Update – 106
Ab tak…
“Garma garam dinner ready hai!! Chaliye sabhi haath dho lijiye aur dining table par baith jaiye…” Tanisha ki aati hui awaaz se sabhi jese jaage aur apni apni jagah se uth gaye dinner ke liye.
Dinner ke baad ye raat toh yu hi guzar gayi, par raat bhar rajesh ko chorr kar kisi ko bhi acche se neend nahi aayi. Aati bhi kese? Kal ko lekar sabhi ko itni chinta jo thi. Kal ya toh ye tufaan thamega ya toh sabko baha ke le jaega aur sab kuch tehes mehes kar dega. Par rahul ko abhi bhi ek aas thi. Ek plan tha asal me. Wo yadi tufaan ko rok nahi sakta toh uska rukh toh badal hi sakta hai na?
Ab aage…
Subah hui, aur aaj wo din tha jiska sabhi ko besabri se intezaar bhi tha par saath hi saath ek ghabraahat bhi thi andar ki aage kya hone waala hai.
Rahul samet sabhi uthkar naashta wagarah kar chuke the par rajesh se ab raha nahi jaa raha tha,
Rajesh : arre ab koi bataega kya mujhe? Kya chal raha hai? Ab mujhse raha nahi jaa raha hai. Rahul! Beta batao na kya baat hai? Aur tumhaari tabiyat kesi hai ab?
Rahul : mein theek hu ab dad. Abhi kuch derr me aapko sab kuch pata chal jaega dad. Tab tak ke liye wait kariye…
Aur thoda samay beetne ke baad hi, darwaaze par kisi ne dastak dii. Anshu aur vanshu ke maa baap padhaar chuke the.
Rupesh aur vineeta. Rahul ke bade papa aur badi mummy. Andar aate hi nisha ne unhe baithaaya par andar hi andar nisha ki bechaini charam seema par pohuch chuki thi. Uska jee itna ghabra raha tha, uske parivaar waale sach jhel bhi paenge ya nahi? Yadi sab kuch bigad gaya toh? Uparwaale ka naam lekar nisha ne sab kuch ab samay par chorr diya. Aage jo hoga dekha jaega.
Vineeta : nisha!? Aise achaanak bulaaya hai? Sab theek toh hai na? Rahul beta! Haaye mera baccha! Kesi hai ab teri tabiyat..? Mein toh aayi hi nahi paayi thi waha new Zealand me… Idhar toh aa mere paas…
“Ab theek hu badi Mummy…” Rahul ne Vineeta ke paas jaate hue kaha toh Vineeta ne pyaar se usse apne gale se laga liya. Pyaar se uska chehra sehlaaya aur uska maatha choom liya.
Vineeta : arre ye kya? Itne saare log? Naye naye chehre dikh rahe hai yaha toh… Zara pehchaan toh karwao
Rupesh : haa! Koi baat toh zaroor hogi jo achanak bulaaya hai. Kuch naye log bhi nazar aa rahe hai.
Nisha : sab introduction ho jaega bhabhi! Aap abhi bataiye naashte me kya lengi?
Vineeta : arre naashta toh hota rahega nisha. Hum wese bhi naashta kar ke hi aae hai ghar se. Ye batao ye dono chhokriyo ne tumhe tang toh nahi kiya??
Anshu : mummy!!! Bacche nahi hai hum…
Nisha : nahi bhabhi! Balki…anshu ne toh meri boht madad kii hai
Nisha ne double meaning baat karte hue anshu ko dekha toh anshu bhi thodi sharma gayi aur muskuraane lagi par ye muskuraahat zyaada derr tak naa rahi, kyuki aage hone waale drashya ke baare me soch ke hi uski bechaini wapas se shuru ho gayi.
Rupesh : toh? Baat kya hai? Rajesh? Bolo!?
Rajesh : bhaiya mujhe toh kuch bhi nahi pata hai. Nisha boli hai ki bas sab ko aa jaane dijiye uske baad sab pata chal jaega.
Vineeta : aur bhi koi aa raha hai kya nisha?
Nisha : jii bhabhi! Wo… Mere bhai apni wife ke saath aa rahe hai. Bas unhe aa jaane dijiye. Uske baad sab ek saath hoke baat karte hai.
