SAAND
UPDATE- 204
Uske baad main chinky aur sadhana ko lekar bahar aa gaya aur gufa ka dwar pahle ki hi tarah band kar diya…tabhi mera mobile bajne laga…maine dekha to ye rashmi didi ka call tha..
Raj—haan didi…
Phir jo rashmi didi ne kaha to vo sunte hi mere hatho se mobile chhut kar niche gir gaya…mere seene me itna tez dard hone laga jiska ki shabdo me bayan kar pana behad mushkil ho gaya aur meri ankho se jhar jhar kar ke anshu bahne lage.. aur main jor se cheekh pada…
Raj (cheekh kar)—didiiiiii……
Ab aage……
Sadhana (ghabra kar)—kya hua raj…? Sab theek to hai na….?
Lekin ab mujhe hosh kaha tha, meri halat to kuch aisi ho gayi thi ek pal me jaise ki meri poori duniya hi ujad gayi ho… maine daud lagate huye jaldi se gadi start ki…sadhana aur chinky bhagte huye aa kar jaldi jaldi gadi me baith gaye aur phir main turant hi vaha se jitni speed me gadi chala sakta tha utni speed me bhagane laga.
Sadhana (tension)—raj, kya hua…kuch batao bhi….dekho mera dil ghabra raha hai…batao na rajj…?
Raj (rote huye)—vo…vo…sheetal didi………
Aur isse aage mujhse kuch bola hi nahi gaya…jaise mera gala hi band ho gaya tha…anshu the ki rukne ka naam hi nahi le rahe the…sadhana bar bar apne dupatte se mere anshu saaf karne me lagi huyi thi.
Sadhana (pareshan)—raj, kya hua sheetal ko….?
Raj (bhigi ankhe)—vo..vo..didi…hospital me hain…
Sadhana (shocked)—kyaaa…hospital me…lekin kyo….? Kya hua sheetal ko…? Abhi subah to bilkul theek thi..
Raj (sisakte huye)—pata nahi…
Maine iske baad kisi baat ka koi jawab nahi diya…ya phir ye kahu ki mujhse kuch bola hi nahi ja raha tha…ek bar jo meri gadi start huyi to sidha hospital me hi ja kar ruki…char gahnte ka safar maine ek ghante me hi poora kar liya…
Gadi se utar kar sidha hospital ke andar daud laga diya….hospital jyada bada nahi tha isliye counter par puchte hi unhone bata diya..vaise bhi aas paas ke area ke sab log mujhe pahchanne lage the sp banne ke baad…
Main logo se takrate huye hospital ke bhitar tezi se bhagne laga…aur vahi pahuch gaya jaha ek room ke bahar ghar ke sabhi log baithe huye the…jyoti aur thakurain bhi vahi thi..mujhe dekhte hi sab khade ho gaye…sab ki ankhe iss samay ashru poorit thi…
Raj (rote huye)—maa…kya hua didi ko… ? didi kaha hain…. ? batao maa…kaha hai meri didi… ?
Malti (sisakte huye)—beta vo hand pump wale nal me pani nahi aa raha tha vo sheetal nahane ke liye kuwe se pani nikal rahi thi, tabhi uska pair fisal gaya aur vo kuwa me gir gayi….vo to achcha hua ki seema vahi thi to usne jor se chillana shuru kar diya jisse gaon walo ne sheetal ko kisi tarah se bahar nikal liya..
Raj (rote huye)—kyaaaaa……. ?
Seema—haan, vo to achcha hua ki thakurain vaha pahuch gayi aur unhone apni gadi se turant sheetal ko yaha hospital le aayi….
Raj (rote huye)—didi kaha hain..mujhe unse abhi milna hai…. ?
Thakurain—raj, abhi vo ICU me hain…uske sir se khoon bahut bah chuka hai…
Raj (rote huye)—ye sab meri vajah se hua hai…didi to mere sath jana chahti thi…maine hi unhe apne sath jane se rok diya.. mujhe abhi issi waqt didi se milna hai…
Jyoti—raj, agar tum hi aise himmat haar jaoge to kaise kaam chalega…. ?
