Anjaan Rahen ~ A Passionate Love – Update 56

Update 56

Idhar Amar ke dil me gudgudi ho rahi thi, Indu dwara kiya gaya ye humla, aur udhar Indu khud me he hase ja rahi thi aur soch rahi thi… Kahin ye duffer nikla to, Tab to ye apne baap ke liye bhi nahi rukega sidha apni hajamat he karwayega….. Dono raat ke bare me apne-apne khyalon me kho kar hase ja rahe the.
Vasu…. Tu aisa kya bol di jo wo ander he ander muskura raha hai.
Indu…… Maine bol diya mujhe baal pasand nahi, raat me milna bina baal ke.
Vasu…. Heeee heeee heeeee, Kahan ke baal psand nahi Indu.
Riti…. Chhi, aise koi baat karta kya ?
Indu…. Haan sach he to kahi, baal pasand nahi. Heee hee hee. Tumhe kya baal pasand hai.
Riti…. Indu, aap aise mazak mat karo, mujhe bilkul pasand nahi aise mazak.
Vasu…. Riti, bholi, chal baba main manphi mangti hun. Thoda chill kar baba, chidhne ke badla ulte jabaw de diya kar, nahi to jitna chidhegi utna hum chidhaye ge.
Indu…. Riti, chal baba gussa thuk de, nahi karti mazak main.
Riti….. Arrre nahi, mazak ke liye koi mana thode na ki. Par uss tarah ke mazak pasand nahi. Me too sorry, sayad main aap sab ke sath adjust nahi ho paungi.
Vasu…. Ab ye kya hai Riti. Aise bol kar muh kyon latkayi. You are soooooo sweeetttt. Fir adjust wali baat ki na to dekh lena. Chal ab hans de, roni jaisi soorat hai tumhari. Aur O’ serious logon, ab baat band karo aur khana khao. Waise Indu wo muskura to aise raha hai jaise pura nanga hokar wax karwane ki planning chal rahi hai. Heee heee heee.
Indu…. Duffer he hoga jo itna na samjhega ki main mazak kar rahi thi.
Teeno jaldi se khana kha kar nikli, raste me jab Indu ne baal ki kahani batayi, to Vasu soch kar he hasne lagi. Riti ko achha nahi laga iss tarah ka mazak, kyonki sach me yadi wo aisa karega, to log kitna mazak udayenge.
Par Riti ki chinta par Vasu aur Indu dono ne apni hansi ka purn viram lagate huye, bas iss mazak ko enjoy karne ka suggestion di. Raat ko subh ratri kahte huye sab sone chale gaye, par Riti ko rah-rah kar uss ladkey ka he khayal aa raha tha, aur uski haalat ke bare me soch kar thodi chintit ho rahi thi.
Raat ko sabhi ladkiyan apne apne room me thi, par Riti se na raha gaya aur wo raat ke karib 1.30 baje khud me thodi himmat karti apne floor se dusre gate par najar dali. Dekh kar jo pahli jhalak mili usse dekh hans di.
Amar sach me baal mundwakar wahan kuch kar raha tha. Tabi Riti ne dekha apne hathon se do baar paglon ki tarah apna sir pita, aur patthar lekar street light par marne laga.
Riti ko uski haalat par daya aa gayi, aur wo usse samjhane niche gayi. Niche aate he Riti sabse pahle wathchman ke pass gayi, jo aadha jaga aur aadha soya tha….
Watchman…. Raat ko hostel se bahar nikalna allowed nahi hai, phir kyon ghum rahi ho aise.
Riti…. Suniye bhaiya, wahan dusre gate par lagta hai koi padesan hai, chaliye na.
Watchman…. Yahan to puri duniya padesan hai, wo koi akela nahi. Jao so jao.
Riti…. Suniye aap please chaliye, mujhe lagta hai hostel ka he koi padesan hai. Ab yadi usse raat me kuch ho gaya to, kal ko police aap ko aur jyada padesan karegi.
Riti ki baat sunkar wo watchman hadbada kar utha aur sath chalne ke liye raji ho gaya. Dusre gate par jaise he pahunche dono, ek kanch ki bottol gate par Amar ne gusse me fenk diya. Bechara pure bal mudwaye paglon ki tarah 12 baje se intzar kar raha tha, aur Vasu ka 1.30 baje tak koi pata nahi tha.
Sukr hai bottol kisi ko lagi nahi. Wathchman ne Amar ko daura diya. Riti bhi tej kadmon se do kadam he aage cahli hogi ki, ek takkar.
Footpath par chal rahe ek ladke se takra gai. Achanak iss takkar ke karan Riti unbalnce ho gayi, aur usse, uss ladke ne apne bahon me tham liya….
Riti ka pura bhar thame wo ladka khada raha. Haton me Riti ko thame wo ladka Riti ke chehre ko dekhne laga. Apne chehre par bikhre huye baal ko thoda side karti Riti ne bhi pahli jhalak uski dekhi. Dono ki najren mili, aur pata nahi, jaise pahli jhalak me he koi dil me utar sa gaya ho.
