Anjaan Rahen ~ A Passionate Love – Update 22

UPDATE 22

Dono jillat si mehsus karte huye, apna chhota sa muh liye multiplex se nikal aaye, par rah-rah kar dono ko, Shrylin dwara ki gayi bhari bhid me bejjati yaad aati rahi.
Shrylin badi bhadki huyi gusse me teji se nikali thi. Khair, sare dost apne yojna ke mutabik movie ke baad dinner karne resturent pahunche. Lekin Shrylin ke bhadke bhaw-dasa (mood) ko dekh kar sab shant baithe, ek dushre ka chehra dekh rahe the.
Vivek…. Saily, Ankit, tum dono ne jo wanha kiya wo bilkul galat tha. Tum dono ko aisa nahi karna chahiya tha.
Ankit…. Yaar mujhe laga usne Saily ke sath koi badtamiji kiya hai, isliye yaar thoda gussa me aa gaya.
Vivek…. Bina baat jane kisi ka girewan yun sare aam pakar lena, yadi uss ladke ki jagah kisi ne tumhara coller pakra hota to tumhe kaisa lagta.
Shrylin….. Ab please, tum dono band karoge un nich ladkon ki baat karna.
Vivek…. Saily, tumhe andaza bhi, hai ki tum ne puri bhid ke samne usse ulta-pulta bol aayi ho. Akele me kisi ko boli gayi baat aur wahi baat bhid me bolna, dono me bahut anter hota hai. Arre wo to ajnbee tha, uski jagah tumhara koi apna hota aur usse tum aise bolti tab dekhti. Mahfil ki bejjati to koi apna nahi bardast kar pata tum dushron ko suna aayi.
Vivek ki baton se saaf jhalak raha tha, ki wo Shrylin ki iss bachkana harkat se kaphi naraj tha, aur jhunjhlahat saf uske bhasha se samajh me aa rahi thi. Par Shrylin to Shrylin thahri, bhala wo kaise galat ho sakti hai.
Shrylin….. Galat aur main, my foot, mujhe koi dinner nahi karni tum logon ke sath.
Shrylin ghar lautne ke liye badi gusse me me khari ho gayi, kaphi masakkat aur manane ke baad Shrylin mani, par Vivek ke dimag me ab bhi ye baat thi, ki Shrylin galat hai. Movie me hooting aur comment karna aam baat hai, aur koi issue tha to yun sare-aam kisi ko bejjat karna thik nahi.
____________________________________________________________________________
Idhar Multiplex me Shrylin aur uske doston ke nikalne ke baad……
Dono ladkey wanhi khare iss aaye toofan ke badey me soch rahe the the. Jis ladke ko Saily ne apne pyare sabdon se uska maan badhya tha wo Gaurav tha, aur uska jo uake sath khara tha, Gaurav ka hamdard, bachpan ka sathi Nain.
Gaurav jillat aur gusse se bas issi ghatna ke bare me soch raha tha, bhari bhir me uski bejjati ki gayi thi. Rah-Rah kar Saily ki baten chubh rahi thi usse… Gaurav gusse se apni lal aankhen karte huye apne apne dost se ……
“Nainu, us kamini ne bhari sabha me mera chir haran kar diya. Mujh se bardast nahi ho raha hai ab. Mujhe kuch karne ka mann kar raha hai”
Nainu, apne dost ki baat par ek banawti gussa banate huye …… Sahi kaha crazyboy (Gaurav ka nik name). Khoon ka badla khoon, aur izzat ka badla izzat. Hum badla lenge, us ladki ne bhadi mehfil me tumhara chir haran kiya, tum bhi uska chir haran kar do. Go crazyboy go. Crazy hona to banta hai.
Gaurav gusse se aag babula hote…. Nainuuuuu, mujhe koi bejjat kar ke chali gayi, aur tumhe mazak sujh raha hai. Dimag ki dahi mat kar.
Tej sason aur gurrati aankhon se Gaurav ne apni baat rakhi. Gaurav ka gussa lazmi tha.
Nainu….. Wahhhh ! Dahi jam gayi dimag me, chal uska mattha banate hain. Chill kar crazyboy. Chal tera mugalt-e-gum mitate hain aur do pak mar ke aate hain.
Gaurav…. Mujhe kanhi nahi jana, mujhe uss se apne apman ka badla lena hai.
Nainu…. Haan, badla le lenge bhai, aur kisi ne bhari sabha me humare charecter ko uchhala hai, usse hum yun hi nahi chhor sakte. Waise ye bata, usse itne bhid me tu hi kyon dikha, kanhi intervel me to tune kuch nahi kiya tha.
Gaurav…. Maze lena band kar Nainu nahi to tera hi sir phod dunga. Mujhe bas ab uss ladki se badla lena hai, usse sabak sikhana hai.
Nainu…. Haan mere bhai, usse hum jaroor sabak sikhayenge. Lekin tu gusse me apna khoon jalayega to aisa lagega ki wo to khudh hai apni life me mast hai, aur uske bare me soch-soch kar tum khud se hi badla le rahe ho.
Nainu ki baat sun Gaurav kuch nahi bola. Evening show dekh kar 9pm baj chuke the. Wanhi se dono pahunche maikhane. Gusse me Gaurav ne na jane kitne pak laga diye, usse hosh kanha, Nainu bas ek pak ko hi hath me rakhe uska sath nibha raha tha, kyonki usse pata tha ye talli hoga aur le jane ki jimmedari Nainu par hi aane wali hai.
_____________________________________________________________________________
Samanya roop se hi jindgi sabki chalti rahi. Saily, uska group aur college life. Saily apne dincharya me mast ho gayi, par usse kya pata tha ki koi bhoot ki tarah uske pichhe parney wala hai.
Kuch dino baad aakhir wahi hua jo nahi hona tha, Gaurav ko Shrylin dikhi. Rojana ek hi raste se Ankit aur Shrylin college jate the, Gaurav bhi ussi raste par ghoom raha tha aur uski najar pari Shrylin par.
Gaurav usse dekh kar baukhla gaya aur turant phone lagaya Nainu ko….
Nainu… Haan Crazyboy koi khas baat jo subah-subah phone lagaye.
Gaurav…… Vijanagar road aa jaa jaldi bina koi samay gawaye
Nainu…. Yaar, mujh se subah na utha jayega, janta to hai main late sota hun. Kya ho gaya jo meri nind kharab kar raha hai.
Gaurav… Wo dikhi mujhe Vijaynagar road par…
Nainu…. Tu ab sadkon par ladkiyan bhi tarne laga. Ladka jawan ho gaya. Ab to aana hi padega. Abhi aaya main … Woohooooo
Gaurav…… Arreee wo baat …. Lekin tabtak Nainu ka phone phone kat ho chuka tha.
Dono mile Vijaynagar chaurahe par, chay ki dukan me baitha Gaurav, uske kuch aur hostal ke sathi aur Nainu. Sab chay ki cuskiyan lekar uss din ki hui ghanao par lotpot ho rahe the. Mazak ke baad sare doston ne phir ek faisla liya …
“Iss nakchadhi kamini ko hum sabak sikha kar rahenge”
Aisa bole jaise koi fauj ki tukri, apne mission par nikali ho. Sare khuphiya agents ko ek hi kaam ke pichhe lagaya gaya … Mission Saily ke routein ka pata lagana.