Anjaan Rahen ~ A Passionate Love – Update 59

Update 59

Riti ko thoda doubt hua aur usne apni sanka un dono se batayi.. Wo sab bhi hostel pahunch gayi. Teeno sidha Vasu ke kamre ghusi, jahan Indu pet pakad kar bas hase he ja rahi thi. Indu ko hasta dekh teeno ke mann me bas yahi khayal aaya, “ho na ho jaroor koi kand kar aayi hai”.
Vasu…. Indu, Amar kahan hai, aur tum phir koi musibat mol lekar aayi.
Abhi itni he baat hui thi ki….. Tej awaz room me bahar se sunai di….
“Chhoro mujhe tum dono, aaj to main iss ladki ko sabak sikha ke rahunga, sara mazak karna bhul jayegi”
“Par hua kya hai ye to batao”
“Mera dimag khisk gaya hai, chhor do tum dono mujhe, nahi to pahle tum dono ko he bhugtna parega”
Awaz sunkar charo ladkiyan bahar aayi, Gaurav aur Niraj, Amar ko pakadne ki kosis kar rahe the aur, Amar apne hath paun marta un se chhurane ki kosis me laga tha.
Riti…. Band karo aise paglon ki tarah karna, sab muh band kar ke chup-chap ander aao.
Riti ke tej swar se wahan ka mahol khamosi me badal gaya. Sab ander aaye, aur chup-chap khamosh baith gaye.
Vasu…. Tum sab shanti se mamla niptao, main sab ke liye chay lati hun.
Riti….. Ab koi kuch bolega bhi, kya hua tha. Mujhe ye jhagra-ladai bilkul pasand nahi.
Amar…. Riti ji, main iska khun kar dunga, mazak ki bhi hadd hoti hai.
Saily…. Par hua kya…
Amar…. Hum gaye the canad place ghumne, wahan maine iss se kaha tum ghumne layi ho tum do taxi ke paise …
Itna he bola tha ki bich me Sialy tapak pari…. Huhhhh ! Badtamij ladka ek khubsurat ladki ke sath jate ho aur taxi ka kiraya bhi nahi de sakte.
Amar…. Kyon pay karoon, maine kaha tha ghumne chalna hai. Khubsurati ke chakkar me do baar mamu ban gaya. Sala in ladkiyon ki baat par pighlna he nahi chahiye, humari kamjori jaan kar humara fayda utha leti hain.
Riti… Bas karo dono idhar-udhar ki baten karna, haan boliye Amar, fir kya hua..
Amar…. Hat jaeye aap Riti ji, main pahle iska gala ghont dun, phir batata hun kya hua….
Saily aur Riti dono aankhen dikhati hui …… Ab bolo bhi…
Itne me Vasu bhi aa gayi, sabko chay di aur wo bhi wahin baith gayi, chay ki chuskiyan lete sab Amar ko dekh rahe the…… Amar phir ek hasya-prad dukhad ghatna ka vivran kuch iss tarah kiya….
“Mujhe canad place le gayi, isne kahi ki mujhe shopping karni hai, to main bhi iske sath gaya mall me. Pahle floor par chadhe he the, ki iski phone ki ghanti baji, aur “haan, hun, abhi bejti hun” bas ye teen line baat kar ke phone kat di”
“Phir mujh se kahne lagi ‘lux ke executive manager ka phone tha, usse apne chaddi ke ad ke liye koi naya model chahiye, tumhare pass hai kya koi chaddi wali photo’. Maine “naa” me sir hilaya. Main uss waqt mana karta raha ki nahi mujhe model nahi chunege, fir bhi iss Indu ne jabrdasti mujhe chaddi di aur bhej di chenging room me”
“Maine wahan se apni ek pic nikali, to mujh se bolti hai, nahi ye band kamre me pura look nahi aaya, tum ek kaam karo, bahar aao main pic nikalti hun. Maine mana kiya to hasne lagi. Kahne lagi model banega aur sharma raha hai, chal bahar aa aur pic khinchwa”.
“Aur bhi bahut kuch taunt me boli. Jaise ki fattu ladka, sharmila, ladkiyan bhi aaj kal itna na sharmaye yadi usse koi modling ka offer aata hai to. Ab ladki se main baten sun raha tha, mera ego hurt kar gaya aur maine bhi hami bhar di aur pic khinchwane bahar aa gaya. Phir isne mujhe dusri chaddi di, kahi isse pahan kar aao, do teen clr me le lun taki selection pakka ho”.
“Iski itti confident baten sunkar mujhe laga, ki ab to main model ban he gaya. Mera wala changing room me koi aur ghus gaya tha, to main dusre me chala gaya, aur jab bahar aaya to ye gayab thi. Aur sath me gayab tha mera kapda, jo bagal wala changing room me tha.
“Chaddi me mujhe ghuma di shopping mall. Na to phone tha aur na he paise. Harmkhor mall wale wo, usnki dukan ki pahni chaddi bhi utarwane par aatur the”.
“Pair pakdey, girgiray-, bhikh tak magi logon se, ki madad kar do, mai uske paise return kar dunga, tab jakar taras kha kar wahan ke manger ne ek call karne diya aur bhala ho Niraj ka jisne mujh nange ko kapda diya. Tum sab chhor do main iska khun kar dunga”.
