Anjaan Rahen ~ A Passionate Love – Update 47

UPDATE 47

Riti… Bahut jiddi hain aap, chaliye kahan chalna hai…
Riti ke hami bharte he Vasu ne Nihita ko call laga di aur dono nikal gaye uss se milne.
Idhar Saily aur Gaurav dono sath me nikle auditorium se. Gaurav aur Saily dono bahut khush lag rahe the.
Gaurav…. Thanks Saily, mujhe uss boring engineering se chutkara dilane ke liye. Yahan to aisa laga jaise sapno ki duniya me aa gaye hain.
Saily…. Crazyboy, mujhe bhi kuch aisa he laga. Issi baat par kahin ghum kar aaya jaye.
Gaurav… Tumhe to har baat ke anth me ghumna he najar aata hai. O’ madam abhi jo dekhi na wo ghum kar nahi mehanat se aata hai. Ab dekho engneering kar ke log dollor me paise kamate hain, iska ye matlab to nahi ki sare engeneer ussi mukam par ahunchte hain. Sach to ye hai ki 60% engneer to berojgar hote hain aur 10% he aise hote hain jinhe apna mukam milta hai.
Saily…. Crazyboy, pahle din main koi jhagra nahi karna chahti. Mujhe nahi sun’na ki kaun kya hota hai. Pravachan band aur Delhi ghumna shuru.
Gaurav… Ab na kahunga to tum thode na man’ne wali ho. Chalo chalte hain…
Gaurav aur Saily hathon me hath tham nikle Delhi ghumne ke liye. Sabse pahle pahunche mall aur dono multiplex me picture dekhne chale gaye. Light band hui aur picture shuru. Jaise he picture shuru hui, Gaurav ne ek jhatke wala kiss Saily ke galon par kar diya.
Saily fisfusati kahne lagi…. Kya kar rahe ho, pagal to nahi ho gaye.
Gaurav…. Main to hun he crazyboy, tumhara crazyboy.
Saily, Gaurav ki baat sun kar muskura di, aur apni ore muda Gaurav ke chehre ko samne ke parde ki ore karti hui kahne lagi… Mere pass tumhare liye ek fantastic offer hai…
Gaurav…. Offer ko maro goli, wo baad me dekhenge, abhi to bas ek pappi de do, aaj mood bada romantic romantic hua ja raha hai.
Saily….. Hunnnn ! To jao romance kahin aur dikhao, main ja rahi hun hostel.
Gaurav…. Jab dekho tab dhamki, batao kya offer hai.
Gaurav thoda ukhda sa chehra bana kar shant baith gaya. Saily, Gaurav ke chehre par hanth ferti …. “O’ mera crazybaby, gussa ho gaya. Waise offer tumhare favour me he tha, aur wo ye tha ki romantic scene par heroin ke sath hero jo b karega wo tum kar sakte ho”
Gaurav excitment me thoda jor se kahta … Sachhh !
Sare baithe aas pass ke log, ek dum se pichhe mude, saily fusfusate boli … Had hai thoda to bhawnao ko controll kiya karo.
Gaurav…. Ab aise offer kabhi room me picture dekhte samay to nahi di, jo khul kar express kar pata. Jahan di wahin express ho gaya.
Saily…. Huhhh ! Main sab samjhti hun, ab picture dekho, waise bhi tumhara ek scene to nikal he gaya.
Gaurav…. Baat me uljha kar ek mauka gawa diya maine.
Ab Gaurav screen par najren jamaye dekh raha tha, aur chidh bhi raha tha, sala ye action movie me romance ka koi scene bhi nahi aata. Ye kaisi movie hai. Dono hollywood movie Green zone dekh rahe the jo ek conspiracy aur military opretion par based thi.
Puri movie nikal gayi, romance scene to dur, ek hug karne tak scene nahi tha. Bechara Gaurav tak-taki lagaye puri movie dekh gaya aur ander se chidhta raha. Movie khatam hui aur muh latkaye Gaurav bahar nikla….
“Tum janti thi na iss movie ke bare me pahle se”
Saily… Nahi crazyboy sachi nahi janti thi, main bhi niras hun
Gaurav…. Jhooti kahin ki, niras hoti to ab tak gale lag chuki hoti.
Saily, Gaurav ki baat par muskurati kahne lagi, “chalo koi shant jagah, yahan bahut bhid hai”. Dono badi bekarari se apne liye jagah dhundne lage, par nahi mil pa rahi thi koi khali space.
Dhundte dhunte unko aakhir ek jagah mil he gayi… Ye tha mall ke ander bane ek horror place, jahan din me bhi andhera rahta aur horror awaz ke sath skulls aur darwani shakal ke sir, pair ye sab achanak se samne aate the.
Gaurav…. Chalo horror scene dekhne
Saily…. Ye romance ke bich me horror, tum pagal ho gaye crazyboy, waise bhi main in sab jaghon par nahi jati.
Gaurav….. Sidhe kaho na ki dar lagta hai, waise yahan par abhi romantic horror scene likha jayega .. Isliye chalo chalte hain.
Gaurav ne do ticket liya aur ander jate he Saily ki aankhon ko apne hathon se dhak diya.
