Akhir kyu? From Hatred to Love | Update 70

Update – 70

Ab tak…

Neha : nahiiiiiiiiii….

Kehti hui neha ekdum se apne bistar se uthti hai. Uske chehre par paseena tha. Saasein tezz. Aur baal bikhre hue the. Kal lucky ke saath hui wo ghatna, aur aaj raat sapne me puraani bhayaanak ateet waali yaadein.

Neha (mann me) : kya chal raha hai? Kya mein kabhi chenn se jee paungi? Ab toh raat me sapno me bhi wahi puraane manzar dikhayi dete hai…

Mann me sochte hue wo uthti hai toh dekhti hai subah ke 6 baj rahe hai aur wo uth kar washroom me chali jaati hai.

Ab aage…

Ek dusre sheher me ek bade se ghar me balcony me ek khubsoorat se jhoole par ek khubsoorat sii ladki baithi hui chai ki chuski ka anand le rahi thi.

Subah ka waqt tha, aur ye ladki apne hi khayaalo me gum hokar na jaane kya soch rahi thi ki tabhi peeche se aayi ek awaaz ne jese usse hosh me laaya,

“Arre madam! Kya soch rahi ho jabse baith ke? Chai khatam ho gayi ho toh jao naha dho lo, 9 baj rahe hai” ek madhur sii awaaz ne jhoole par baithi hui ladki se kaha.

Ladki : kya ruchi didi? Aap jaiye na apne college aur padhaiye students ko… Subah subah mujhe kyu lecture dene lagi? Mein kitna focused thi abhi abhi aur aapne mera dhyaan bhatka diya

Ruchi jo ladki ki badi behan hai muskuraati hai, aur apne baal towel se sukhaate hue kehti hai,

Ruchi : jaa hi rahi hu madam, aur tum kya soch rahi thi subah subah? Haa? Apne sapno ka rajkumaar mil gaya kya?

Ladki (blush) : n..nahi toh. Kyu?

Ruchi : dekh rahi hu mein…tu kabhi kabhi baith ke kuch na kuch sochti rehti hai. Chalo! Tum baith ke usse yaad karo, mein toh chali…

Kehte hue wo palat kar neeche chali jaati hai college ke liye,

Idhar wo ladki muskuraate hue chai pee rahi thi aur apne pyaar ko yaad kar rahi thi

Ladki (mann me) : kitne din guzar gaye tumse mile, pata nahi tum kya kar rahe hoge iss waqt. Na jaane kya aisa jaadu kiya hai tumne ki ab toh baat karne me bhi sharam aati hai. I miss you… Chapadganju!!

Tabhi peeche se ek aur awaaz aati hai, “Taniya beti!!! Chal neeche aa jaa, tera naashta thanda ho raha hai”

Taniya : aayi maaa……

Aur fir daudte hue wo neeche chali jaati hai.

Idhar gwalior me nikita neha ko lekar college me pohuchi, dono ke beech raaste bhar koi baat cheet nahi hui. Nikita ko kal ki hui vardaat ke baare me kuch nahi pata tha, usse sirf itna pata tha ki neha kal college se lucky ke saath nikli thi aur aaj wo sahi salaamat hai toh iska kya matlab hai? Matlab ki ye ki lucky ne kuch nahi kiya ya fir rahul ne neha ki help kari hogi.

College pohuchne ke baad hi dono saath me hi baithi hui thi, ek do lectures tak dono me abhi bhi koi baat nahi hui. Neha baar baar bolne ke liye apna muh kholti par fir kuch keh hi nahi paati. Usse boht guilty feel ho raha tha, usne apni best friend ki baat ko ansuna kar diya aur fir anjaam bhukta. Badi himmat karke neha ne akhir apna muh khola,

Neha : nikki… We need to talk.

Nikita : hmm!!

Neha : I’m sorry!!!

Neha ke ekdum se aise sorry kehne par nikita thodi chaunki aur sorry ka kaaran pucha,

Neha : I’m so sorry nikki! Tum sahi thi. Tumne kal sab kuch sahi kaha tha. Wo lucky… Wo lucky mere saath kal zabardasti karne ki koshish kar raha tha. I…I…

Nikita (neha ka haath thaamte hue) : don’t worry! Araam se kaho… Don’t panic! Mein yahi hu.