Mera ro ro kar bura haal tha…main turant didi ko dekhna chahta tha, magar sabne mujhe pakad ke rakha tha…thodi der me ek doctor bahar aaya.
Raj—doctor, kaisi hai meri didi….? Mujhe unse milna hai…?
Doctor—dekhiye sir, abhi vo behosh hain….saanp ke kaatne ka khatra to door ho gaya hai lekin patthar se takrane ki vajah se unke sir se kafi khoon bah chuka hai…kayi jagah pata karne ke baad hame badi mushkil se unke blood group ki ek hi bottle blood ki mili hai jo unhe hamne de diya hai.. lekin abhi ek bottle aur bhi chahiye aur vo bhi jaldi warna kuch bhi ho sakta hai
Sab (shocked)—saanppp….?
Doctor—ji haan, unke pair me saanp ke kaatne ka nishan bhi hai..ye to achcha hua ki samay par vo yaha pahuch gayi..agar dus minute ki bhi deri ho jati to uss saanp ke jahar se miss sheetal ko koi nahi bacha sakta tha…….lekin khatra abhi tala nahi hai…hame unke group ka blood turant chahiye…aur iss blood group ka blood milna bahut rare hai…hamne inn sabhi logo ka blood check kar liya hai lekin kisi ka match nahi ho raha hai…
Raj (rote huye)—nahi doctor, mere sharir se khoon ki akhiri boond tak nikal lo, lekin pls..meri didi ko bacha lo…jitna bhi paisa chahiye, main dunga…chaho to meri poori daulat le lo..lekin meri didi ko bacha lo doctor..
Sadhana—doctor, mera bhi blood le lo..lekin use bacha lo…
Doctor—sister…inn dono ka blood check karo fauran…aap dono nurse ke sath jaiye..
Main aur sadhana turant ek nurse ke sath ek dusre room me chale gaye..jaha usne hum dono ka blood sample check kiya. Phir hum bahar aa gaye.
Nurse—doctor, inn dono ka hi blood group mariz ke blood group se match ho raha hai..
Doctor—it’s amazing..! poori family me se kisi ka bhi blood group miss sheetal ke blood group se match nahi hua..kewal aap dono ko chhod kar..anyway..aap dono me se koi bhi ek aa jaiye..
Raj—chaliye doctor..
Main doctor ke sath cabin ke andar aa gaya…jaha sheetal didi behosh padi huyi thi…nurse ne mera blood didi ko chadhana shuru kar diya…blood dene ke baad main bahar aa gaya….tab tak vaha bade mama aur sapna mami bhi aa chuki thi.. ….. shayad rashmi didi ne bataya hoga unhe bhi….main ek kone me khadi thakurain ke paas chala gaya..
Raj (nam ankhe)—Indu, aaj tumne mujhe kharid liya…main tumhara ye ehsaan kabhi nahi utar sakta…tum nahi janti ki sheetal didi mere liye kya ehmiyat rakhti hain…sheetal didi, mera abhiman, mera gurur, mera swabhiman hain…mera ye sir jo aaj tak kisi ke samne nahi jhuka tha, aaj vo sir tumhare aage jhuk gaya…
Thakurain—raj, aise mat kaho, maine koi ehsaan nahi kiya…maine to apni zindagi bachayi hai…haan raj, main ye janti hu ki sheetal tumhari zindagi hai aur tum meri zindagi ban chuke ho…sheetal ko kuch ho jata to main tumhe kho deti.. phir main apni zindagi ko barbad kaise hone de sakti thi..
Phir jyoti bhi vahi aa gayi to hamari baato ka rukh palat gaya…sabhi doctor ke bahar aane ka intazar karne lage…..karib aadhe ghante baad doctor bahar aaya.
Raj—doctor, ab kaisi hai meri bahan…?