Vineeta : nisha! Sab kuch theek toh hai na? Mera mann keh raha hai ki kuch baat toh zaroor hai, jiske liye tum kuch pareshaan sii nazar aa rahi ho.
Nisha : bhabhi! Theek bhi hai aur nahi bhi. Ab mein abhi kuch nahi kahungi. Pehle sabhi ko aa jaane dijiye…
Nisha ki baat sunane ke baad vineeta aage kuch na bol saki. Ab wo keval intezaar hi kar sakti thi. Uska mann bhi thoda ab chintit ho raha tha.
Kuch derr yu hi baato ka silsila chalta raha, iss beech kayi baar rupesh aur Vineeta ne sach jaan ne ke liye prashno pe prashn kiye par harr baar nisha ne ye keh ke taal diya ki sabko aa jaane dijiye uske baad hi saari baatein kari jaengi.
Antatah ek baar fir darwaaze par khat khat hui aur jinka sabhi ko intezaar tha wo log padhaare.
Lalita aur mukesh. Rahul ke mama aur mami. Yaani ki taniya ke mata pita. Apne mata pita ko dekh taniya ko jaha khush hona chahiye, wo khushi ki bajae andar hi andar boht darri hui thi.
Neha ne sabhi ko aata dekha toh usne rahul ka haath thaam liya, “bhai!? Sab kuch theek toh ho jaega na?! Mujhe boht darr lag raha hai!”
Rahul : don’t worry gudiya. Pareshaani se bhaagogi toh uss se kuch haasil nahi hoga. Pareshaani ko datt kar ek baar me hi uska saamna karogi toh boht behtar parinaam milenge. Na keval tum pareshaani ko suljha sakogi balki tum aane waali pareshaniyo ke liye bhi taiyaar rahogi.
Neha : bhai!? Aapko iss waqt philosophy sujh rahi hai? Philosophy kaam nahi aaegi bhai! Kuch na kuch karna padega. Mera mann keh raha ki kuch boht bura hone waala hai abhi kuch hi derr me…
Rahul (gehri saas lete hue) : zara mere baare me socho gudiya. Tum sabhi pe ye log toh barsenge hi par tum sabhi kis se judi hui ho?
Neha : ???
Rahul : Mujhse! Toh sabka gussa kidhar kendrit hoga?
Ye sunte hi jese maano neha ko ek jhatka laga. Usne iss baat par dhyaan hi nahi diya tha ki sabka gussa rahul pe jaane waala tha. Ab ye baat sochte hi neha jo ki pehle se hi darri huyi thi wo aur bhi darr gayi.
Rahul : aise mat dekho gudiya. Don’t worry! Mujhe pata hai kya karna hai. Bas sab kuch sahi tareeqe se ho…
Neha (smile) : aur mujhe laga mein aapse behtar bann paungi ek din haha
Rahul : tum already mujhse behtar ho meri gudiya
Rahul kehte hue saamne sabhi ko baatein karte hue dekhta rehta hai tabhi usse kisi ki nazre khud par gadi hui mehsoos hoti hai. Bagal me dekhta hai toh paata hai ki neha uske chehre ko ek taq dekhe jaa rahi hai. Rahul ka haath bhi uski haatheliyo me hai.
Neha : why you are so good bhai? Sometimes you make me feel like I don’t deserve you… I’m not good enough for you. Mene kuch punya kiya hoga apne pichle janam me jo aap mile mujhe…
Neha ki nazro me iss waqt pyaar hi pyaar tha. Usse toh dhyaan hi nahi tha ki itne saare log saamne hall me baithe hue hai. Wo toh jese bas kho gayi thi rahul ke chehre me.
Rahul : ssshhhhh! Bakwaas baatein nahi karte. Aur aisa sochna bhi mat. Never belittle yourself.
Neha (smile) : thank you for being here with me. I love you!
Vineeta : nisha! Ab toh sab aa gaye hai. Bhai sahab log bhi aa gaye hai. Ab toh batao ki aisi kya baat ho gayi jiske liye tumhe yaha sabko bulaana pada!?
