UPDATE 20
Sapne jo aankhon ne dekhe the wo sach hone ja raha tha. Shrylin Rajdhani express me, apne ek pyare dost ke sath baithi bas apne aane wale dino ke bare me soch rahi thi, aur uski kalpna kar rahi thi.
Indore ke ek businessman ki beti, jo high-society se belong karti thi, kaphi independent aur confident ladki thi. Apne maa baap ki eklauti beti aur swabhaw se kaphi chanchal. Maa baap ki eklauti beti thi isliye swabhaw se thoda jiddi aur thodi ghamndi bhi thi.
Nain naksh kabhi aakarshit karne wale the uske aur Shrylin ke nakhre hazar. Khane se lekar dress har chij me kaphi choosy thi sayad isliye ab tak koi isse mr perfect nahi mila tha. Khule vichar ki thi aur fashion desining iska sapna.
Shrylin ka sapna tha ki fasion desining me iska bhi apna ek naam ho, barre-barre brands ki compnies ke offers ho iske pass aaye.
Shrylin ka ye sapna shuru uske college ke dino se hua. 12th pass kar chuki thi aur graduation ke liye sare dost ek hi college me dakhila karwa chuke the. Pahla din Shrylin ke college ka.
“Ufff ! Kya pahna jaye, skirt-top, ya jeans pahnu ya foramal sa kuch”
Pichhle aadhe ghante se Shrylin choose nahi kar pa rahi thi ki kya pahan kar jaye. tabhi hall se awaz aayi ….
“Saily …. Saily … Aaj hi college jana hai, jaldi karo”
Sarylin ke school ka dost jo ghar ke hi pass rahta tha, Ankit … usse awaz dete huye.
Sarylin…. Ruk ja motu kitni jaldi rahti hai tujhe kanhi bhi jane ki, taiyar to ho jane de
Ankit…. Main tera khun kar dunga yadi college me tune mujhe motu kaha to, aur tu kya shadi me ja rahi hai jo itna samay laga rahi hai.
Shrylin finally ek jeans aur top apne upar dal chuki thi aur taiyar hokar bahar aayi, ab tak Ankit ke bulane ke 15 min ho chuke the. Ankit fula sa muh lekar sofe par intzar kar raha tha.
“Ho gaya chal”
Ankit… Na na, abhi to make-up banki hai wo bhi kar le, aur ye kya hanthon me nail polish nahi lagayi ye to rah hi gaya.
Shrylin ne apne nakhuno ko dekhi aur apna hanth apne mathe par marti .. Ohhhh ! Ye to rah hi gaya, thanks motu ruk main abhi aayi.
Ankit poora chidh gaya, “anhhhh ! Pagal ladki” karte baith gaya sofe par, Shrylin nail polish laga kar wapas aayi. Iss baar Ankit ne kuch nahi bola, apne muh ko band hi rakhne me bhalai samjha.
Dono bike par chal diye apne naye college ki tarapf janha inke school ke kuch aur doston ne bhi asmission liya tha.
“Achha sun motu aaj pahla din hai, humari raging to hogi na, bahut taiyariyan kar rakhi hai raging ke liye”
Ankit… Tu kya pagal hai, raging ki taiyari, hadd hai yaar, aisa kuch nahi hone wala hai. Govt. ne ban kiya hai raging, aur maine pata kar liya hai uss college me aisa kuch nahi hota.
Shrylin…. Kyon ? Aakhir kyon ban kiya Govt. ne, bachon ki khushi nahi dekhi jati. Kitne sare sapne sajaye the, ki filmon ki tarah seniors humare raging lenge. Mujhe kuch ulta kahenge, main gusse me aa jaungi, phir tum logon ki ladai hogi, college do group me bant jayega, aaye din cold war hota rahega, kabhi kabhi mara-mari bhi.
Ankit… Pagal, chup ho ja, tune kya dange karane ki thani hai. Itni lambi planning. Tu na ek kaam kar, uss pole ke pass main bike rokta hun, tu na uspe apna sir patak sayad kuch akal aa jaye. Ye to mar karwane ke khayal se college ja rahi hai.