Saily…. Andhera hai pura phir bhi aankhon ko kyon dhak rahe ho
Gaurav…. Kyonki dar ke mare tumhara mood na badle ab music suno aur bas mere sath chalo.
Pura andhera tha, Gaurav jab apna hath hataya to bhi wahi mahol tha jo aankhen moondne par. Saily bilkul kas kar chipak gayi Gaurav se, usse bhinch li aur kahne lagi ….
“Yahan to kuch bhi kar lo kisi ko pata bhi nahi chalega, aisi jagah ye log banate he kyon hain”
Gaurav…. Arrre ab shant jara .. Shantt .. Shantt .. Shantt
Kahte huye Gaurav, Saily ke badan par hath ferne laga aur usse kiss karne laga. Saily bhi Gaurav se khul kar mil rahi thi, wo bhi kiss ka aanand utha rahi thi. Abhi dono ek dusre me dube he honge ki upar se ek hath Saily ke sir par laga aur bijli ki tarah chamak hui uss jagah me.
Jhatke se chillati hui Saily, Gaurav se alag hui. Dar se uski sansen chadh gayi, aur hafti hui apne sason ko normal karne lagi. Saily dari si awaz me kahne lagi … “Chalo yahan se bahar”
Gaurav iss jagah ko banane walon ko kosne laga, aur bahar aa gaya. Saily bahar aate he washroom chali gayi, aur wapas aakar lagi Gaurav ka class lene.
“Bhala apni gf ke sath koi aisi jagah par bhi aata hai. Dur hato mujh se, mujh se baat karne ki kosis bhi mat karna. Pagal kahin ke”
Gusse me wo bas bole he ja rahi thi. Dabi najron se Gaurav bas aas pass he dekh raha tha. Point of attrection hua ja raha tha Gaurav. Gaurav hath jor kar shant hone ke liye kahne laga aur isharon me samjhane laga, log dekh rahe hain yahan.
Chidhi hui puri Saily, Gaurav muh latkaye khada tha. Delhi ghumne aur romance dono ka bhoot uss horror place ke artificial bhoot ne utar diya aur dono wapas hostel aa gaye.
Indu sab me akeli thi, aur sayad usse aise rahna he achha lagta tha. Koi uske bare me jyada jane usse pasand nahi tha. Uski najren to bas page 3 ke star ban ne ki thi, jiski surwaat wo kar chuki thi, aur aaj ke mahol ko dekhti hui, usse lagne laga tha ki wo sahi jagah pahunch gayi hai.
Ab uska maksad yahan apne contact banane aur upar badhne ka tha. Kyonki usse pata tha ki bina contact ke glamour world adhura hai.
Wo bas akeli idhar udhar tahal rahi thi, aur sare chijon ka aankalan kar rahi thi. Chalte chalte jab wo office ke pass pahunchi to ek badi si car aakar ruki office ke samne aur sare staff daur kar us car ke ird-gird najar aane lage.
Indu ko laga jaise phir koi star utr raha ho uss car se. Par usme se jo utra wo anjaan vyakti tha takriban 40-42 sal ka. Bilkul fit body aur presonality. Indu wahan ke chal rahe gahma gahmi ko dekh rahi thi, aur soch rahi thi ki abhi jo aaya wo kaun ho sakta hai.
Wo ek staff ke pass jakar pata ki, to pata chala ye aadmi iss college ka trusty hai, aur pura college issi ka hai. Indu ko lag gaya ki uski talaash sahi jagah ruki hai, ye hai apne kaam ka banda.
Thodi der ruki, dekhi, sare star us se hath milate wahan se nikal gaye, wo aadmi bhi apne car ki ore badha aur jane he wala tha, ki Indu uske pass pahunch gayi.
Thi to bahut he khubsoorat isliye uss aadmi ka dhyan bhi Indu ki ore gaya, Indu uske pass jakar “hello sir” kah kar usko wish ki.
Aadmi…. Kaun ho tum
Indu… Sir, main Indu hun, first year me. Aaj mera pahla din hai..
Aadmi… Don’t call me sir, main Bhupen thapar hun. Log mujhe Vikki ke naam se jante hain.
Indu… Sir, mujhe Sinha ji recommend kiye the.
Indu bhi apna dau khel gayi, usse achhe se pata tha ki wo kiska naam le rahi hai aur uske baad reaction kya aane wala hai.
Vikki…. Ohhhh ! Wo tum ho. Waise main khud tum se milta. Achha ki jo mil li mujh se. Yahan sab thik to lag raha hai na.
Indu…. Vikki sir, aaj to pahla din hai, kuch bata nahi sakti.
Vikki…. Pahle din se he log star ki race me aate hain, jo baad me plan karte hain wo gali star ban kar rah jate hain. Tum samjh rahi ho na main kya kahna chahta hun.
Indu…. Ji bilkul sir, aur meri bhi ikchha pahle din se he hai.
Vikki…. Ok Indu, ye rakho mera card, call me 6 pm star ki race me kaise utrna hai main bata dunga.
Vikki usse card dete chala gaya, Indu muskurati uska card purse me dali aur saam 6 baje ki planning apne hisab se karne lagi.