Nisha : huh?? J…ji…
Mukesh : arre bhai! Kya ho gaya? Aise achaanak bulwa liya!? Baahar toh boht hi garmi hai… Jii namaskaar!
Rupesh : Namaskaar! Aaiye…baithiye!
Lalita : nisha? Aise sabko yu bulaaya? Kya baat hai? Ab nahaana dhona sab baad me karenge, pehle toh mudde ki baat kari jaaye.
Nisha kaanp rahi thi. Usse samajh me hi nahi aa raha tha ki wo shuruaat kese kare. Kya bole inn sab ko? Ye ki aapki betiyaa mere bete se pyaar karti hai jo ki aapas me bhai behan hai? Ye toh koi jawaab nahi hua. Aur kabhi hoga bhi ni.
Rahul tabhi ishaare se khushi preeti monica aur tanisha ko upar bhej deta hai.
Vineeta : arre!? Wo chaaro andar kyu chali gayi? Kam se kam parichay toh karwa dete!?
Rahul : unka yaha iss waqt koi kaam nahi hai badi Mummy. Rahi baat parichay ki toh chaaro hi meri boht acchi dost hai. Wo mumbai me meri dekh bhaal ke liye bhi aayi thi. Hum sabhi yaha par aa rahe the, isliye mein unhe bhi yaha le aaya. Socha yaha ka ghar bhi dikha du?
Vineeta : ohh! Kaafi close friendship lag rahi hai tumlogo ki haa??! Bata de beta… Kon hai unme se?? Hahaha!
Rahul (mann me) : abhi mein yadi bata du, ki chaaro hi meri hai toh aap apni kursi si gir jaogi badi mummy. Mujhe ye chhipaana padega. I cannot tell everything. Sab kuch theek karne ke liye, neha aur dad ka rishta suljhaane ke liye, parivaar me sambandho ko bigadne se bachaane ke liye, sab ekatr ho sake uske liye, mujhe ye karna hoga… I have to…
Rahul : mein…
Par iss se pehle ki rahul kuch keh paata anshu usse beech me hi tok deti hai.
Anshu : kuch boht badi baatein hai, jinhe hum sabhi ne apne beech daba ke rakha hua tha ab tak. Par hum kahi aage nahi badh paa rahe the, tab… hume samajh me aaya…ki aise toh hum kahi aage nahi jaa paenge… Par aage toh jaana hai… Warna aise hum nahi jee paenge.. aur ussi ke liye… Aaj aap sabhi ko yaha bulaaya gaya hai.
Rahul (mann me) : anshu?? She wants to bear my responsibilities. Usse pata hai… Sabka gussa mujhpar aaega… Isliye… Wo shuruaat kar rahi hai taaki saara dhyaan uspar jaae pehle… No! I cannot let her do that… Badi Mummy gusse me aake usse maar na de. Mere rehte bhala mein kese usse ye sab karne de sakta hu…
Rupesh : beta! Ye tum kya baatein kar rahi ho? Hamaari toh kuch samajh me nahi aa raha hai. Paheliya kyu bana rahi ho? Beta saaf saaf kaho na
Vineeta : haa anshu! Meri bhi kuch samajh nahi aa raha hai. Saaf saaf kaho na beta…
Lalita : Taniya beta…!? Kya chal raha hai ye sab?
Taniya bina kuch bole hi sar jhukaa ke bas khadi rehti hai.
Anshu : mein bataati hu Mummy…
Ek gehri saas lii aur anshu ne aane waale prashno, aane waale krodh, aane waale taano ke liye khud ko taiyaar kar liya.
Anshu : toh ye sab shuru hota hai kuch saal pehle se… Aap sabhi ko yaad hoga… Ki vanshu didi kis samasya se joojh rahi thi
Vineeta : haa! Meri bacchii… Kese bhul sakti hu mein wo samay? Rooh kaap jaati hai meri ab bhi jab bhi wo halaat firse sochti hu. Sexual assault… Meri bacchi… Phobia ho gaya tha usko… Kitne samay tak toh wo apne kamre se hi nahi nikalti thi. Harr ek purush se usse darr lagne laga tha. Yaha tak ki apne pita par bhi usse puri tarah vishwaash nahi hota tha… Meri bacchi vanshu….
