Akhir kyu? From Hatred to Love | Update 2

UPDATE 2

*chirp chirp chirp*
chidiyo ki cheh chahahat se aur khidki se aa rahi suraj ki halki roshni ke kaaran uski aankhein khul jaati hai. Aur pyaar bhara sapna bhi toot jata hai. Akhir kya tha uss sapne me? Ye keval usse hi pta tha. Subah ke 9 baj chuke the aur halka halka shorgul ghar me aur society me hone laga tha jo roz ke dincharya ka ek aam hissa tha. Toh uski neend tutna lazmi tha. Ye aur koi nahi hamara hero Rahul hi hai. Rahul raat ko der tak padhai jo kiya tha. College me akhiri saal jo hai uska, kuch hi dino k baad companies aana start ho jaengi aur rahul uski hi preparation karne me laga hua tha.
Rahul computer science ki branch ko belong karta hai toh aane wali companies ko acchi programming skills aur communication skills chahie. Issi kaaran rahul raat ko der se sota aur subah uthne me akhir thodi boht der ho hi jaati.
Maa (Nisha) ko bhi pata rehta ki rahul raat raat bhar padhta hai islie wo usse subah jaldi nahi uthati. akhiri year hai islie college koi nahi jaata, sabhi preparation karne me lage hue the. Subah ko thoda late uthna, naashta karna, mails check karna, nahana dhona, khana peena, aur der raat tak padhna.. Bas issi me rahul ka pura samay nikal jaata tha. Jabse rahul last year me aaya tab se yahi routine ban gaya tha uska.

Khud ke pairo pe khade jo hona tha. Akhir kab tak uske papa(Rajesh) unka kharcha uthate rahenge aur fir uski behan Neha ki shadi bhi toh karni hai aage chal ke.
{Dosto rahul ki family Gwalior city ko belong karti h aur wahi pe rehte hai ye sab}
Inhi sab khayalo me doobe hue rahul bistar se uthta hai, aankhein ragadta hai aur washroom me ghus jaata hai fresh up hone. Fresh hone ke baad wo neeche jaane ke liye room ka door kholta hi hai .. par ye kya? Uske chehre pe pani?? Ye kaha se aaya? Abhi toh dhoya tha usne apna face aur pocha bhi tha.. fir ye? Saamne dekhta hai toh uski behan neha thi jisne glass se pani fek diya tha uske chehre pe aur ‘hmph’ karke apne room ke andar chali gyi.

Wo college dress pehne hue thi, aur room me kuch samaan lene aayi thi jo bhool gyi thi. Neeche naashta kar rahi thi aur pani peete peete hi upar ki or chal di aur jab rahul nikalta hua dikha toh pani sidha rahul ke chehre pe udel diya.
Akhir kyu? Rahul ko iska jawab pata tha aur ab dekha jae toh woh janta tha koi fayda nahi hai kuch kehne ka.
Rahul bina kuch bole waha se wapas apne room me aata hai towel se face pochhta hai aur neeche ki or nikal jaata hai.

Neeche aate hi dekhta hai ki uski pyaari maa kitchen me kaam kar rhi hai..

Rahul : good morning! Mummy.

Nisha(mom) : good morning betu! Aaj bhi raat me der tak pdha?

Rahul : haa mummy! Companies aane waali hai toh mehnat toh karni padegi.

Nisha : mera baccha!! Apni sehat ka bhi dhyan rakha kar. Chal naashta kar le, neha ka tiffin laga du fir deti hu tujhe thik?

Rahul : jii

Itna keh ke rahul dining table pe baith jaata hai jaha uske dad baithe the chai pee rahe the aur bank jaane hi waale the.

Rajesh : Uth gaye beta? Zyada der bhi mat padha karo. Kahi sehat bigad gayi toh dikkat ho jaegi.

Rahul : nahi papa. Thik hu mein. Tension ki koi baat nahi hai.

Rajesh : hmm…. (Tezz swar me) nisha, mein nikal raha hu. Thoda ek client ke ghar uss se milne bhi jana hai. Mitr hai purana. Loan se sambandhit kaam hai…

Nisha (tezz swar me) : accha thik hai..
Jaldi aana.

Fir rajesh apni swift car me baith ke nikal jaata hai….

Aaj ke liye itna hi guys! Story start ho chuki hai, dheere dheere saare reasons saamne aaenge ki aakhir neha ka bartaav apne bhai ke liye aisa kyu hai. Kyu rahul ne neha ko kuch nahi kaha. Jaan ne ke liye bane rahiye mere saath.