Doctor—dekhiye, abhi to vo behosh hain..do ghante ke baad hi hosh ayega..uske baad hi hum kuch kah sakenge..
Raj—doctor, meri sheetal didi ko kuch nahi hona chahiye….meri didi ko bacha lo doctor…meri di..di….ko….ba..cha…lo…
Sadhana (chilla kar)—rajjjjjjjj
Malti (jor se)—rajjjjjj
Doctor (chilla kar)—nurse…
Doctor se baat karte karte hi achanak mere sir me tez dard hone laga aur main vahi niche ekdam se gir gaya..uske baad kya hua, mujhe yaad nahi raha…
Mujhe turant andar bed par le jaya gaya…jaha doctor ne kuch bottle ke jariye dip laga di…aur kuch injections bhi…sab mujhe aise behosh hote dekh behad ghabra gaye the..
Malti (nam ankhe)—doctor, kaisa hai mera beta…?
Doctor—shayad tension ki vajah se chakkar aa gaya unhe……thodi der me unhe hosh aa jayega…vaise iske pahle bhi kabhi unhe aise chakkar aaya hai kya….?
Minakshi—haan doctor, jab mujhe le kar aa rahe the tab raste me yahi hua tha..uss samay accident hote hote bacha tha.. vo to achcha hua ki gadi road se utar kar niche nali me ghus gayi..warna..
Doctor—ohhh…theek hai main unke sabhi sample laboratory bhej deta hu..kal report aane ke baad hi kuch bata paunga ki aise kyo hua …?
Jyoti—theek hai doctor, main kal report collect karne aa jaungi..
Minakshi didi ki baat se sab sakte me aa gaye…ek ghante baad mujhe jab hosh aaya to khud ko hospital ke bed par paya..mere hath me syringe lagi huyi thi. …sab mere paas hi baithe huye the..
Malti (hosh me aate dekh)—raj, tujhe hosh aa gaya…meri to jaan hi nikal gayi thi..
Hosh me aate hi mujhe turant sheetal didi ka khyal aaya…to main turant hi uthne laga tab mera dhyan hath me lagi syringe par gaya…mujhe uthte dekh sab mujhe gher kar khade ho gaye..
Malti—nahi raj, tum abhi lete raho…
Raj—(syringe nikal kar)..nahi, mujhe sheetal didi ke paas jana hai…
Thakurain—sheetal ko abhi hosh nahi aaya hai…use VIP room me rakha gaya hai…tum abhi araam karo..
Raj—nahi, mujhe didi ke paas jana hai..
Maine syringe phenk kar turant bhagte huye VIP room me ghus gaya..jaha didi shant padi huyi thi..main unke paas ja kar baith gaya…ankhe band kiye huye vo bilkul masum lag rahi thi.
Raj (nam ankhe)—didi, ankhe kholo…dekho main vapis aa gaya…ab tumhe kabhi chhod kar kahi nahi jaunga…tumhari kasam didi.. agar aap hi mujhse ruth jaogi to main phir mujhse ladega koun…? Meri galtiyo par mujhe daantega aur maarega koun didi…? Pls didi, bas akhiri bar maaf kar do…ek aap hi to ho didi jisse haar kar bhi mujhe khushi milti hai..
“Ek Tera Hi Nasha Tha Jo Shikast De Gaya Mujhe,
Warna Kabhi Maykhane Bhi Tauba Karte The Meri Maykashi Se.”
Phir mujhe na jane kya hua ki maine apne hoth sheetal didi ke hotho par rakh kar unhe dhire dhire chusne laga…abhi mushkil se kuch seconds hi didi ke hotho ka ras pite huye hua tha ki achanak unke jism me halchal hone lagi…ye mahsoos karte hi maine unko chhod kar doctor ko awaz di to vah check karne aa gaya…tab tak baki log bhi vahi pahuh gaye..
Doctor—ab ye khatre se bahar hain…
Raj—thanks doctor..