Anshu : haa mummy! Aur aapko pata hai didi theek kese hui. Hai na?
Vineeta : haa! Mein kese bhool sakti hu… Rahul! Mera baccha… Issi ne toh usse uss daldal se baahar nikaala tha. Warna meri bacchi… Mujhe nahi lagta kabhi ubhar bhi paati… Mein toh jeevan bhar rahul ki abhaari rahungi…
Rahul (mann me) : As usual. This is the anshu I know. She has such a silver tongue. Jaan bujh ke pehle wo meri acchaiyo se unke dimaag me ye baatein baitha rahi hai aur aisa bataane ki koshish kar rahi hai ki badi Mummy zindagi bhar meri abhaari rahengi. Par uss abhaar ko wo ek tareeqe se chuka sakti hai, vanshu didi ko mujhe saupkar… Mujhe yakeen hai aage yahi karwaane waali hai anshu. She is like me in some aspects. Such a genius you are anshu. Pehle mein tumhe rokne ki koshish karne waala tha. But looks like… I can depend on you. Lagta hai mujhe waqai tumhari madad ki zaroorat thi… I’m blessed. Thanks! Anshu!
Rahul : gudiya! Darwaaza band kar do. Mein nahi chaahta ki yaha par hone waali saari baatein baahar tak jaaye.
Neha : haa bhai!
Neha tabhi darwaaza band kar ke waapas rahul ke paas aakar khadi ho jaati hai.
Anshu : haa mummy! Papa? Kya aap kuch nahi kehna chaahte?
Rupesh : kya kahu beta? Mein bhi rahul ka abhaari hu. Keval iss baat ke liye hi nahi. Usne aur bhi na jaane mere kitne kaam kiye hai jinke liye mein uska abhaari rahunga.
Anshu : haa! Aapko nahi pata par bhai ne mujhe bhi bachaaya tha, zoo me aur wo bhi tab, jab hamaare beech baatein band thi. Bachpan se hi mein bhai ke saath boht close thi. Itna close ki… ki mujhe bhai ke alaawa kuch soojhta hi nahi tha. Par fir nehu ki ladayi bhai se ho gayi aur nehu toh jese meri sabse qareebi dost thi, sabse qareebi behan, jiske liye mene bhai se baat karna band kar dii… Par kahi na kahi mein tadapti thi… Ki bhai se bas ek baar baat ho jae…
Vineeta : tum dono boht lucky ho meri bacchiyo, jo tumhe rahul jesa bhai mila…
Anshu : yes mummy! We are! Uske baad se, jab bhai ne mujhe bachaaya, mene unki nigraani karni shuru kar dii, nehu aur unke beech ka sach jaan ne ke liye…par…kuch aur bhi tha jo ghatata chala jaa raha tha
Vineeta : kya??
Anshu : pyaar… Meri baat bhai se finally shuru ho gayi, hum aur bhi close hone lage, par fir ek din mujhe kuch naya pata chala jisse jaankar mein hairaan ho gayi thi, par khush bhi thi…
Vineeta : kyaa??
Anshu : yahi ki…
Anshu sehme hue ek nazar vanshu par daalti hai jo poori tarah khud bhi sehmi hui khadi thi.
Anshu : yahi ki… Vanshu dii aur bhai ek dusre se pyaar karte hai… Mein chaunki isliye thi… Kyuki… Ye pyaar… Bhai behan se badh ke tha, wo pyaar jo ek ladka aur ladki karte hai… Na ki ek bhai aur behan…
Anshu ke vakya khatam hote hi maano sab ekdum sann pad gaye. Vanshu toh poori darri hui thi. Yadi usse ek dhakka dete toh woh gir hi jaati, itni sehmi hui thi bechaari wo abhi.
Kareeb kuch shan tak toh keval sannaata raha. Koi kuch nahi bola. Sabki aankhein ye sunn ke phati ki phati reh gayi thi. Sabhi bas ghoor ke anshu ko dekhte aur fir vanshu ko, aur fir ant me rahul ko.
Vineeta : y..ye…ye tum kya keh rahi ho anshu?
Vineeta ki awaaz me thar tharapan sabhi ko saaf mehsoos ho raha tha.
