UPDATE 24
Unke jane ke baad Nainu aur Gaurav bahar aaye, ek vijayi muskaan ke sath, apni chhati chauri kiye. Ek ko girewan pakrney ka sabak mil chuka tha, ab baari dushre ki thi.
Vijaynagar chaurahe se sabha tooti, aaj Gaurav kaphi khush tha. Uski khushi ka andaja iss baat se lagaya ja sakta tha, ki aaj usne apne mahine ke kharch ke paison me se ₹5000 nikal kar doston ko party dene me laga diye.
Idhar Ankit aur Saily jaise hi wanha se nikle, sidhe apne ghar gaye. Dono me se koi college jane ki isthiti me nahi tha. Aaj baal-baal bache the dono, nahi to accident ke case me, accodent karne wale ka kya haal hota hai ye bhali-bhanti samjhte the dono.
Ankit ke ghar me Saily ne subah ki ghatna bata di. Ankit ko tej bike chalane ke liye dant pari aur tay ye hua ki Ankit, Saily ke sath uski scooty se college jayega. Ankit ke parent ko ab gawara nahi uska bike chalana.
Ankit par to julm par julm aaj ho raha tha. Saily, Ankit par laga ye anokha prtiband sunkar kaphi hans rahi thi, aur Ankit ander hi ander kaphi chidh raha tha. Saam tak sare dost bhi Ankit ke ghar pahunche. Mamlat ke bare me jankar sab ne bhagwan ka sukriya ada kiya ki bach gaye.
Vivek ne to Amit ke tarifon ke pull bandh diye, kyonki uska man’na tha, kisi rahgir ko bhi dhakka lage to logon ke bhir me phanse uss accident karne wale ko bakshte nahi, phir to ye engeenring ke student the. Amit in logon ki najron me kisi hero ki tarah ubhra.
Agle din se hi jindgi samnya thi. Saily ke sath ab Ankit tha uski scooty par, aur Saily, Ankit ka mazak udati raste bhar haste huye ja rahi thi ki “dekha teri bike chhurwa di na, uncle aunty ko bolkar, kya bola tha, main ladka hun ladki ke pichhe baithna meri tauhin hai, ab roj ye tauhin tu sah”
Ankit bechara chup-chap apna muh latkaye safai me itna hi kaha…. “Teri aag lagayi hai ghar me, warna janti tu bhi hai meri koi galti nahi thi. Ab koi ekdam se bike ke aage kud aaye marne ke liye, to chalane wale ka kya kasoor”.
Saily…. Kuch bhi ho, par galti to log chalane wale ko hi dete hain. Aur motu tumne galti ki ab saza bhugto.
Dono chal diye college, apni khincha-tani wale baton ko aage badhate huye. Do teen din me sab bhool bhi gaye ki koi aisi ghatna bhi hui thi.
Accident ke takriban char panch din baad, Ankit ko college me wahi Amit dikh gaya jo us din isse wanha se nikala tha. Ankit amit ke pass pahunch kar, ek baar phir thanks kaha aur uske college aane ka karan puchhne laga.
Amit….. Kuch nahi bhai, bas yanha kuch paper submit karne the, isliye chala aaya. Tum sunao, us din chot to jyada nahi lagi thi.
Ankit ne “na” me jabaw deta hua usse apne sare doston se milane chala aaya. Sabne Amit ka abhiwadan kiya, aur uss din ki ghatna me Ankit ko nikalne ke li sukriya adaa bhi kiye.
Kuch samay unke pass bitane ke baad, Amit wanha se wapas hostel laut aaya, jiska intzar hostel ke ladkey pahle se kar rahe the.
Amit, Nainu ke kamre me aakar, mehfil ko join kiya aur apni report dene laga…
“Bhai teer nisane par hai, unlogon ne apne friend circle se mujhe milwaya, par maine aisa zahir hone diya jaise pahli mulakaat hai, aur bas do-char line baat kar ke chala aaya.
Nainu… Wo sab to thik hai, par ye batao apna kaam kabtak hoga.
Amit… Bhai do teen random mulakat ke baad, jab hum thode aur close honge phir apna kaam bhi ho jayega
Nainu….. Pahle sab suno haramkhoron, ek to ye ki abhi koi hooting kiya to main uska yanha jina haram kar dunga, aur dushri ye ki yadi ye baat leak hui to ulta tang dunga sabko. Aur Amit, jitni baten abhi jis confidence se kiye ho, kaam waisa hi hona chahiye. Inhe bhi to pata chale ki bejjati kya hoti hai.
Nainu ke iss badle sur ne sabko chuka diye, kyonki Nainu bahut kam aise serious hota hai par jab kabhi hota hai, matlab sab chup-chap kaam kardo warna class to sabki pakki hai. Sayad uske mazkiya andaj se kisi ne ye tay nahi kiya tha ki Nainu uss din ki baat ko lekar kitna serious hai. Par aaj jis tarah se usne Amit ko kare sabdon me hidayat diya, matter ke seriousness ko sab ne bhapa.
Garav…. Nainu aaram se, Amit kar raha hai apna kaam. Aur ye kaise bol diya jo kaha hai wo kar, bhai jane de, wo to kosis hi karega na.
