat saaf-saaf batao.
Indu…. Vikki tumne kaha tha mera desine top karega, par college walon ne kisi gawar ka desine top kiya hai.
Vikki…. Wo gawar tum se hoshiyar hogi. Main college ke descision me koi interfair nahi karta. Kai supersatrs ke bete ko yahi lagta hai ki wo bhi superstars banega, par talent wale usse kahan pichhe chhor dete hain pata bhi nahi chalta. Hum glamour field se hain, aur yahan mehnat aur akal walon ki sada kadar hoti hai….
Indu…. To kya mujh me koi talent nahi, aur wo ladki to apni jeet par aise itra rahi hai jaise miss world ho.
Vikki…. Tumhe help chahiye thi, help kiya. Lekin college talent khud chunti hai, aur huamara naam hai. Yahan se agar student achhe nahi nikale to college ka reputation kharab hoga. Waise bhi tum kyon chinta karti ho, ye jitne talented hain, aage jakar gine chune he apna mukam banate hain… Kaam inka naam kisi aur ka. Tum abhi nahi samjhogi ye sab baat. Waise uss ladki se tumhe dosti kar leni chahiye kyonki aage tumhe bahut madad milegi.
Indu, gusse me Vikki ka phone cut kar di aur wapas chali aayi hostel. Idhar, Saily gusse me tamtamayi Gaurav se kahne lagi….. In college walon ko jarra bhi akal nahi hai, kisi ko bhi top karwa dete hain. Uss Riti ko jarra bhi gyan hai fashion ka, aur usse top karwa diye.
Gaurav… Ab chhoro bhi, final assignment to baki hai na, hum aur mehnat karenge, aur dekhna iss baar tum top karogi.
Saily… Next time my foot, jab wo Riti ki bachi hasti hai to kaleje me aag lag jati hai. Usse to main batati hun.
Itna kahti hui Saily wahan se chali aayi. Do din baad ki baat hai, college me Riti ek professior se hath mila rahi thi, aur wo professior bhi haste huye baat kar raha tha. Uss professior se baat karte huye jab Saily ne dekha to Indu ko tokti huyi…. Dekh-dekh, ye wahi professior hai na jo humare desine chek kar raha tha.
Indu… Haan ye professior to wahi hai, par ye Riti iss se aise kyon hans-hans ke baat kar rahi hai. Mujhe to dal me kuchh kala najar aata hai.
Saily… Samjhi nahi Indu, thik se bata na kya kahna chahti hai.
Indu…. Mujhe lagta hai Riti ne one night offer kiya tha, jis ke chakkar me aakar iss professior ne usse top karwa diya.
Saily…. Kya bak rahi hai, Riti aisa kuch nahi kar sakti.
Indu…. Jaan yahan jo dikhta hai wo hota nahi, sayad tumhari baten bhi sach ho, magar iss baat ko jhutlaya nahi ja sakta, ki wo kisi bhi angel se topper nahi lagti, phir bhi top ki.
Saily ke dil ne Indu ki baat ko sach maan liya par wo dikhawa karti …. Jane de ab jo ho gaya usme kya kar sakte hain, aakhir raat bita kar kaam niklwana bhi to talent he hai, chal chate hain.
Ander ki jalan nafrat, aur nafrat se dimag ki kalpna ne wo chingari bhadkayi, ki Riti ab Saily ko ek chhalwa najar aane lagi. Saily ne ab purn mansa bana li ki mujhe Riti ko har haal ne nicha dikhana hai, aur wo kaise hoga ye uske dimag ne rasta banana shuru kar diya tha.
Us raat charo ladkiyan canteen me khane ke table par baithi thi, tabhi Amar aur Niraj unke pass aaya aur Riti ko badhaeyan dene lage … Amar ne Riti ke compliment me itna tak kah diya…. “Beauty with brain, O’ Indu pagalpan me dimag lagane se achha hota thoda sa Riti ke pass baith kar kuch sikh leti”.
Indu to zahar ka kadwa ghunt pi kar chup rahi, par Saily ko bardast nahi hua aur wo kahne lagi…. “Amar ye high-class baten hai, Riti ne professior saab ka aisa dil jita, ki unhe Riti ke desine se achha kisi ka desine laga he nahi”… Aur itna bol kar kha jane wali najron se ghurne lagi Riti ko.