Rupesh : kya kaha beta? Thik se suna nahi humne shayad, firse toh bolna…
Rahul (mann me) : mujhe pata tha. They aren’t ready for this. Abhi vanshu dii ka hi jaan ke inki ye haalat hai toh… Baaki sabka jaan ke toh… I was right. Accha hua mene ye kadam chuna. Atleast, iss se…mein iss tufaan ko rok toh nahi sakunga par rukh zaroor badal dunga… Bas wo tufaan laut ke na aa jae kabhi. I’ll tell them as much as I can but I cannot tell them everything. Yahi sahi hai. Isliye… Mujhe khushi preeti monica aur tanisha ko upar bhejna pada… Ye sab settle hote hi… Next target will be…
Rahul ki nazar tabhi kamre me maujood ek shaksh par tik jaati hai.
Anshu : mein sahi keh rahi hu dad. Aapne ekdum sahi suna. Aur baat itni hi nahi hai, mein…mein bhi bhai se…bhai se…ussi tarah pyaar karti hu, ek bhai behan se kayi guna badhkar.
Ek baar fir poore kamre me ghanghor sannaata chha gaya. Kisi ko bhi yakeen nahi ho raha tha ki anshu jo bhi bol rahi hai wo sach hai.
Vineeta : nisha? Ye sab kya hai? Tum mazaak karwaane ke liye hume yaha bulaayi ho kya? Ye meri bacchi kya bakwaas kare jaa rahi hai?
Nisha bina kuch bole bas apna sar jhuka leti hai, par uski khamoshi iss waqt kya baya kar rahi thi ye toh ek baccha bhi bata sakta tha.
Lalita : Hey bhagwaan…
Vineeta aur rupesh apni jagah se khade ho jaate hai aur bhauchakke bhaav se bas anshu ko ghoorte rehte hai.
Unhe abhi bhi jese yakeen nahi ho raha tha. Anshu ki hatheliya aapas me bechaini ke maare ulajh ulajh kar paseene se bheeg chuki thi.
Rupesh : anshika! Kya abhi abhi tumne jo kaha wo ekdum sach hai? Dekho! Yadi ye mazaak hai toh abhi ke abhi band kar do… Kyuki ye boht hi bhadda aur behuda mazaak hai… Samajh gayi tum???
Rupesh ke akhiri bol itne tezz swar me the, ki waha baithe sabhi log seham gaye.
Rajesh : nisha! Ye sab kya hai? Kya yahi wo sach hai?? Kuch kehti kyu nahi?
Nisha firse bina kuch kahe sar jhuka leti hai, aur dheemi si awaaz me kehti hai, “sab kuch anshu ne jo kaha, wo ekdum sach hai”
Rupesh (zorr se) : bassss!!! Anshika! Vanshika!! Kya tumhaare kehne ka matlab ye hai ki tum dono rahul jo ki tumhaara bhai hai, tumhe uss se ek bhai behan se badh kar prem ho gaya hai? Kya ye sach hai? Mein akhiri baar puchta hu. Abhi bhi samay hai tumhaare paas.. keh do ki ye jhooth hai aur mein tumhe tumhaari galti samajh kar maaf kar dunga… Warna mujhse bura koi nahi hoga…
Rahul (mann me) : jiska darr tha wahi hua… mujhe pata hai ab aage kya hone waala hai…
Anshu jo ki vanshu ke bagal se khadi hui thi, rupesh ke prashn par haa me sar hila deti hai aur agle pal hi rupesh tezz kadmo ke saath ekdum aag babula hoke aage badhta hai, vineeta ka haath rupesh ko rokne ke liye uthata hai par na hi uske muh se kuch nikalta hai aur na hi wo rupesh ko rok paati hai, bas bachte hai toh keval aankhon me utpann hue aasu, jo ki saboot the ki saamne chal raha drashya koi dikhaava ya jhoot nahi hai balki ek kadwa sach hai.
Aur tabhi…
*Chataaak*
Ek zordaar chaate ki awaaz kamre me goonj jaati hai, jisse sunkar waha maujood sabhi ke rongte khade ho jaate hai.