Shrylin… Chup kar motu mere armano par yanha pani fir gaya aur tujhe mazak sujh raha hai. Rok jaldi, bike rok.
Ankit… Par hua kya jo bike rokne ke liye kah rahi hai.
Shrylin…. Hua kuch nahi bas bike rok abhi, nahi to main kud jaungi.
Ankit, Shrylin ko kosta apni bike roka…
Shrylin…. Hatt tu jara side
Ankit chup-chap side ho gaya, Shrylin ja kar aage ki seat par baith gayi aur Ankit ko pichhe baithne ke liye boli.
Ankit…. Pagal ho gayi tu Saily, phir tujhe bhut chadha bike chalane ka. Pichhli bar jo girayi thi wo kam nahi tha kya, jo phir marne par lagi hai, utar jaldi tu nahi chalyegi bike.
Shrylin…. Nahi maine bol diya bas, main hi chalaungi, tu pichhe baith. Darr mat maine bahut practices ki hai.
Ankit…. Thik hai tu ja bike se, main auto se aa jaunga. Raste me kanhi giri-pari mili to admit bhi karwa dunga, lekin main bike par nahi baithunga.
Shrylin…. Fattu, motu. Ab baithta hai bike par ya main aunty ko bata dun, ki tu cigarette bhi pine laga hai.
Haa-naa, haa-naa hote hote anth me Ankit ko pichhe baithna hi para. Bhagwan ka naam lekar Ankit pichhe baith gaya aur Shrylin bike drive karne lagi. Jaan bujh kar kaphi tej accelarater le kar chala rahi thi, bike ki speed dekh kar Ankit bas bhagwan ka hi naam le raha tha.
Surkshit dono college pahunche, gari parking me lagi aur kuch students ne jab ye najara dekha to Ankit ko dekh kar hans rahe the. Dono wanha se principle office gaye aur B.com first year ki class aur time schedule ka pata kar, apne class ki ore chale gaye.
Class me pahunchte hi dono ka swagat unke teen aur mitron ne kiya. Vivek, Seema aur Archna ye teen aur dost the jo inke sath the school ke dino me the.
Shrylin poore group se… Yaar boring jagah hai, bada thanda mahol hai iss college ka
Ankit… Ye pagal phir shuru ho gayi
Seema… Chup kar motu, kya hua Saily aaj pahle din hi itna observation college ka
Ankit…. Sir phod dunga, yadi kisi ne mujhe motu kaha to. Aur tu khud ki to haalat dekh hawa mahal, aisa lagta hai jaise hanger me kapda tanga hai.
Vivek… Paglon, aate hi shuru na ho jao, sun to lo Saily bol kya rahi hai.
Archna…. Matlab kya hai Saily, kahna kya chah rahi hai
Shrylin… Arre tum sab bhi na jarra chup karo. Yaar sach hi to kahi ye waisa college nahi jaisa hum soch kar aaye the.
Sab ne jab ye suna to sabke dimag me bas yahi khyal aaya ki iss college ka reputation jyada achha nahi, aur sab ki najren Shrylin par tik gayi…
Shrylin apni baat puri karti….
“Na to yanha ek couple dikha aur na hi yanha humara kisi ne raging liya, ye kaise college me admission dila diya tum logon ne”
Shrylin ki baten sun’ne ke baad sabne khub dutkara, aur itna kah kar matha pit liya sabne … “Saily tere ye pagal khayalat”
College ka pahla din, sab kaphi utsahit the. Ye aisa waqt tha jab youth apne aage ke paraw ki ore badhte hain, aur college ki life jite hain. Pahla year me aksar student apne ladkpan me hi rahte hain, carrier ka khyal to dushre year ya uske baad aata hai.
Ye panchon bhi apne college ka pahla din enjoy kar rahe the. Inki tarah kayi aur student the jinhone apne mitron ke sath admission liya tha, wo sab bhi canteen aur college ko enjoy kar rahe the. College ka pahla year aur pahla din ek pyara sa anubhaw tha sab ke liye.
