Update 85
Par SP sahab to himachal ke wadiyon me jaan bujh kar uss jagah par aaj he jana chahte the… Parwanoo ek industrial aera tha jahan kayi dawa compny ke manufacturing unit the… Aur govt. ki permission se kai compnies ko bulk drugs supply kiya jata tha… Dawa banane ke liye…
Kuchh gahre raaj … In wadiyon me bhi chhipe the, in sab se pare… Idhar teeno Riti, Vasu, aur Anu bas ghumne ke liye taiyar hokar Nain ka intzar kar rahe the……
IG to Nain…….
IG…. Nain kya iss waqt tumhara jana sahi hoga..
Nain… Sir aap mujh par viswas rakhiye….. Yahan jo kuchh bhi ho raha hai, uske pichhe jo dikhta hai wo nahi… Aur jo hai uske liye he ja raha hun…
IG… Thik hai… Tumhe main apne bharose par jane de raha hun… Best of luck my boy… Ye ek police wale par humla hai… Koi bachna nahi chahiye….
Nain apne office ka kaam samet kar wapas aaya… Idhar tabtak sab log taiyar ho chuke the…
Sab ka bas yahi kahna tha… “Ek din ke liye ja rahe hain, wo bhi itna late… “Kab jayenge, kab aayenge”
Nain sabko shant rahne aur chup-chap bas chalne ke liye kaha… Sab phir se wapas Delhi airport par pahunche… Sab hairani se bas dekhte ja rahe the…
Muh to tb khula rah gaya, jab sabko halicoptor me baithne ko kaha gaya….. Sab helicoptor me sawar hokar Parwanoo ki ore nikal pare…
Riti….. Maze hain sarkari afsaron ke … Govt. bhi chor aur uske paise par muft ke halicopter me ghumne wale naukarsah bhi chor… Hehe
Nain…. Jute he marne the to, apna sandel utar kar mar leti, aise sadon ke teer kyon chala rahi ho..
Riti… Ohhhh ! My baby bulla maan gaye, waise sach baat hoti he kadwi hai….
Ek ke baad saare log bas Nain ki khichayi karte huye safar ka luft uthane lage…. 3pm baje tak sab ek hotel me the… Jagah dekh kar Vasu aur Riti kaphi excited thi ghumne ke liye, jaldi taiyar hokar bahar nikal kar pahunchi Anu aur Nain ke kamre me…. Aur kamre ki ek jhalak dekhne ke baad..
Riti gusse me…. Ye nainu kahan hain….
Anu…. Wo to kamre tak aaya he nahi, kahne laga uski tabiyat kuchh thik nahi lag rahi, main dr se check-up ke baad sidha site par milta hun…
Riti…. Huhhh ! Jhoote kahin ke… Jab nahi ghumane ka mann tha to jabardasti laye he kyon… Aap dono jao main nahi jati kahin bhi…
Vasu ki aankhen dikhane par Riti bhi ghumne chali gayi, par ander he ander kaphi chidhti rahi, jab bhi Vasu aur Anu ki najdikiyan dekhti to Nain ko yaad kar ke khub kosti….
Takriban ek ghanta jab ghume ho gaya… Tab nain ne Anu ko phone lagaya….. “Anu madam ke mijaj kaise hain”
Anu…. Ummid se jyada romantic hai, jaldi aa jao nahi to aaj tumhari khair nahi…
Nain… Ek kaam karo, location batao, aur jab main next miss call karun to Riti ke pass se hat jana…
Dus minute baad Nain ne miss call kiya, aur Anu, Vasu ko chup-chap lekar wahan se nikal gaya… Nain aahiste pahuncha aur uske kano ke pass funk marte apne ungli ko gardan par ferne laga…
Riti achanak se pichhe mudi, ek jhalak nain ko dekhi, aur gusse me “huhhh” karti apne kadam aage badhane lagi….
Nain…. Riti baat to suno, please gussa hokar mat jao..
Riti chup chap chalti rahi bina kuchh kahe… In dono ke pichhe Anu aur Vasu bhi chal rahe the…. Aur inki nok jhonk ka intzar kar rahe the…
Nain daur kar aage badha aur Riti ka rasta rok liya….
Riti…. Hat jaeye mere raste se, jab sath ghumna he nahi tha to,le kar he kyon aaye… Ab tabiyat thik ho gayi kya aap ki
Nain…. Sooo solly, ab manph bhi kar do aur mere sath insaaf bhi karo…
Riti… Koi manfi nahi milne wali, waise bhi mere paun dukhne lage hain… Main thak gayi hun aur wapas ja rahi hun…
Riti ka itna kahna tha ki turant Sp saab action me aa gaye aur usse gode me utha kar chalne lage… “Ab to tumhare paun to nahi thakenge na”
Vasu…. Woww ! How romantic Anu… Tum kab mujhe gode me utaoge…
Anu…. Riti ki tarah halki ho jao Vasu tab… Tumhe uthane ke chakkar me kahin main he na uth jaun..
Vasu aankh dikhati… Tumhe mujhe moti kaha Anu… How mean.. Jao ab main tumse baat nahi karti…
Anu… Ssiiiiii… Chalo chup-chap…
Anu aur Vasu.. Phir chup-chap tang gaye dono ke pichhe-pichhe…
Riti… Kya kar rane hain… Ab please niche bhi utro…
Nain…. Tum he to kahi main thaki hun… Isliye gode me utha liya… Ab to ghumogi na sath me
Riti… Ufff O’ ye kya bachpana hai, ab niche bhi utroo…
Nain…. Suno kuchh dil me aaya hai abhi…
Riti…. Hmmm sunaeye ji…
Nain….. Dil kah raha hai …
Riti… Par bol to muh se rahe hain… Dil ko he kahne diniye…
Nain…. Haan dil ki he jubaan hai.. Jo labon tak aayi hai…
Riti…. Ok g .. Sunaeyeeee
Nain…… Dil kah raha hai tum se kahne … Tum gusse me kaphi pyari lagti ho… Par sath me ye bhi kah raha hai ki … Tumhari narajgi iss dil se bardast nahi hoti… Isliye kya aap gussa chhor kar thoda pyar se pesh aayengi… Main nahi ye dil ki awaz hai…
