Update 60
Vasu… Arree, muskurane kaha to mayus ho gayi, tu soch mat, pyar destiny hota hai. Kismat se milta hai, usse kismat ke bharose chhor de, aur dil ki awaz sun. Kyonki ye dil ka mamla hai, dimag se nahi suljhega. Waise tu achhi hai to wo jaroor lakho me ek hoga, aisa mera dil kahta hai
Riti… Ek baat puchhu Vasu ?
Vasu…. Arre puchho na, ab kya iske liye izazat logi.
Riti…. Tum Anu ko miss nahi karti ?
Riti ne jaise koi dukhti raag chher di ho, Vasu ki aankhen aashuon se dabdbayi najar aane lagi, halka bhari gala se boli…. Assignment submit karne chale.
Riti bas Vasu ke aankhon me uss pani ko dekh rahi thi jo Anu ke khyal se aaye the, khamosh ho gayi dono, aur issi khamosi ke bich achanak Anu ka call aa gaya…..
Anu…. Muaahhhh my love kaisi ho, dil bechain ho gaya to socha yaad kar lun.
Vasu… College me hun baad me call karti hun.
Anu, Vasu ki awaz sunkar thoda ghabrate huye…… Kya hua my love, tum ro rahi thi ?
Anu ka itna kahna tha ki aanshu jo ab tak aankhon me najar aa rahe the wo thode chhalak gaye…
Vasu…. Bahut din se dekhi nahi, ek baar aa jao please.
Anu…. Vasu, dil to mera bhi nahi lag raha, tumhari yahi marji hai to yahi sahi, 2 mahine ka samay le sakta hun kya ?
Vasu…. Mujhe kuch nahi sun’na tum bas jitni jaldi ho sake aao.
Anu…. Tumhe meri kasam jo royi to, chalo achhe baby ki tarah aanshu pochho aur jarra muskurao, warna main bhi yahan rone lagunga.
Vasu…. Nahi roti main, wo to aaj Riti ki chahat dekh kar meri chahat tarap gayi, aur ye aanshu khud-w-khud aa gaye.
Anu… Kahan hai meri sali sahiba, jarra do phone, aaj unhi ke sath thoda chance mar lun.
Vasu… Thappad khaoge kya Anu ?
Anu…. Azi thappad bhi maar lijiyega, ye gal bhi aap ka aur hum bhi aap ke. Socha aap to roti rahengi, to do-char pyar bhari baten ussi se kar lun.
Anu ki baat sunkar Vasu ke chehre par ek halki muskaan aa gayi, apni aansu pochhti Vasu kahne lagi……. “Bas-bas over acting band karo, normal hun. Ab thoda achha lag raha hai. Waise koi jaroori nahi kaam chhor kar aane ki aaram se 2 mahine baad aana”.
Anu… Jo hukum aap ka. Lekin please roya mat karo. Be my stong girl. Tum se he to himmat milti hai. Pata hai, jara bhi dil nahi lagta yahan, aise me tum yadi roti ho, to main sab chhor kar chala aaunga.
Vasu… Thik hai baba nahi roti. Ab main phone rakhun, assinment jama karne jana hai.
Anu… Thik hai khyal rakhna apna.
Vasu…. Bye, love u my sweetheart, muaaaaaaaahhhhhhhh.
Dono ki baten khatam hote he Riti, Vasu se kahti huyi…. Kyon madam, abhi to mujhe kah rahi thi mayus na ho, aur khud rone lagi, upar se Anu jab puchh rahe the to rone ka karan bhi mujhe he bana di.
Vasu…. Sach he to kahi. Jab tum mayusi se kahi, ki lagbhag bhul he chuki hun, to apne pyar se dur hone ka dard chhalak aaya. Main tumhe hasa kar, baat khatam karne wali thi, lekin pata nahi kyon tumne bhi Anu ki baat chher di. Mujhe to lagta hai, Anu ko msg bhi send tumhi ki hogi, tabhi uska call aaya.
Riti… Hehe, rone ka karan bhi main, aur Anu ke call aane ka bhi karan main. Aaj lagta hai sare ilzam mujh par lagne wale hain. Chale ab assignment jama karne, warna ek ilzaam aur lag jauega .. Tumhari wajah se assignment nahi jama kar payi.
Dono hasti hui wapas hall me aayi, Indu aur Saily ab bhi apne desine ko lekar kaphi utsah me lag rahi thi, Vasu aur Saily bhi unka utsah badhati unke karib he rahi.
Ussi raat Riti apne khyalon me gum bas subah hui Vasu ki baat ko yaad kar rahi thi, aur yaad karte-karte usse achanak kya sujha usne Vasu ko call laga di….
“Itni raat me Riti, sab thik to hai na”
Riti…. Haan, sab thik hai, socha thoda bahar ghum lun, kya kahti ho.
