Anjaan Rahen ~ A Passionate Love – Update 21

UPDATE 21

Ye panchon bhi apne college ka pahla din enjoy kar rahe the. Inki tarah kayi aur student the jinhone apne mitron ke sath admission liya tha, wo sab bhi canteen aur college ko enjoy kar rahe the. College ka pahla year aur pahla din ek pyara sa anubhaw tha sab ke liye.
Pncho dosto me char pahle se apas me bandhe the…. Dono “A” apne rashi ke hisab se izhar-e-mohabbat kar chuke the, yani ki Ankit aur Archna, Vivek aur Seema ka bhi love bound ho gaya tha aur sab adhikarik roop sab se gf/bf ghoshit the. Rah gayi thi to bas Shrylin.
Aisa nahi hai ki Shrylin par koi fida nahi hua ya Shrylin ka koi bf nahi bana. Vastavikta ye thi ki jitni Sharlin ladko ko aakarshit karti thi utna kasis kisi ke pass nahi tha. Ek khubsurat husn ki mallika.
Kayi puposal aaye Shrylin ke pass, uske school ke dino me jab wo 11th, 12th me thi. Kitno ko sandal se jabaw di, to fantasy me do teen ko haa bhi kahi .. Kewal iss khyal se ki chalo ek bf mera bhi ho. Lekin koi bhi relation 5 din se jyada nahi tika, karan tha Shrylin ke tevar, jo kisi se sambhle hi nahi.
Ab tak jindgi ne usse sab kuch diya tha, maa baap ka pyar, kaphi achhe dost, sir utha kar jine ka tarika, ek vhauk hriday jisme pyar tha apno ke liye aur uske liye kuch bhi galat na hote dekhne ki chah. Par kahte hai na koi purn nahi hota, wahi haal Shrylin ka bhi tha. Shrylin ki sari khubiyan uske kuch aw-gun ke karan bilkul pichhe rah jati thi.
Uska gussa, kisi ki baat ko na sun’na, natija galtfehmi aur us galatfehmi me kuch bhi bol dena. Sun’na usse bilkul bhi pasand nahi tha, haan doston me thoda bardast kar leti, lekin thoda hi, jyada hone par phir to shamat aayi.
Har din kuch naya nahi hota, ghanayen roj-roj nahi hoti, aur aap ke har galat aw-gun ko kisi na kisi din jabaw jaroor milta hai. Shrylin ka gussa bhara tewar, aur na bardast kar pane wali bhaw kisi se chhipi nahi thi, par jab kabhi bhi koi masla hota to uske dost aur pariwar sambhal lete the. Lekin aane wala waqt kisne dekha, jindgi kab kis mod par ulajh jaye.
March 2008, theater me crime thrill release huyi thi “Race”, aur sare doston ka programme bana iss picture ko dekha jaye. PVR me sabki booking huyi aur college se sare dost uss picture dekhne gaye.
Sabi jode ek vargikaran shreni me baithe the, Ankit, uske dahine Archna phir Vivek aur Seema aur sabse aakhri me Shrylin. Shrylin ko movie ke dauran chit-chat pasand nahi thi, isliye wo aakhri me baithi thi, banki dost movie ko lekar aapas me vichar-vimarsh wanhi par karte the.
Shrylin ke side se do ladke baithe the, aur phir row khatam. Movie chal rahi thi aur sare dost enjoy kar rahe the, tabhi movie me ek hot song prdarshit hua, Bipasa Vasu aur Saif Ali Khan ki, bagal ke dono ladke me se ek ne huting suru kar di, hooting itni jor ki thi aur indirect sabdon se bhari ki Shrylin chidh gayi.
Khair, uss samay to chup hi rahi par movie ke end me jab sab nikale to Shrylin thik un dono ke pichhe thi aur banki ke uske dost aage bicha me dono ladke … Cinema hall se bahar nikalte hi Shrylin….. “Hello, mr jara suniye”
Dono ladke pichhe mure, ek kaphi sophisticated ladki ko yun pukarte suna, phir aage mud gaye, unhe laga sayad kisi aur ko pukar rahi hai …. Shrylin, iss baar thodi tej awaz me boli …… “Tum dono se hi kah rahi hun”
Iss baar dono ko wakai laga, itni mast ladki hume hi pukar rahi hai, dono ander hi ander kaphi khush huye, tej awaz ne shrylin ke doston ka bhi dhyan apni ore khincha.