Sheetal didi ne ankhe kholte hi….
Sheetal (hosh me aate hi)—(cheekh kar)..rajjjjjjjj…
Raj—didi, main yahi hu..
Mujhe dekhte hi sheetal didi ne mujhe apne upar khich liya aur chumte huye mujhse jor se lipat gayi…didi ki ankho se bhi ankhu bah rahe the aur meri bhi…unke sir me patti bandhi huyi thi..
Sheetal—raj, tu aa gaya…uuummmm
Raj—haan didi…lekin aap ko pani bharne jane ki kya jarurat thi…kisi se bol nahi sakti thi kya… ?
Sheetal—to tu mujhe apne sath le kar kyo nahi gaya tha…. ?
Raj—sorry, ab dubara aisi galti nahi hogi…
Pratap—doctor…ise hum kab tak ghar le ja sakte hain…?
Doctor—dekhiye abhi do teen din to yahi rahna hoga kyon ki ghav abhi kachcha hai…uske baad hi…aur haan, inhe araam karne dijiye..
Doctor ke jane ke baad sab ek ek kar ke sheetal se milne lage…main hospital ki fees bharne ke liye counter par gaya to pata chala ki thakurain ne pahle hi poori fees advance me paid kar di thi…to main chupchap lout aaya..
Hospital me mariz ke sath koi ek admi hi ruk sakta tha, isliye maine rukne ka faisla kiya lekin sadhana bhi vahi rukna chahti thi isliye maine doctor se uske liye bhi permission le li..aur baki logo ko samjha bujha kar vapis jyoti ke sath ghar bhej diya.
Raat ka khana thakurain khud hi haweli se banwa kar le aayi..to hamne sath me hi khaya…thakurain bhi raat bhar vahi ruki rahi…uska dabdaba aaj bhi kayam tha isliye kisi ne kuch nahi kaha usko..
Dusre din subah subah hi sabhi ghar wale hospital aa gaye aur ek ek kar ke sheetal didi se milne lage…jyoti apne ghar se chhamiya ke hath ka bana nasta le aayi thi to sabhi bahar baith kar nasta karne lage..didi ke liye kapde le aayi thi change karne ke liye rashmi didi to vah unke paas ruk gayi..
Rashmi—yaar tum bhi gajab karti ho…girne ke liye tumhe kuwa hi mila tha…?..agar saanp ne kaat liya tha to bahar kudne ki bajaye kuwe me kudne ki kya jarurat thi…?
Sheetal—pahle darwaja band karo phir baat karna didi..
Rashmi (darwaja band kar)—lo ab batao..
Sheetal—didi, kisi ko batana mat…main kuwa me giri nahi thi aur na hi kuwa me kudne ka mujhe koi shouk hai balki sach to ye hai ki jaan bujh kar kisi ne mujhe dhakka diya tha..
Rashmi (shocked)—whattttt….? Ye tum kya bol rahi ho…? Kisi ne tumhe dhakka diya tha….?
Sheetal—hmmm..didi yahi sach hai…kisi ne jan bujh kar mujhe maarne ki koshish ki thi..
Rashmi (shocked)—jaan bujh kar maarne ki koshish…! Lekin kisne aur kyo…?
Sheetal—ab kisne ki thi aur kyo ki thi…ye to main nahi janti..main to kuwe se pani khich kar balti uthane hi wali thi ki tabhi mujhe kisi ki parchhayi apne piche nazar aayi jiske hatho me koi box type kuch tha..uss box ka samne ka thoda sa hissa khula hua tha jisme se saanp ki gardan bahar nazar aa rahi thi…vo parchhayi ek dam mere piche hi thi..maine abhi kuch samajh pati ki uss saanp ne mere pair me kaat liya…maine cheekhte huye hadbada kar uska chehra dekhne ke liye palatne hi wali thi ki tabhi usne mujhe jor se dhakka de diya…aur main kuwe me gir gayi..mere girte hi usne vo saanp wala box bhi saanp sahit kuwe me hi phenk diya…
Rashmi (shocked)—omg….lekin tumhari kisi se kya dushmani ho sakti hai…? Tumhe maarne se use kya fayda hoga…?