Apni best friend ki baat sunn neha bhawuk ho jaati hai aur usse apne gale se laga leti hai, beech class me sabhi log inn dono ko hi dekh rahe the.

Nikita : it’s okay neha!! Koi baat nahi!! Aur ab chorr bhi.. sab hame hi dekh rahe hai.

Neha apne aasu pochte hue shaant hoti hai toh nikita usse aage ki baat bataane ke liye kehti hai, jab neha kal ki hui poori vardaat sunaati hai toh nikita gusse se laal ho jaati hai aur Lucky ko khari khoti sunaane lagti hai,

Nikita (gusse me) : mujhe pata tha iski nazar shuru se hi tujh par bigdi hui hai, kameena kahi ka… Par tune dekha na… Rahul bhaiya ne hi tujhe bachaya…

Neha uski iss baat par kuch nahi bolti hai ki tabhi unki class teacher aa jaati hai aur saath hi roshni ma’am bhi aati hai jo rahul ke batch ki class teacher thi.

Class teacher : students!! Aaj se aapki class teacher roshni ma’am hai. Aur ye aapko maths padhaengi…

Nikita : ye toh richa didi aur rahul bhaiya ki class ki teacher thi na? Ab ye hume padhaengi? I’m excited…hihihi!!

Roshni Ma’am : hello students! My name is roshni and from today onwards I’ll be teaching you guys mathematics and also I will be your class teacher. Is that clear?

Sab ek saath : yes ma’am

Fir puraani class teacher chali jaati hai aur roshni ma’am class me sabka introduction lene lagti hai, jab neha apna intro deti hai toh roshni Ma’am samajh jaati hai ki neha rahul ki behan hai. Par unko dono ke beech ki nafrat ke baare me kuch nahi pata.

Roshni ne ek question board par likha aur uske muh se achanak hi nikal gaya,
“Rahul! Go and solve that”

Nikita : ahem… Ma’am!! Hamari class me rahul koi bhi nahi hai

Roshni jese ye sunn ke hosh me aati hai, rahul ko question dekar uss se solve karwaana uski aadat ban chuki thi.

Roshni : I’m sorry students! Mujhe tumhaare ek senior bhaiya ki yaad aa gayi…

Neha : aur kon hai wo senior ma’am?

Roshni (smiles) : tumhaara bada bhai. He was the best student I’ve ever had.

Neha : ……..

Idhar neha ki life me thodi adhchane zaroor thi par wo surakshit thi filhal ke liye toh.

Yaha mumbai me rahul khushi aur preeti ke saath unki class me lecture ke dauraan roz ki tarah peeche khada hua tha ki tabhi uska phone baj utha,

Rahul : hello?

Saurabh : abe saale…. Tu yaha mujhe chorr kar kaha ghum raha hai? Kitne dino se mein maggi aur bread kha kha ke nikaal raha hu, kaha hai tu?

Saurabh ki baat sunn rahul ki hassi chhoot gayi, bechara waha maggi aur bread kha kha ke apna pait bhar raha tha.

Karta bhi kya? Uss se inke alawa kuch aata hi nahi tha.

Rahul : I’m sorry yaar! Mein kaafi busy hu. 3 mahine aise hi chalega. Tu tension mat le, mein tere liye tiffin lagwa deta hu. Aur kaam kaha tak pohucha?

Saurabh : bhai! Courses saare khatam kar diye hai mene.

Rahul : kya baat hai mere sher! Ye hui na kuch baat. Ab sunn! Ab chuki tune courses kar liye hai toh mein drive par tujhe ek protocol bhej raha hu.

Saurabh : kis cheez ka protocol?

Rahul : ek software hai. Jis par mene 4 saal mehnat ki hai.

Saurabh : kya? Toh ab tak tu ye chhupa ke rakha tha?