Anshu stabdh sii khadi, poore shareer me uske kampan ho raha tha, kyuki saamne ka drashya hi aisa tha.
Vanshu jo ki rupesh ko apni taraf aata dekh darr ke maare aankh band karke khadi ho gayi thi, aankh kholte hi jese hi dekhti hai toh poori tarah hakki bakki reh jaati hai.
Uske saamne uska cutie khada hua tha. Aur wo zordaar tamaacha bhi jo ki khud usko padne waala tha wo uske cutie ne apne gaalo par le liya. Aur agle hi pal hi vanshu ki aankhe paani paani ho gayi.
Anshu jo ki bilkul hi bagal me khadi thi, ye sab dekh ke uski himmat yaha par jawaab de rahi thi. Usne toh sab kuch ghatate hue dekha. Sab kuch itni tezzi se hua ki wo awaaz bhi nahi nikaal paayi. Par apne bhai ke chehre par tamaacha padte dekh usse andar se itni peeda hui, jo shayad anshu shabdo me nahi bayaa kar sakti thi.
Nisha chaah kar bhi beech me nahi aa sakti thi. Rahul ne usse mana kar ke jo rakha tha. Ek side me khadi richa bhi keval dekh hi sakti thi, abhi wo parivaar ka hissa nahi thi sabki nazro me. Isliye wo parivaarik charcho me hastakchhep nahi kar sakti thi. Apna nichla honth daba ke usne apne aage badhne ki teevr iksha ko jese tese roka.
Taniya gussa bhi thi par usme ek darr bhi tha. Apni mutthi kasste hue wo bas lambi lambi saasein le rahi thi. Chaah kar bhi wo kuch nahi kar paa rahi thi, kyuki uske saamne ye sab karne waale koi gerr nahi the, uske apne parivaar waale the. Aur toh aur uske apne maata pita bhi maujood the. Gusse me aake wo kuch bhi aisa nahi karna chaahti thi jiske liye baad me usse pachtaana pade.
Par idhar koi tha jo abhi abhi ghati gatividhi ko dekh ke apne vichaaro me hi khoya hua tha. Ye shaksh neha hi thi. Kuch shan lage usko hosh me aane me… Par jese hi usse ehsaas hua ki abhi abhi kya hua hai aur kiske saath hua hai, neha shayad ab koi vikraal roop dhaaran karne waali thi.
Tamaacha? Wo bhi rahul ko? Jo rahul uska sab kuch hai, jiske liye wo kuch bhi karne ko taiyaar ho jaaye, jisse wo bachpan se hi pyaar karti aayi hai, uske saamne hi usse tamaacha maara gaya??
“How dare they?? How dare they do this to him!? Inki himmat kese hui mere bhai par haath uthaane ki? Uthaana toh dur inki himmat kese hui ye sochne ki bhi… Mera pyaara bhai, jisne apna sab kuch iss parivaar ke liye nyochhaavar kar diya, uska ye sila diya inlogo ne!? Ehsaan faramosh…” Neha ne apne mann me socha aur agle hi pal wo rahul ke bagal se aakar khadi ho gayi.
Rahul ki baah neha ne kass ke apne stano ke beech sataate hue pakad lii,
“Khabardaar yadi kisi ne bhi mere bhai par haath uthaane ki koshish bhi kari toh, ya uske saath galat vyavhaar karne ka socha bhi toh…”
Neha ne palatate hue rahul ka chehra dekha toh uska dil dukh gaya. Gaal poora laal pad chuka tha aur 5 me se 3 ungliyo ke nishaan bhi aa chuke the. Dheere se usne apna ek haath aage badhaaya aur rahul ke chotil gaal ko dheere se chhua.
“So sorry! Mujhe ye sab pehle hi hone se rok lena chaahiye tha… Par don’t worry! Ye aapke chehre par kisi ka bhi akhiri tamaacha hoga”
Muskuraate hue neha ne waha maujood sabke saamne hi rahul ka gaal choom liya. Rahul bina kuch bole bas neha ko hi nihaar raha tha. Dekh raha tha ki kitna aage aa gayi hai uski gudiya aur kitni badi ho gayi hai. Himmatwaali bhi. Rahul ka pichla vaakya jo usne kaha tha, ki gudiya tum already mujhse behtar ho. Ye vaakya uske apne maayne me ekdum sach tha, isliye usne aisa kaha. Iss sthiti me wo keval chup chaap khada hai, par uski gudiya aaj uske saamne uski dhaal bankar khadi hai.
