UPDATE 44
.
.
wo aawaj sunte hi maine chounk kar road ki taraf dekha jahan 2 bolero and ek car road par aadi tirchi khadi thi sabse aage ek bolero road par aadi khadi thi jis se car aage nahi ja sakti thi jabki dusri bolero car ke pichhe sat kar khadi thi jis se car ko pichhe jane ka bhi mauka nahi tha lagta tha jaise dono bolero walo ne car wale ko gher liya tha
tabhi dono bolero me se 6 log bahar nikle aur car ka gait kholne lage thodi hi der me unhone car se ek aurat ko bahar nikal liya aur jabardasti use ek bolero me baithane lage, wo aurat bahut virodh kar rahi thi lekin un logo ke samne uska koi bas nahi chal raha tha
koi aur time hota to mujhe is-se koi matlab nahi hona tha lekin abhi abhi main jo soch kar uthha tha us sabke baad mere mann me achha ban-ne ki chahat ho gai thi to maine turant mobile nikal kar 100 number dial kiya aur police ko yahan ki location aur sari baat bata di aur daud kar car ke paas pahuncha
“ye kya kar rahe ho aap log, chhod do inhe” main chilla kar bola
meri aawaj sunkar ek pal ko wo sabhi log stabdh se ho gaye kyonki main unke pichhe se aaya tha aur unki pakad us aurat par dhili ho gai jo mujhe dekhte hi thodi khush ho gai thi ki shayad main use un logo se bacha lunga to wo jhat se apne hath chhuda kar mere pichhe aakar khadi ho gai
“kon hai be tu aur tera hamare se kya lena dena, chup-chap chala ja yahan se warna bahut bura haal hoga tera” unme se ek bola
“lekin aap log inhe inki marji ke bagair kaise kahin le ja sakte hai” main bola {main chahta tha ki jyada se jyada time inhe bato me uljha kar rakh saku taki tab tak police aa jaye}
“hum kuchh bhi kar sakte hai beta, chal ab side ho aur hame apna kaam karne de” wo hi aadmi ye kahte hue mere paas aaya aur mujhe ek taraf karke usne us lady ka hath pakad liya aur use khinch kar bolero ki taraf le jane laga
jate jate us lady ne meri taraf badi vinti bhari nazro se dekha jaise kah rahi ho ki ‘mujhe bacha lo’
uski nam aankhe dekh kar pata nahi mujhe kya hua main daud kar uske paas pahuncha aur uska hath us aadmi se chhuda liya
“maine kaha na ye galat hai aisa mat karo” main us aurat ko phir se apne pichhe karte hue bola
“sale tu nahi manega…..” kahte hue wo aadmi meri taraf badha
ab main koi hero to tha nahi ki akela hi un 6 logo se bhid jata to maine wahan se bhagne me hi bhalaai samjhi taki police ke aane tak kuchh time to mil jaye
“bhagoooo…..” main chillaya aur us aurat ka hath pakad kar city ki taraf bhag nikla
wo aurat bhi bad-hawaas si bina kuchh soche samjhe mere sath bhagne lagi udhar jaise hi un logo ne hame bhagte dekha wo bhi hamare pichhe daude
race shuru ho gai lekin mujhe pata tha ki jeet unhi ki hone wali hai kyonki wo lady saree pahne hue thi aur jyada tez daud nahi pa rahi thi aur mujhe use lagbhag ghasit-te hue daudana pad raha tha
abhi hum koi 20-25 kadam hi daude honge ki ek jordaar thokar meri pithh par padi aur main muh ke bal zameen par gir gaya aur uske baad un sabhi 6 logo ne mujhe apne pairo ki thokaro par rakh liya aur ek ne us lady ka hath joro se pakad liya ki kahin wo bhag na jaye
mujh par laat barsate hue wo log ye nahi dekh rahe the ki mujhe kahan lag rahi hai wo to bas mujhe mare hi ja rahe the aur wo lady rote hue mujhe maar khate dekhte rahi
koi 5 minute baad jab un logo ko laga ki ab bahut ho gaya ab main apne pairo par khada nahi ho paunga to unke leader ne mujhe marna band kiya aur bola “chalo ab bahut time ho gaya hai kahin iske jaise ek do aur aa gaye to hamara kaam adhura rah jayega”
aur wo log phir se us aurat ko khinch kar le jane lage wo bechari baar baar roti hui aankho se palat kar mujhe dekh rahi thi lekin itni maar khane ke baad meri himmat nahi bachi thi ki main dobaara apne pairo par khada ho pata khade hone ki baat to dur main hil dul bhi nahi pa raha tha, bahut berahmi se mara tha madarchodo ne mujhe
“aap chinta mat karo madam police aati hi hogi maine pahle hi 100 number ko call kar diya tha….” kisi tarah himmat juta kar main chilla kar bola aur tabhi mujhe police ke siron ki aawaj sunai di aur meri aankho ke aage andehera chha gaya…….
