Anjaan Rahen ~ A Passionate Love – Update 25

UPDATE 25

Nainu, Adil se baat karne ke baad call disconnect kiya, aur khud me nachte huye…. Tum ne mere dost ke charitr par hanth dali na, ab main tera muh kala karoonga, bas dekhti jao.
Sab kuch apni jagah par sahi chal raha tha, Nainu ke plan ka har step uske mutabik tha, aur Amit ke wade ne puri kahani saaf kar diya, ab to bas intzar thi uss raat ki jab dil ki aag thandi ho.
Agle din subah college ke time par Amit ne subah subah Ankit ko call lagaya….
Ankit…. Kaise hain Amit bhai subah subah call kiye, sab thik to hai na
Amit…. Haan sab thik he hai, bas socha thoda baat kar lun aap se isliye call kiya. Distrub to nahi kiya.
Ankit …. Nahi sir bilkul nahi, par aap itne udas kyon hain, GF chhor kar bhag gayi kya.
Amit….. Hehe, kya Ankit bhai ek to pahle se uljha para hun upar se subah subah aap bhi kahan GF ki charchaon me lage hain. Bhai yahan koi friend nahi GF to dur ki baat hai.
Ankit…. Kya ho gaya itne padesan, baat kya hai wo to bataeye.
Amit… Kuch khas nahi rahne dijiye ye samsya kuch hat kar hai, mujhe he kuch sochna hoga.
Ankit… Arre kaisi baaten karte hain, aap humare dost hain aap ki samsya humari samsya, ab chupchap batate hain ya dharna du main aap ke hostel.
Amit…. Nahi bhai. Sam ko milte hain aap ke colony ke park me aur wahin baith kar baten karte hain.
Ankit ….. Thik hai milte hain sam ko Amit bhai.
Jaal bichha diya Amit ne, teer nishane par tha aur Ankit taiyar ho hone wala tha kaam karne ke liye. Sam ko dono wahin colony park me mile jahan Ankit ke sath Saily bhi thi. Amit ke aane ke baad sab ne ek dushre ko good evening wish karte huye samsya par baten karni shuru ki…
Ankit ….. Amit bhai, kya padesani ho gayi bataeye hume, hum milkar solve karenge.
Saily…. Haan Amit ji, bataeye to
Amit…. Baat kuch serious jaisa nahi hai. Darasal kal ek function hone wala hai hum logon ka. Aur wahan ek stage perform karna hai, aur mere pass koi group nahi.
Saily …. Wowwwwwww ! Aap stage perfomence bhi karte hain. Impressive Amit ji. To isme samsya kya hai. Aur team to college se he mil jayegi na.
Stage show ke prati Saily ki ruchi dekh Amit khush ho gaya kyonki target audience to wahi thi, Amit ko viswas ho gaya ki uska kaam ban gaya.
Amit… Wahi to samsya hai, stage par humra kaam he kitna tha, mere likhe kuch kavita the jise stage par padhna tha. Ek male part tha aur ek female part. Pahla ek kavita female ka aur uske khatam hote male ka … Aur issi kram me 5 kavita dono padhte.
“Wahan dikhana aisa tha ki un dono me kavita ka dwand chal raha ho. Lekin mere dono sathi gayab ho gaye. Pata nahi achanak se dono ko kaam aa gaya, ya mera perfomence na ho isliye dono ne indirectly mana kar diya. Jitno ko janta hun sab ne mana kar diya ye karne se, kahte hain stage par jate he unki awaz nahi nikalti. Ab bateye main kya karoon. Fasa diya sabne”….
Ankit…. Arre itti si baat, iska solution hai na humare pass. Aap wo kavitayen de do hum dono taiyar kar lenge tension kyon lete ho aap.
Saily…. Haan bas itna he na, mujhe laga koi dance show hoga, par kavitayen padhne me kya padesani hai.
Amit… Ha ha ha ha, stage show kisi ka bhi ho sayad aap dono ko pata nahi ki ek he samsya hoti hai hasitation. Jab stage par log pahli baar jate hain to kitna bhi perfect kyon na rahe dagmaga jaroor jata hai.
Ankit… Haan aap sahi kah rahe hain, par hum kaun sa pahli baar stage par honge. Hum to pahle bhi perform kar chuke hain.
Sari baten Amit ke anusar he murti chali gayi. Amit ne kahin se jahir nahi hone diya ki wo jaan bujh kar ye dono se karwana chahta hai. Saily aur Ankit bhi kaphi khush the, kyonki stage performance …. Dono soch kar he excited the.
Ek badle ki itni lambi planning, Amit ne sara tay samay bata diya ki kab programme shuru hona hai, aur jo material hai wo kal raste se Vijaynagar chaurahe se collect karta chala jaye.
Sab kuch plan ke hisab se he tha. Idhar Nainu and company .. Apne dost Gaurav ke sath huye iss wakye ka badla lene ko taiyar the aur unki taiyari puri ho chuki thi. Amit ke pass bas ab iss drame ke do kaam bache the.
Ek to wo material dena aur dushra sam ko co-ordinate kar ke dono ko party hall tak lana .. Jahan ke stage par unhe ye perform karna tha. Subah hote he Amit ne unhe sare kavitayen de diya aur wapas apne hostel laut aaya.
Amit kisi mohre ki tarah hukum ki tamil kar raha tha, par na jane kyon ander usse ek snkoch sa tha ki kahin kuch galat na ho jaye iss badle ke chakkar me.
Wapas hostel lauta to sare dost ek sath baithe the aur sab aaj sam ki he charcha kar rahe the. Sare dost bas ye jaan’na chah rahe the ki aakhir humara badla kis tarah ka hoga, aur Amit se jid kar rahe the wo ye raaj khol de.
Amit… Pata nahi yaar ye Nainu ke mann me kya chal raha hai. Sach me mujhe bhi pata nahi par darr lag raha hai kahin kuch…..
Tabhi unke bich se ek bola….
“Abbe khul kar bol, ki kahin kuch ding-dong na kar de Nainu uss ladki ke sath aur jo tu itna lattu hua ja raha hai hath malta rah jaye”
Dusra issi baat par aur maze lete…
“Haan achha plan hai Nainu ka, waise badle ke naam par apne maza ka pura bandobast kiya hai. Aisa na ho ke 9 mahine baad hum sab chaha ban jaye aur ye Amit Mamu”.
Teesra ne ab Amit par humla bolte …
Bechara Amit, pura khana pakaya isne aur kha koi aur raha hai. Tumhari dosti ko salaam dost. Hum iss dosti ki misal ko iss college ke itihaas me darj karwayenge .. Taki aane wali pidhi ye jaan sake ….. Ek tha ghonchu….. Amit
Sare ladkey ek sath phir se hooting shuru kiye …. Yeeeee yeeeeeee .. Amit ki .. Jai ho … Amit ki .. Jai ho