Riti uske tone ko bhanp gayi thi ki ye taunt kar rahi hai, par uski baaton ka matlab nahi samjh payi, baat aage na bdahe islye muskurati hui dono ka aabhar prakat kar, “thanks” kahne lagi.
Lekin Vasu ko Saily ka tone jarra bhi pasand nahi aaya, aur wo Saily ko guurti hui kahne lagi….. Saily kam se kam uss professior ko talent ki kadar to hai, tum aur Indu ne to humare desine dekhi tak nahi. Waise bhi Riti ko apne bahan ke sath botiqe me kaam karne ka anubhaw hai, uske faishon ke bare me gyan, hum sab se jyada hai.
Vasu ki baat sunkar jaise Saily ke dil ne chhed ho gaya ho, apne chir parichit gusse wale andaz me kahti hui…. Mujhe mat sikhao faishion ka gyan Vasu, mujhe maloom hai faishon kya hota hai. Tum dono ko jyada jaroorat hai sikhne ki.
Vasu hasti hui……. Wo to desining exibition me he dikh gaya, kiska gyan kitna hai. waise bhi tum kyon itni over react kar rahi ho Riti ke top karne par, uske khud ki lagan aur mehnat thi, lekin tumhari desine me do logon ki mehnat thi, aur ek ka to copy desine tha.
Vasu ki iss baat par jaise Indu ko mirchi lagi ho…. Vasu copy karwana bhi ek takent hota hai, waise tum logon ko faishion ka pata hoga magar iss field ka nahi. Sapno ki duniya me ho, bahar nikal aao. Bare bare desiner ke talwe chat’te hain ye talent wale aur unke kaam par un naam-chihn desiner ka mohar lagta hai. Mujhe thode na kisi ke takwe chatne hai, main to in talent walon se kaam karwaungi. Jaisa ki abhi maine karwaya, samjh gayi tum.
Cold war chhir chuka tha, aur bahas ka daur chalu. Nafart aisi paida ho gayi, ki jo sath rahte the unka sakal tak dekhna pasnad nahi raha. Riti ko bahut dukh hua iss baat ka aur wo afsos karne lagi ki uske he dost uske position aane par aise vyang bhari baten kar rahe hain.
Baat teen logon ke bich ho rahi thi, lekin usme baar-baar Riti ko gawar aur murkh kaha gaya. Baat ko khatam na hota dekh Riti aadhe khane par se he uth kar chali aayi. Riti ke bahar aate he Vasu bhi uske pichhe-pichhe chali aayi….
“Riti-Riti, pagal sunti bhi hai ya apni dhun me chali ja rahi hai”… Vasu, Riti ko pichhe se awaz deti hui.
Riti apni jagah ruk gayi, Vasu bhi sath hui uske…. Kya hua, tum aise kyon chali aayi ?
Riti…. Dekhi nahi kya aap, dusre log aakar badhaeyan dete hain, aur jo sath rahte hain, unke dil me kaise-kaise vichar bhade pare hain.
Vasu…. Dil chhota kyon karti hai, jiski jaisi fitrat hoti hai waisa he sochte hain, uske liye tum kyon udas ho rahi ho.
Riti… Par yaar maine to apna kiya, aur unhone apna. Main yadi top nahi karti aur meri jagah wo top karti to kya main bair palti. Mujhe yadi top karne ki khwaish hoti to main uss se jyada mehnt karti aur compitation deti usse, na ki uske liye mann me aise vichar lati.
Vasu…. Ab jab jaan gayi hai, to roti kyon hai, tum hasti raho, jise jalna hai wo jalte rahenge. Ek kaam karti hun, kal room bhi change karwa leti hun, taki tumhe uski shakal na dekhni pare.
Riti… Ye bhi sahi hai Vasuuuuuuu …. Vasuuuu wo baharr… Woooo
Vasu…. Kya ho gaya tujhe achanak koi bhut dekh li kya ?
Riti…. Bhut nahi, wo abhi yahan se daurta gaya……
Vasu…. To khadi kyon hai, tere wo mil gaye, chal chal kar dekhte hain ….
Dono teji se bhagi ussi ore jis ore wo ladka bhaga tha, dono aadha kilometer chali aayi uske pichhe-pichhe. Par aankhon ke samne jo manjar tha wo alag he kahani bayan kar rahi thi….. Dil ki pahli najar ke chahton ke bawjood mann ne yahi kaha Riti ka …. Iske liye main paglon ki tarah intzar kar rahi thi.
