Update 117
Itna kehkar Rekha us kamre se nikalkar apane kamre me gai aur apna saman pack karne lagi.
saman pack karne ke bad Rekha ka dil bahut udaas hota hai, usse aise lag raha tha jaise uski Puri duniya hi loot li gai ho. usne pichhle 10 sal se shaadi ko dhone ke liye pata nahin Kya Kya Kiya aur apne armaanon ka gala ghot Diya, apni javani ko barbad Kar diya kiske liye use shaks ke liye jisne usse dhokhe se divorce paper per sign kara kar drivorce le liya aur yahan per ek khubsurat ladki ke sath Shaadi karke rangraliya Mana raha hai.
Rekha fafak fafak kar rone lagti hai aur sochti hai yah Kya ho gaya. Uska man bahut vichalit tha, vah sochane lagti hai ki uski Kya galti thi jo uska banaa banaya ghar ujjad gaya aur tu aur uska beta bhi uska nahi hai. Vo Raman ko kitna pyar karti hai, kya use apne se alag kar payegi ya Raman kisi aur ko apani maa swikar kar payega. Jab usse yeh baat bardashat nahi ho rahi thi tu Raman jo ki abhi baccha hai, kaise bardashat kar payega. “Mujhe bahut bada dhokhe me rakha gaya aur main bewakoof banti rahi” Rekha aisa sochane lagi. Uska man kar raha tha ki vo abhi ke abhi vanha se bhag jaye, lekin uske sanskar aade aa gaye the ki chahe kisi ne kitna bada dhokha diya ho lekin vah kisi ko dhokha nahin degi aur usne Maria ke aane tak vahi rukne ka faisla Kiya. Use baar baar Rona aa raha tha aur ro ro kar apne gam kam kar rahi thi, lekin yah koi aisa gam nahin tha Jo itne kam samay mein bhar jaaye, han yah jarur tha ki rone se ekdum kam ho raha tha aur vah apne aap ko aage ke liye taiyar kar rahi thi.
Usse iss waqt sirf aur sirf ek hi Sahara nazar aa raha tha, vah tha Amit. Uska man kar raha tha ki vo abhi phone uthaye aur Amit se baat kar le, lekin usse yeh samajh nahi aa raha tha ki vo Amit se kya baat kare, usse sabkuch bata de ya nahi. Batane par uska kya reaction hoga, vah preshan ho jayega ki gussa hoga ya kanih mujhe hi tu doshi nahi manne lagega. Nahi, Nahi, Amit aisa nahi hai, vo sacche dil se mujhse pyar karta hai aur mere liye kuch bhi kar sakta hai.
Rekha ne jaise hi yeh socha tu use apane aap par hansi aane lagi, kyounki Jab uski shadi Virender se hui thi tab vo usse bahut pyar karta tha aur uske bare me bhi uske dil me issi tarah ke vichar the aaj se kuch saal pehle tak, lekin aaj sab kuch badal chuka hai. Kya Amit bhi kal ko badal jayega? Nahi Nahi vo aisa kabhi nahi karega. Kyoun nahi karega, kya vo mard nahi hai? Vo mujhse saccha pyar karta hai.
Kya Virender ka pyar sacha nahi tha? Sochate sochate uske sar fatne laga. Tabhi use yaad aaya ki Virender aur Amit me ek fark hai, vo yeh ki Amit ko uska pati swayanm Bhagwan ne apane aashirvad se banaya hai aur Rekha ko Bhagwan par pura vishwas tha aur vo yeh janti thi ki Bhagwan uske sath kabhi galat nahi karenge.
Inhi socho ne Rekha ko himmat di aur usne Amit se baat karne ke liye man banaa liya. Usne Amit ko call karke rotey hue saari baat bata di, jisse sunkar Amit ko bahut gussa aa raha tha, lekin Neha ne use pehle hi bata diya tha, isliye usne Rekha ko santavna dete hue vaapis aane ke liye bola aur yeh bhi kaha ki chinta karne ki jarurat nahi hai, vo hai na uska pati aur vo use jindagi me kabhi bhi akela nahi chhodega chahe kuch bhi ho jaye. Amit ki aisi baaton se Rekha Bahvuk ho gai aur roye ja rahi thi aur kehne lagi ki use vanha se jaldi se jaldi nikalna hai.
Amit ne kaha ki vo uski Retun tickets ka arrangement karke bhejta hai. Uske baad phone cut ho gaya. Donon ke dil me utthal puthal machi hui thi.
Amit ne Travel agent ko Ticket ke liye message kiya kyounki abhi raat ke barah baj rahe the tu office band hoga. Usne message me clear kar diya tha ki jaldi se jaldi flight ki ticket chahiye.
Udhar Rekha Maria ka wait kar rahi thi aur sham ke waqt Maria chehkati hui aai aur uske hath me ek chempange aur cake tha jo usne dinning table par rakh diya aur jakar Virender ke gale lag gai aur usse kaha “We have won the case and now property of 20 millions dollars is ours”
Virender ne bhi khush hotey hue use hug kar liya aur usse kaha ki hamara hospital jane ka plan kamyaab raha. Ab hame Rekha ki bhi jarurat nahi hai kyounki ab faisla hamare hak me aa chuka hai.
Un donon ki baate Rekha ke kan me padi tu usse kuch kuch samjh aaya ki attack ka sirf natak kiya gaya tha jo sirf kisi case ko jeetne ke liye tha, asal me koi aatack nahi hua tha aur usne Maria se shadi bhi paise ke liye ki thi lekin ab donon ko ek dusre ke sath sex ki lat bhi lag chukhi thi, isliye Maria ne Virender se mera talaq karwa diya aur ab vo donon koi business shuru karne wale the.
Unki baate sunkar use bahut rona aa raha tha, balki usse jayada apane aap par Virender dwara bewkoof banye jane par aa raha tha, lekin usne isme hi apani bhalai samajhi ki use jitni jaldi ho vanha se chale jana chahiye.
Usne Virender ke room me knock kiya aur un donon se jane ki izzazt mangi tu vo donon use natak karte hue rukne ke liye bolane lage, lekin usne kaha ki uske bacche akele hain aur use abhi jana hoga
Rekha Taxi lekar seedha airport panhunch gayi aur vanha jakar India ki Ticket ke bare me pata kiya aur luckily Ticket available thi tu usne Amit ko phone karke bata diya aur vo Ticket lekar vapasi ke safar par chal padi aur usne Amit ko sab details bhej di
Leave a Reply
You must be logged in to post a comment.