Jindgi me yun to bahut log milte hain aur mil kar kho jate hain, par kabhi kabhi iss bhid me koi aisa bhi mil jata hai, jo pahli he jhalak me dil me utar jata hai. Dono khamosi se jis tarah se dekh rahe the, aisa laga jaise aankhon ke raste koi dil me utar raha ho.
Dono ke bich kamosi si he rahi, aur ek dusre ko dekhte rahe……
Watchman….. Kya dono putle ban gaye ho, jo aise khadey ho.
Dono ka dhyan toota aur uss ladkey ka hath galti se hat gaya aur Riti ab bhi jhool rahi thi, wo dhamm se giri niche…..
“Aapppp, chhor diya, khadey to ho jane dete mujhe”
Ladka hadbata hua…. Extreamly sorry miss, aap ko kahin chot to nahi lagi.
Watchman… Chalo, mujhe gate bhi band karna hai.
Riti watchman ki baat sun kar kadhi hui, wo ladka ab bhi thoda sharminda najar aa raha tha. Riti ek pyari si smile di, aur usse ek baar dekti hui chal di. Riti jab apne floor par pahunchi tab ek najar bahar dali, bahar wo ladka ab bhi khada tha, aur Riti ke floor ko he dekh raha tha.
Riti ne jaise he dekha wo ladka usse he dekh raha hai, wo teji se palat gayi aur apne room me chali gayi………… “Kya soch rahe honge, main unhe dekh rahi thi aur unhone pakad liya. Waise the to kaphi pyara”.
Riti bas ussi ke khayalon ke sath nind ke aagosh me chali gayi. Pahli baar usse, kisi ladke ko dekh kar dil dhadka tha. Subah jab uthi to usse laga jaie koi pyar sapna dekhi ho raat ko, aur usse sapna he maan kar, muskurati wo college ke liye taiyar hone lagi.
Charon ladkiyan sath me he nikli ……..
Riti…. Indu aap ne achha nahi kiya.
Indu… Maine kya kar diya.
Riti… Bhul bhi gayi aap, raat ko kisi ke sath mazak ki thi.
Indu… Haan mazak he to tha, kisi ko bhi samjh me aa jata. Bhala koi baal mudwane aur baal saaf karwane ki bhi shart hoti hai kya ? Tum ab bhi wahin atki ho.
Riti…. Sayad aap ko pata nahi, usne sach me apne baal mudwa liye, aur rat me paglon ki tarah apna sir pit raha tha.
Vasu….. Jhoot bol kar hume dara rahi hai Riti.
Saily…. Par baat kya hai, kai mujhe kuch batayega. Main nahi thi to, koi mujhe kuch batata bhi nahi.
Indu…. Achha, aur apne Crazyboy ke sath kaun romantic saam par gaya tha. Batao batao.
Saily…. Par main akeli kahan gayi thi. Maine to sabko kaha tha, koi nahi aaya.
Vasu ne Saily ki baat me hami bharti hui, kal raat ki hui ghatna ko suna di. Sun kar Saily khub hasi, aur kahne lagi …… “Yaar kahin sach me na sir mudwa liya ho, kash Riti ki baat sach ho”
Riti…. Had hai aap sab bhi, koi yakin mat karo meri baat par, jane do.
Sab apne class pahunch gaye. Pura din sab apne-apne class me lage rahe, par jab aakhri class over hua aur charon bahar gate se nikal rahi thi….. Amar un sab ke samne aa gaya.
Amar ko samne dekh koi bhi nahi pahchan paya…. Lekin Amar kaphi gusse me tha. Apne sath huye mazak ko lekar kal raat se he wo Indu ko dhund raha tha, kab Indu usse mile aur aur wo apna badla le.
Gusse me Amar ne bina koi apni baat kahe sidha Indu ka gala pakad liya…… “Kamini tujhe baal pasand nahi na, dekh aaj teri khwaish puri kar deta hun. Ye dekh rahi hai, isse acid kahte hain, baal par dalunga, phir kabhi nahi aayenge.
Itna bol kar apni apne hathon me pakde ek sise ki bottol ko hilane laga jiske upar se halka dhuan bhi nikal raha tha, ladkiyan badi jor se chilaane lagi, “chhoro isse”, “koi hai kya”, “help, help”….
Chhan bhar me he tamasa ho gaya. Sabhi ladkiyon ko chilaate dekh gate ne nikalne wale student jama ho gaye. Gaurav bhi Saily ko he dhund raha tha, kal raat ko upset thi, aur suabh mili bhi nahi, isliye wo bhi ussi ore daura, Saily ka shor sun kar.
Bhid jama ho gayi. Acid dekh kar Indu to tharra he gayi, chhan me he usne bhayawan drisya ka anubhaw kar li, aur dar ke mare kapp rahi thi. Idhar bhid jabtak kuch samjh pati ki ho kya raha hai, aur koi action leti, uss se pahle he…. Amar ne wo sisi Indu ke baal par puri urel dali………