Neha : Humne yaha aap sabhi ko wo baatein bataane ke liye bulaaya hai jo abhi tak sab se chhipi hui thi aur jinke baare me baat karke hum ek nateeje par pohuch sake… Na ki isliye bulaaya hai ki aap jo marzi chaahe wesa behave kare aur mere bhai ke saath badtameezi kare… Ye mat bhooliye ki hum chaahte toh aap sabhi ko andhere me rakh kar bhi sab kuch kar sakte the par hume bhi aapka khayaal hai…isliye yaha par aap sabhi ko bulaaya gaya hai. Par ye kya… Aap sab toh dadagiri par utar aaye. Mera bhai! Usse bhi ladna aata hai, par wo chup chaap khada hoke maar seh liya… Kyu?? Kyuki usse bado ka aadar karna aata hai aur usse aap sabhi ka khayaal bhi hai. Par mujhe aadar ka meaning keval limited hi pata hai. Toh ahinda se mere bhai ke saath bilkul bhi misbehave karne ki sochna bhi mat, warna mein ye poori tarah hi bhool jaungi ki aadar ka meaning kya hota hai. Aur haa! Jese anshu dii aur vanshu dii bhai se pyaar karti hai wese hi mein bhi apne bhai se pyaar karti hu. Ek bhai behan se kahi zyaada. Aur na keval mein, taniya didi bhi bhai se wese hi pyaar karti hai… Aur yahi hai sacchayi jiske liye aapko yaha bulaaya gaya hai”
Neha ke bol na zyaada uchi awaaz me the aur na hi zyaada halki awaaz me, uske bol itne spasht the ki waha khade harr ek vyakti ke kaan me goonj rahe the.
Neha ke itne saahsi vyahvhaar ko dekh taniya me bhi jo himmat darr ke maare peeche chhupi hui thi wo ekdum se baahar aa gayi aur wo aage aakar rahul ka dusra haath thaam lii,
“Ekdum sahi kaha neha ne. Hum sabhi rahul se pyaar karte hai. Aapko yahi bataane ke liye bulaaya gaya hai yaha. Aur haa! Rahul ke saath koi bhi durvyavhar karne ki sochna bhi mat, warna mein bhi bhool jaungi ki aap sab mere parivaar waale hai. Mera gussa ekdum bekaabu hai”
Peeche khadi vanshu ne bhi rahul ko peeche se hi apni baaho me jakad liya aur uski peeth se lag kar hi rone lagi.
Vanshu ke bagal me khadi anshu apna sar jhukae hue thi. Usse glaani aur udaasi mehsoos ho rahi thi. Wo kuch nahi kar paayi. Usne bolna shuru kiya tha ye soch ke ki wo rahul ko uss sthiti se baahar nikaal legi par wo kuch nahi kar paayi, rahul ko tamaacha bhi pad gaya. Aise waqt neha aur taniya dono hi himmat juta ke aage aa gayi par wo kuch nahi kar paayi. Wo aaj darri hui thi.
“Thanks nehu!! Tune aaj wo kia jo mein karne me asafal reh gayi. Yadi tum na hoti aaj toh koi kuch nahi kar paata aur bhai ke liye sthiti aur bhi bigad jaati. Mein…mein… Mere se kuch na ho saka…” Anshu sochte hue apna nichla honth daato tale daba ke rahul ki shirt ka kona pakad leti hai, uski aankhon me bhi paani aa jaata hai.
Rahul apni chaaro behno se ghira hua tha. Aaj wo sabhi uski dhaal bankar uski raksha ke liye khadi hui thi.
“Ah! This feeling! It feels so good to be loved”, rahul ne shaant mann se saamne sabhi ko dekha jinki aakhein phati ki phati thi aur muh khule ke khule the.
.
.
.
.
.
.
.
.
.
.
Aaj ke liye itna hi guys!
Dhanyawad!
Leave a Reply
You must be logged in to post a comment.