Sheetal—pata nahi
Rashmi—ye baat tune raj ko kyo nahi batayi…? Main abhi ja kar use batati hu…
Rashmi—nahi didi…aap ko raj ki kasam…aisa bhul kar bhi mat karna..
Rashmi—kyo na karu…? Itni badi baat tum raj se chhupana chahti ho…tumhe pata bhi hai ki vo bechara tumhe iss halat me dekh kar kitna ro raha tha…? Doctor ke aage tumhari zindagi ki bhikh maang raha tha…yaha tak ki vo rote rote behosh tak ho gaya tha…
Sheetal (chounk kar)—kyaaa…?
Rashmi—haan…poore ek ghante baad hosh aaya usko…
Sheetal (tension)—doctor ne kya kaha….? Mujhe poori baat batao didi..
Rashmi—(doctor ke sath huyi poori baat batane ke baad)..phir minakshi ki baat sunne ke baad doctor ne raj ke sample laboratory me jaanch ke liye bheje hain..report ayegi uske baad hi pata chalega..
Sheetal (tension)—kyaaaa….? Aur minakshi ne itni badi baat mujhe nahi batayi…? mujhe to koi bahut badi gadbad lag rahi hai didi…minakshi ki shadi me bhi raj ko sir dard ho raha tha…doctor kab tak report batane ko kaha hai… ?
Rashmi—aaj dophar baad
Sheetal (pareshan)—didi, tarah ye report aap collect karo doctor se…kisi ko pata nahi chalna chahiye..
Rashmi—teri baat meri samajh me nahi aayi..akhir tu chahti kya hai…? Raj tujhe kitna chahta hai..use batati kyo nahi ki tu hi uski sadhana hai… ? aur kal jo tere sath hua, vo bhi usse chhupana chahti hai, akhir kyo… ?
Sheetal (nam ankhe)—didi, raj meri ankho me anshu ka ek katra tak nahi dekh sakta, vo bechain ho jata hai…yaha tak ki meri ankho me anshu laane wale ko jaan se maar sakta hai..to socho didi, yaha to mera khoon baha hai..agar galti se bhi raj ko bhanak bhi lagi ki kisi ne mujhe jaan se maarne ki koshish ki hai to vo apna ghar to ghar, poore gaon ko aag laga dega…main ye janti hu didi ki raj sadhana ko bahut chahta hai aur usse bhi badi baat ye bhi hai ki vo sheetal ki respect bhi bahut karta hai….aur sanyog se maine sheetal aur sadhana, dono ke hi kirdar nibhaye hain…jis din raj ko pata chalega ki main hi uski sadhana hu aur uski sagi bahan bhi..tab socho uske dil par kya gujaregi… ? jis tarah se main rishto ke bhanwar jaal me phansi huyi hu, vo bhi ulajh jayega…jis sadhana ke sahare vo apni jindagi jeena chahta hai, jab use malum hoga ki vo uski bahan hai tab uska sapna toot kar bikhar jayega..aur vo ek jinda laash ban kar rah jayega…jitna raj ko main janti hu utna use koi nahi janta didi…maine use sadhana ban kar bhi jana hai aur sheetal ban kar bhi…main raj ko aise bikharte huye nahi dekh sakti didi..nahi dekh sakti..
Jaha ye dono aapas me baate karne me lagi huyi thi iss baat se bekhabar ki vaha koi aur bhi moujud hai jo darwaje ke bahar se kaan lagaye dono ki baate sun raha hai…
Friends,Ho sakta hai ki ye update logo ko kuch khas pasand na aaye, lekin kahani ko aage badhane ke liye ye update jaruri tha….sath hi is update me aage aane wale ek bade suspense ka hint bhi chhupa hua hai.