Vasu…. Lekin itni raat ko kahan jayenge, so jao abhi kal chalte hain.
Riti…. Nahi, abhi chalna hai, chalo na.
Riti ki jid ke aage Vasu ki ek na chali, anth me haar kar usse Riti ke sath aana he para. Vasu ke chehre par tab muskaan aa gayi, jab Riti uss se gate 2 se bahar ghumne ko kahne lagi….
Vasu…. Hehe, Riti apne sajan ko dhundne nikli hai.
Riti thoda sharmati hui…. Aap he kahi thi na, wo lakhon me ek hoga, to sochi mere lakhon me ek sajan se, kahin wahin phir se mulakaat ho jaye jahan hum pahli baar mile. Ufff lekin ye padesani, ek to wo itne dino se kahin mile nahi upar se itni raat me wo gate kaise khulega, uss watchmen ko kya kahenge?
Vasu…. Arre tumhari iss dil-e-khwaish ke bich uss gate aur gatekeeper ko thode na aane dungi. Chal…
Vasu aur Riti pahunche watchman ke pass, Vasu ne watchman ko ₹100 ki ek hariyali dikhayi, aur gate khul gaya. Dono gate se 200 meter left aur right tahlti hui baat karne lagi, kaphi intzar ke baad bhi kuchh hasil nahi hua…. Uss ladkey ka koi ata-pata nahi tha.
Vasu… Chale kya ab Riti, raat bahut ho gayi hai.
Riti ke chehre par mayusi saaf dekhi ja sakti thi, bujhe mann se hami bhar di, aur dhime-dhime apne kadam gate ki ore badhati, aur mur-mur kar pichhe dekhti hui Riti chal di.
Agle raat ko thik ulta hua… Vasu ka call Riti ke pass aaya…
“Vasu, aap itni raat gaye call, sab thik to hai na”
Vasu…. Khairiyat baad me pahle chalte hain bahar, thoda ghum aaya jaye.
Riti… Rahne dijiye sayad humari kismat bas uss ek mulakaat tak he thi, kya pata uske life me koi aur ho.
Vasu… Himmat kyon harti hai, waise bhi hum to kewal ghumne jayenge, waise bhi humari pyari Riti kisi ladkey ko mile ye uski kismat ki baat hai, ab chale Riti maim.
Pyari si muskaan ke sath Riti apne kamre se bahar nikli, aur aaj bhi thik waise he walk karti hui baat karte uss anjaane saks ki raah dekhne lagi. Lekin aaj bhi mayusi he hath lagi. Takriban ek hafte tak yahi silsila chala, aur dono roj raat ko bahar ghumne jati, baat karti uska raah takti, par kuch hasil nahi hua. Anth me haar kar dono ne raat me nikalna band kar diya.
Riti lagbhag khud ko samjha chuki thi, ki wo bas ek achanak si hui mulakkat thi, uss se jyada kuch nahi, par Riti ka dil rah-rah kar, uss anjaan saks ko ek baar aur dekhne ki mang kar raha tha.
Takriban ek hafte baad he assignment ka result bhi aa gaya. Par ye result kisi ke khusi to kisi ke gum ke liye jaise nikla ho. Saily aur Indu ko ummid thi ki unke desine top ranking me honge, par Indu ka desine under 25 me bhi nahi tha.
Uska sabse bada karan ye tha ki, jisne uska desine banaya tha, wo ladka pahle he uss desine ke liye first prize le chuka tha college se. Idhar Saily ka desine bhi, utni badhiya chhap nahi chhor payi marking karne walon ko.
Dono khud ko tasalli bhi de deti agar is competation me Riti ka desine top nahi kiya hota. Bite kuch sal apni bahan Kavya ke sath butiqe me kaam karte-karte Saily ko faishon aur uss se judi takniki chijon ka bakhubi gyan ho gaya tha, sath me kapdon ke desine ko lekar uski alag mansa, aur apne kaam ko dil se karne ki lagan ne Riti ko aaj top karwa diya.
Riti ke desine ko pahla sathan milte he Indu aur Saily ke chehre par jaise kitne sawal umar pare ho… “Ye ladki, jo gawar tarike se rahti hai, ye kaise jit sakti hai”. Dono ko ye baat katai nahi pach rahi thi, ki Riti ko top position mila hai.
Kahte hain jit ki khusi ya gum sabse jyada aap ke karibi ko he hota hai. Jahan ek ore Vasu, Riti ki iss jit par behad khush najar aa rahi thi, wahin Indu aur Saily, Riti ki iss jit par ander he ander pura jal-bhun gayi thi. Ye jalan, Riti ke prati Irsya ka roop le chuka tha, aur waqt ne apni sajis rachni shuru kar di thi… Sabki jindgi ki ek Anjaan Rahen……