Nainu… Nahi, isne jimma liya hai ye karega. Crazyboy hansi mazak apni jagah, par koi tumhara girewan pakar kar bhadi sabha me, na sirf tumhe balki pure pariwar ko ghasite, aur usse aise hi sirf isliye jane dun, ki apna hi ek sathi thik se kaam ko anjaam nahi de saka. Nope, Amit ne jimmedari liya hai to usse karna hi hoga.
Badle mahol ko bhanpte huye, Amit ne ek baar phir Nainu ko aswasan diya “kaise bhi kar ke kaam ho hi jayega”.
Agle din sam ko jan-pahchan badhane ke hisab se Amit, Saily ke colony ke park pahunch gaya. Saily har sam apne pet ke sath aadhe ghante aati thi. Saily apne time ke hisab se pahunchi aur park me Amit ko dekh uske pass pahunch gayi.
Amit… What an co-incident, aap yanha kaise Saily ji
Saily…. Unnnnn, Mr. aap yanha mehman hai, aur ye humare colony ki park hai. Sach sach batao yanha kyon aaye ho.
Amit ko ek pal laga ki jaise Saily ko sab khabar lag chuki ho, thoda ghabraya wo jabaw dene laga…. Nahi, main wo thoda sa rest kar raha tha. Yanhi se gujar raha tha to park me aakar baith gaya. Aap ko achha na laga ho to ja raha hun.
Saily… Hehe, suniye mazak kar rahi thi, maine socha kyon na aap ko thoda daraya jaye. Kisi se milne aaye the kya ?
Amit…. Haan, idhar RB colony me apna ek dost rahta hai, ussi ke pass aaya tha.
Saily…. Achha hai issi bahane aap se mulakat bhi ho gayi. Hum bhi yanhi rahte hain, wo mera makan hai, aur wo jo green colour ka ghar dekh rahe hain, wo Ankit ka hai. Aap rukiye main Ankit ko call karti hun.
Sally call lagati huyi….. Udhar se Ankit kam respond … Hello Saily
Saily…. Motu park aa ja Amit ji humare colony aaye hain.
Itna bol call dsiconnect kar di….
Amit… Ye motu kaun hai
Saily… Hehe, hum Ankit ko motu bulate hain
Amit… Lekin wo to fit hai, kanhi se bhi mota nahi lagta
Saily…. Abhi na fit hai, wo to uncle-aunty ne usse jabarti exercise karwa-karwa ke bana diya hai, warna kuch sal pahle tak to chhota hanthi tha.
Amit… Ha ha ha, chhota hanthi
Ankit… Kya hua, kis baat par itni hansi aa rahi hai Amit bhai
Saily… Chhota hanthi par, aur kis par
Ankit… Saily main tera sar phor dunga, Amit bhai ek nubmber ki jhooti hai, viswas nahi kijiyega iski baton par. Main jaisa hun suru hi waisa hi hun.
Teeno ke bich baten hoti rahi, phir Ankit ne apna number bhi diya Amit ko aur sab apne apne ghar wapas ho gaye.
Do-teen din tak aksar hi Amit takrata in logon se kanhi na kanhi, ab to baten bhi hone lagi thi. Amit ab ghul-mil gaya tha in logon ke bich.
Ek sam Nainu ne Amit ko akele hostel ki chhat par bulaya…
Amit… Haan bhai bol
Nainu…. Kal ka date fix karoon ya parso ka.
Amit…. Jane de yaar galatfehmi ho gayi dono se par dil ke saaf hain. Manph bhi kar de.
Nainu…. Ladki dekh kar fisal gaya kya Amit, sun bhai tujhe pura mauka milega phir hum bich me nahi aayenge, bas 2 ghante hume de de, bhai ki baat maan le nahi to wo dard mujhe jalate rahega.
Ajib dwidha me phasa Amit ne Nainu ke kaam ke liye hami bhar diya aur parso ka din mukkarar ho gaya Amit ke taraph se. Amit, Nainu ko sunischit karne ke baad wanha se chala gaya aur Nainu wanhi chhat par baitha ek call laga diya….
Dusri taraph se…. Haan bhaijaan boliye.
Nainu… Adil bhai sab ready hai na.
Adil… Haan bhai sab ready hai, kisi baat ki chinta mat karo, bas kaam kab hoga ye batao.
Nainu…. Kaam parso hoga, par aap sure ho na andhera rahega aur kisi ko kuch pata bhi nahi chalega.
Adil… Yadi kisi ko pata chal gaya to, aap ka juta mera sir. Aur poora set-up mera hai to aap besak mujhe hi sare mamlo ka dosi bana dena.
Nainu…. Thik hai Adil bhai aap ki baat par bharosa kar ke main ye kaam karne ja raha hun. Banki pura manage aap ko he karna hai.
Adil…. Fikar nahi kijiye bhai jaan, aur koi bhi masla ho, to main hun na. Insah allah jit humari he hogi.
Nainu, Adil se baat karne ke baad call disconnect kiya, aur khud me nachte huye…. Tum ne mere dost ke charitr par hanth dali na, ab main tera muh kala karoonga, bas dekhti jao.