Rahul : yadi tu courses nahi karta toh tujhe samajh nahi aati iski coding. Isliye tujhe pehle courses karwae mene. Ab mein jo bhej raha hu usse acche se samajhna aur fir bataana apne views.

Saurabh : toh aage ka kya plan hai?

Rahul : aage ka mission hi toh sabse important hai mere bhai. Chal! Mein baad me baat karta hu.

*Call ends*

Lunch hote hi rahul washroom ke liye nikalta hai toh usse corridor ke paas hi ek ladki dikhayi deti hai jo usse ishaare kar ke bula rahi thi.

Rahul aage badha toh dekha ki ladki kaafi khubsoorat thi. Patla slim figure, medium size ke boobs, gora rang, kaale baal, aur teekhe nain.

Rahul : aapne mujhe bulaaya?

Ladki : jii haa!! Mein urvashi!! Aur aap?

Rahul : I’m rahul.

Urvashi : zara waha andar chaliye na, mene suna hai aap kisi student ke body guard ho toh aapke alaawa ye kaam aur kon kar sakta hai?

Rahul : kesa kaam?

Urvashi : waha hamare classroom me wo board nikal gaya hai, please laga dijiye.

Urvashi ne apne nichle honth ko daanto me dabaate hue kaha

Rahul : well! Okay! Thik hai! Chaliye!

Urvashi rahul ko lekar sabse upar ki floor me le gayi aur waha ek classroom ke andar jab rahul pohucha toh dekha ki kareeb 8 se 10 ladkiya waha baithi hui hai aur board ek side se gira hua hai.

Rahul (mann me) : kuch gadbad zaroor hai. Itne upar ke floor me kon si class lagne lagi? Aur yaha pe baaki classrooms me toh koi bhi nahi hai, sab kuch khaali pada hai. Toh fir yaha ye sirf 8-10 ladkiya kya kar rahi hai? Aur inke bags kaha hai? Zaroor kuch gadbad hai…

Rahul bina kuch kahe aage badhta hai aur board ko set karne lagta hai, saari ladkiya usse khaa jaane waali nazro se dekh rahi thi. Jese maano registaan me unhe paani mil gaya ho.

Abhi rahul board set kar hi raha tha ki itne me urvashi ne gate ko andar se lock kiya aur baaki baithi hui sabhi ladkiya rahul par jhapat padi aur usse chaaro or se gher kar uske haath perr pakad liye.

Rahul khud ko chudhaane ki koshish kiya par 8-10 ladkiya uss se chumbak ke bhaati chipki hui thi, tabhi urvashi aayi aur rahul ke saamne aake khadi ho gayi aur uski chin apne haatho me lekar uske kareeb aayi,

Urvashi : koi akhiri khwahish ho toh bata do mere raja.

Kehte hue Achanak hi usne ek chaaku nikal liya aur rahul ke gale par rakh diya,

Rahul : ye sab chal kya raha hai?

Urvashi : haa! I think tumhaare marrne se pehle tumhe ye toh pata chalna hi chahiye!

Rahul : ……….

Urvashi : toh suno! Hum yaha keval khushi ke liye hai. Hamaara target sirf aur sirf khushi hai. Ab kyuki tum hamaare raaste me ho isliye tumhe maarna pad raha hai warna hamaari tumse koi dushmani nahi hai.

Rahul : tum log kon ho? Kisne bheja hai tumhe?

Urvashi : well! Thik hai mein tumhe bataati hu. I guess tumhe kuch bhi nahi pata. Toh suno dhyaan se…
Mein iss gang ki leader hu. Naam toh tum jaante hi ho. Ab humko mission mila hai ki khushi ko kidnap karke dena hai toh badle me hume paise milenge. Toh bas isliye hum yaha par hai, hume nahi pata aage khushi ke saath kya kiya jaega.

Rahul : oh accha!? Maan na padega jisne bhi ye mission tum log ko diya hai wo waqai boht bada bewakoof insaan hai. Ladkiyo ko bhej diya kidnap karne?

