Anjaan Rahen ~ A Passionate Love – Update 23

UPDATE 23

Aisa bole jaise koi fauj ki tukri, apne mission par nikali ho. Sare khuphiya agents ko ek hi kaam ke pichhe lagaya gaya … Mission Saily ke routein ka pata lagana.
Chay ki tapari se sab ek vision ke sath nikle, roj subah jamghat hoti rahi vijayanagar cahurahe par, saily par najar rakhi jane lagi. Ladkey adla-badli me roj pichha kartey, kabhi koi ek pichhe jata to kabhi dushra.
Aakhir jate bhi kyon na, engineering college ke student the, aur M.P ke engineering student union ka to naam chalta tha. Sara deta ready tha agle 10 dino me. Kanha rahti thi, kaun-kaun se dost hain unke, kanha-kanha jana pasand hai. Lagbhag poora bio-deta, phone number aur social profile ke sath ready tha.
Idhar in sab baton se anjaan Saily apni duniya me mast thi, na to usse jara bhanak lagi iss pichha karne ka, aur na hi kabhi usne gaur kiya, bas apni hi duniya me mast thi.
Sari detail pahunchi Nainu aur Gaurav ke pass…
Nainu…. Crazyboy, time to make some craziest
Gaurav…. Par hum karenge kya
Nainu…. Chir-haran bhari sabha me…….
Gaurav….. OOOOOOOOOOOO, tera dimag to sahi hai na, tujh se ye ummid nahi thi. Tu pura pagal ho gaya hai.
Nainu…. Muh to band karo uncle aur tere liye kuch bhi bhai, tera chir haran hua bhadi sabha me, ab uska bhi hoga ….
Sare ladkey ek saath hooting karte … Yeeeeeeee, yeeeeeeeee, chir haran chir haran, crazy boy ab banega dusyant…. Chir haran …. Chir haran ..
Gaurav…. Jahilon, aisa boltey sharam nahi aati. Kisi ladki ke sath aisa vyvhar. Hatt, mujhe koi badla, wadla nahi lena. Aur yadi kisi ne koi ulti harkat kiya to soch lena main hi zehar kha lunga. Phir mere marne ke baad jo ji me aaye karna.
Sare mitr hasne lage Gaurav ki baat par. Gaurav apni baat bolkar, sabse narajgi dikhate wanha se utha kar kone me khada ho gaya.
Nainu uske kandhe par hanth rakhte…. Pagal hai kya Gaurav, kuch bhi ulta samjhta hai. Itni sense hum me bhi hai. Tere me akal hai ki nahi. Arre duffer, chir haran ka matlab hum bhi kuch aisa karenge jis se usse bhadi mehfil me bejjati mehsus ho.
Gaurav…. Par wo bejjati bhi tum log ek ladki par abhadr tarike ka vyang karke hi karoge.
Nainu…. Crazy boy, itne bhi gire nahi ki aisa vyvhaar karen, par jo bhi karenge wo dayre me rah kar karenge viswas rakho.
Gaurav… Nainu, Nainu..
Nainu…. Haan bol..
Gaurav…. To pagal ruka kyon hai, jaldi se chalo badla poora karte hain ….
Phir se sare ladkey ek sath hooting karte huye….. Yeeeeeeeeeee, yeeeeeeeee .. Hum badla lenge, yeeeeee yeeeeeeeeee.
Itni tej shor hostel me, sunkar warden inke kamre me aate huye ….. Yanha tum me se kisi ki shadi ho rahi hai, jo paglon ki tarah humgama kar rahe ho, ab agar jarra bhi awaz aayi to utha kar bhara fenk dunga tumhe Nainu, main janta hun sab tumhara hi kiya karaya hai.
Sare ladkey muh par tala lagaye, bas Nainu ko dekh rahe the, aur nader hi ander hans rahe the. Kyonki koi bhi ghatna ho, aakhir sabka ilazam ussi ke sir jo aata tha. Warden ke jate hi, sab jor-jor se hasne lage.