Isthiti kuch aisi thi ki, Shrylin khadi thi, uske samne dono ladke khade the aur pichhe se charo dost Shrlin ki ore mude, dekhne lage mamla kya hai.
Dono me se ek ladke ne Shrylin ki baton ka jabaw dete huye kaha …. Hello miss, aap ne mujh se kuch kaha kya ?
Shrylin…. Haan gatar chhap, tum se hi kahi
Aisi bhasha, wo bhi itni sunder ladki ke sabdon me, bejatti si mehsus huyi uss ladke ko, wo to aschrya me apni aankhe badi kiye, samjhne ki kosis karne laga ki aakhir hua kya hai, mamla kya hai…
Shrylin apni baton ko aur tul deti aur usse aage badhati huyi kahne lagi….
“Tharki kanhi ke, ghar me logon ne sanskar hi nahi diya hain, kamine, aise scene enjoy kar rahe the jaise Bipasa aur Saif ke sath ye bhi wanha majood ho. Sharam nahi aati tum ko, is traha se hooting karte, ye bhi nahi dekhte ki tumhare wajah se dushre distrub hote hain”
Ankit…. Saily, ab kya hua, kuch kiya kya isne, bol to abhi batata hun
Itna bol kar Ankit ne uss ladke ka collar pakar liya jo khada sun raha tha, aur uss par apna gussa dikhate huye…. Haramjade, tu cinema hall ladki chherne aata hai, ruk tujhe main abhi batata hun.
Itni baten huyi hi thi .. Ki sath khara us ladke ka dushra sathi ne Ankit ko dhakka dekar hataya, aur kaphi gusse me bolte huye ….. Sun oye, jo tu kar raha hai na usme bahut bacha hai, koi chup hai iska matlab wo galat nahi, ladki ke samne hero mat ban nahi to aukaat samne la dunga. Ye humari sarafat hai ki chhor raha hun nahi to iss badtamiji ke liye tumhare hanth tor deta aur jabre ki battisi bahar lakar ussi tute hanth me thama deta.
Mahol garam ho raha tha, gahma-gahmi badh rahi thi, log jutne lage the un sab ke pass. Vivek ne apna vivek lagate huye bich bchao me aaya, Ankit ko shant kiya, uss ladke se bhi shant rahne ki iltaza ki, phir Shrylin se “baat kya huyi” puchhne laga.
Shrylin…. Ankit shant ho ja, mujhe kuch karta to, main isse jinda na jala dun. Main inke thik bagal me baithi picture dekh rahi thi aur ye gande-gande comment kar raha tha (Ussi pahle ladke ki ore ishara karti huyi boli jisne Shrylin ko pahle toka tha). Sanskarhin kanhi ke, maa baap ne sanskar ki nahi diya.
Itna kah kar Shrylin gusse me aage badh gayi, aur sab thode thode dhutkarte huye, dono ko nikal gaye. Aur dono bechare khade ye socne me lage the ki bina baat ke ek ladki aur jama itne sare log bejjati kar ke chale gaye .. Sala charecter aur maa-baap ko bhi ghasit diya.
Baat aage na badhe, bhir ikatta ho gayi thi, isliye dono ne sun liya baat, lekin ander hi ander pura sulag chuke the. Sulge bhi kyon na, kyonki Sharylin jin do ladko ko sunana chahti thi wo to koi aur the, jo movie khatam hote hi bhid ke sath nikle, aur Shrylin ne jise trace kiya, wo to koi aur the.
Dono jillat si mehsus karte huye, apna chhota sa muh liye multiplex se nikal aaye, par rah-rah kar dono ko, Shrylin dwara ki gayi bhari bhid me bejjati yaad aati rahi.