Kisi tarah dono ka mamla shant kiya gaya. Baat jo kuch bhi ho par log hans-hans ke pagal ho gaye. Pichhli raat mundan karwayi, aur aaj nanga.
Hansi majak aur padhai ke bich sab ka din gujrne laga. Sab apni chahat aur kaam me vyast ho gaye. Dekhte-dekhte in sab ka aadha saal yani 6 mahina kaise gujre kisi ko pata bhi nahi chala, sabki dosti gahri hoti chali gayi. Khaskar Riti aur Vasu ki.
Jahan bhi hote ye dono sath he paye jate, sayad iska karan ye bhi tha ki Vasu ka bf yahan nahi tha, aur Riti ka koi bf nahi tha. Dono saam ko fb par pura mahol bhi banane lagi thi, aur life ko enjoy bhi kar rahi thi.
Riti ke jehan se uss raat huye ek chhoti si mulakaat bhi ab dhundhli si parti ja rahi thi, aur wo apni padhai aur dinchrya me jyada vyasat thi.
Baat yahi kuch 6 mahine baad ki hogi, sabhi student ko pahla desine banane ka aasignment mila tha, aur jitne wale pahle do desine ko prize bhi milta.
Saily ko pakka yakin tha ki prize usse he milna hai, kyonki Saily ke disine me do logon ka yogdaan tha, ek to khud Saily aur dusra Gaurav. Unka desine wakai me bahut badhiya bhi tha. Idhar Vikki se jaan pahchan ko lekar Indu ko bhi yakin tha ki desine to ussi ka pass hona hai, kyonki uska desine ussi college ka koi topper bana raha tha.
Vasu ko koi matlab he nahi tha, wo bas participate kar rahi thi, aur Riti wo bhi pure dil se iss compitation ko jitne me lagi thi.
College me presentation ka din aaya. Saily aur Indu ne ek dusre ka desine dekhi, aur dono ek dusre ko desine ko dekh kar kaphi courage karne lagi. Riti aur Indu bhi dono ka desine dekhi aur unhe bhi kaphi pasand aaya.
Sabke itne incorgement mil rahe the Indu aur Saily ko, ki wo Riti aur Vasu ki mehnat ko thik se dekhe bhi nahi aur achha hai kahti hui, bhir me apni wah-wahi lootne chali gayi.
Indu aur Saily ka iss tarah ka rawiya dekh Riti ko thoda bura laga, usse laga apne dost he nahi dhyan de rahe hain unki mehnat par. Vasu ne jaise dil ko awaz samjh li ho Riti ki … Aur wo uske kandhe par hath rakhti hui ….
“Jane de na, dono ko itni tarife mil rahi hai, isliye sayad bhul gayi thik se dekhna. Par main janti hun tera desine superb hai. Dekhna jab tu prise jitegi, tab in dono ko tumhari quality ke bare me pata chalega, aur inko naaj hoga tumpar”.
Riti thodi emotional hoti hui…. Yaar dukhta hai, dost the mere. Do line achhe se bol dete, jhoota he sahi to kya chala jata. Aur aap ye sab mera dil rakhne ke liye mat bolo. Unhone to dekha bhi nahi mera desine aur aap kahti ho yahi desine jitegi.
Vasu…. Cheer up Riti, chal yahan se bahar chalte hain, jit ho ya har ho, par main janti hun tum dil se mehnat ki ho, isliye mere liye to winner tum he ho, bhale tarifen kisi ko bhi mile.
Riti ki aankhen nam ho gayi, wo thodi bhawuk hoti hui Vasu ke gale lag gayi aur thanks kahne lagi. Vasu bhi uske pith par hath thap-thapate… Hat pagli, bachon ki tarah roti hai, aise gale lagi rahegi to log hume lesbian samjhne lagen’ge. Mera kya main to settle hun apne bf ke sath, nuksan tera he hoga.
Riti, Vasu se alag hat’ti hui… Koi baat nahi jise jo samjhna hai smjhe, par mere liye to aap wahi rahengi, waise bhi bf ka kya karna hai, wo to pata nahi kahan gum gaya pahli mulakat ke baad.
Dono hasti hui exbition hall ke bahar chali aayi…..
Vasu… Tu abhi tak nahi bhuli usse Riti.
Riti… Lagbhag he samjho Vasu, wo to aaj aap ne charcha ki, isliye yaad aa gaya.
Vasu… Pagli, isse yadon me basna kahte hain, haan ek khaw jaisa hai wo tumhare liye, par koi hai to sahi, chal ab muskura.
Riti, Vasu ki baat par thoda mayus hoti huyi… Vasu lekin mujhe kuch bhi nahi pata na unke bare me. Yadi wo mil bhi gaye, aur bhagwan na kare lekin kahin wo koi awara kism ke insaan nikle to kya karungi. Dil to mera baiman ho gaya hai. Nahi, nahi mujhe bhulna he hoga unhe.
Vasu… Arree, muskurane kaha to mayus ho gayi, tu soch mat, pyar destiny hota hai. Kismat se milta hai, usse kismat ke bharose chhor de, aur dil ki awaz sun. Kyonki ye dil ka mamla hai, dimag se nahi suljhega. Waise tu achhi hai to wo jaroor lakho me ek hoga, aisa mera dil kahta hai.