Nainu…. Bhago kamino, agli baar jiska matter hoga, meeting ussi ke kamre me hogi. Sale kisi din tum sab ke chakkar me main hi na bahar ho jaun.
Sare ladkey jor-jor se hasne lage. Kuch bhi ho meeting to honi thi Nainu ke hi kamre me, isliye meeting dabi awaz me hi sahi, par hoti rahi rahi wanhi. Aur aakhir Saily ko jalil karne ka master idea aa hi gaya Nainu ke dimag me… Aur jaise hi yojna ka khulasa hua … Sare ladke …
Woohooooooooo, woohooooooooo …. Chalo party karen, chalo party karen.
Nikal liya Nainu kamre se bilkul, jaise hi ladkon ka shor hua aur iss baar bali ka bakra bana Gaurav, kyonki dusra highlighted wahi bacha tha.
Agle din subah-subah, jaise hi Ankit aur Saily vijaynagar chaurahe se aage nikle, hostel ka char ladka, achanak se sadak par daur gaye. Takriban 10 fit ki duri par huyi iss hulchal se Ankit ka bike unbalnce ho gaya. Dimag ki batti gul ho gayi. Jitni teji se ho sakta tha Ankit break lagaya.
Idhar planning ke tahat, bike ki speed jab dhimi ho chuki ho, tab ek ladkey ko bike ke samne aana tha aur ek dhakka khana tha bike se. Man’na padega kaphi unity thi, tabi un me se ek ye himmat kar gaya. Aur dhakka kha kar sadak par gir gaya.
Idhar tej break lagane se Saily lagbhag Ankit ke upar aa gayi thi, aur Ankit pura unbalance hua, jis karan se bike niche gir gayi, par tabtak Saily bike ke sath na gikar, niche utar chuki thi.
Ab wanha ka mahol ye tha, ek ladka chot khaya niche para, ankit bike ke sath gira tha aur Saily bagal me khari, apni hatash me badhi sanson ko kabu me karti dekh rahi thi, ki ho kya gaya.
Gaurav mann maar kar rah gaya, girna Saily ko bhi tha par giri nahi bach gayi. Nainu aur Gaurav dono dur se bas dekh rahe the, plan ka 25% part fail ho gaya tha, khair ab bari thi next step ki.
Jaise hi ladke ko takkar lagi, 20/25 engeenring ke student ne dono ko gher liya. Nainu aur Gaurav iss samay bilkul picture se bahar the aur pura planning execution unke ek dost Amit ke hath me tha.
Sab marne ko taiyar the Ankit ko, aisa dikhawa kar rahe the halanki, aur Saily, Ankit ka bachaw kar rahi thi. Mamla ko serious banate huye ek ladke ne Ankit ka gidewan pakar kar khinch kar ek thappar jar diya.
Saily gusse me pagal ho gayi, Ankit ko bhi bahut gussa aaya, kyonki galti Ankit ki jarra bhi nahi thi, par mamla accident ka tha aur Ankit asahay ladkon ke bich phansa. Tabhi bich-bchao me Amit aa gaya. Amit ne pahle sabko side hatne ka ishara kiya.
Amit ki baat mankar sare ladkey gusse bhari najar se Ankit ko dekhte huye side ho gaye. Bechara Ankit, ek to bike se girne ka chot upsr se ek thappad. Khair, ab Amit kaman sambhalta pahle Ankit se manphi manga. Aur kaha…
“Sorry boss, accident dekh kar ye log control na rah sake. Aap ki koi galti nahi hai aap jaeye yanha se. Aur please jaldi jaeye, kyonki accident ka mamla hai kuch bhi ho sakta hai”
Ankit ne ahsan bhade sabdon me thanks kahta wanha se Saily ko lekar jaldi se nikla. Chot khaye ladke ke haal ka jayja liya gaya, thoda bahut chhila tha bas, banki ladka tandrust aur race me daurne ke layak tha.
Unke jane ke baad Nainu aur Gaurav bahar aaye, ek vijayi muskaan ke sath, apni chhati chauri kiye. Ek ko girewan pakdne ka sabak mil chuka tha, ab badi dushre ki thi.