Urvashi : hahahaha! Par tum bhi toh mere jhaase me fass gaye na? Ladki par koi shaq nahi karta, bas yahi kaaran hai ki hum yaha par hai. Hume sirf paiso se matlab hai. I’m sorry! But boht ho gayi baatein. Ab tum ko jaana hoga iss duniya se…

Rahul : ek sawaal aur hai

Urvashi : theek hai! Wo bhi pooch lo…

Rahul : tumlog yaha aae kese aur kisi ko kuch pata hi nahi chala? Aur toh aur khule aam mujhe pakad bhi liya fir bhi kisi ko kaano kaan khabar bhi nahi hai?

Urvashi : hmm! Theek ye! Ye bhi jaan hi lo ab. Hum tumpar kayi dino se nigraani rakhe hue the. Aur college me entry dilwaana toh maamuli kaam hai. Humko ye sab arrange kar ke diya gaya tha jisne humko ye mission diya ussi ne sab arrange karwaaya. College ki uniform bhi aise hi mil gayi, aur upar ye floor abhi construction par hai toh koi aata jaata nahi. Ab itne bade college me kon pehchaanega humko ki hum naye hai ya puraane students. Simple!

Rahul : kamaal hai! Aur ek akhiri sawaal. Wo kon hai jisne tumlogo ko mission par bheja?

Urvashi : boht ho gaye sawaal jawaab! Ab tumhara the end bolne ka time aa gaya.

Rahul : arre arre! Dekho! Mein toh marrne hi waala hu kam se kam mujhe sacchayi jaan ne ka haq toh do. Kam se kam mujhe pata toh chale marrne se pehle.

Urvashi : nahi!! Hume ye bataane se mana kiya gaya hai.

Rahul : accha toh fir meri aakhiri khwahish hi poori kar do.

Urvashi : aur kitni khwahish hai tumhaari?

Rahul : please! Dekho! Mein marrne waala hu, kam se kam apni ek iccha poori karke toh maru.

Urvashi : kaho!

Rahul : bas ek lip to lip kiss karni hai aapko

Urvashi (shocked) : whaaat??? Ye kya bakwaas hai? Girls! Isse thikaane lagao!

Rahul : please!! Dekhiye! Mene kabhi bhi kisi ladki ke saath kiss nahi kari, aap itni sundar ho. Ek kiss de dogi toh kya bigad jaega? Fir aap jo chaahe kar lena.

Urvashi (blush) : mein…mein… Ayy rupa! Tum kiss karo isse aur fir isse hum thikaane lagae.
Mein koi bhi kaam beimaani se nahi karti.

Rupa (blush) : kyaaa??? Par… par… Bosss!!

Urvashi : tum karti ho ya nahi?

Rupa darr ke maare rahul ki taraf badhti hai aur apni aakhein band kar leti hai, rahul bhi apni aakhein band kar ke rupa ke gulaabi hontho ki taraf badhta hai aur unhe apne muh me bhar leta hai.

Rupa ki siski nikal jaati hai, ye uske jeevan ka pehla chumban tha. Uski pakad rahul par se dheeli hone lagti hai aur wo madhur chumban ke ehsaas me doobne lagti hai.

Baaki sabhi ladkiya bhi bas dono ke honth aur jeebh apas me lipte hue dekh rahi thi aur dheere dheere wo bhi garam ho gayi aur unki pakad bhi rahul par dheeli ho gayi. Urvashi bhi apne nichle honth ko daant se daba kar rahul aur Rupa ke ho rahe chumban ko dekh kar ke uska ehsaas lene ki koshish kar rahi thi. Aise pehle unke saath kabhi nahi hua tha.

Sabhi saamne ho rahe nazaare me ghum the ki itne me rahul ne mauka dekh ke rupa ko ekdum se ghuma diya aur apni khud ki chaku jo uske jeb me rakhi hui thi usse nikaal kar rupa ke gale par laga dii.
.
.
.
.
.
.
.
.
Aaj ke liye itna hi dosto!
Ye arc poora khushi ke baare me hai. Ye sirf kuch updates tak chalega. Jab rahul inn sab se deal kar lega tab wo apni business journey start karega.