Palatwar (पलटवार) – Update 57

PW-57

Naman ne baat dil se kahi thi, pr usko andaza nahi tha ki dono betiyan bhi jidd kr k baat sunn rahi thi, Surabhi ne bola nahi pr Naman ko laga ki abhi namaste kee hain to aas pass hee hongi. To ye dil ki baat Surabhi sahit dono betiyon k dil ko bhi choo gayi thi, aakhir life main pehli baar dono ne suna tha ki koi unki maa k sammaan ki baat kr raha tha

Teeno k muh se kuch bhi nahi nikal paya ,Surabhi ne bhi baas ‘ji detail bhej rahi hun’ bol kr jaldi se phone kaat diya, usko daar tha ki kahin vo phone pr hee na rone lage. Phone cutt hotey hee teeno galey lagg kr rone lagey

‘Kam se kam wahan tum dono ko papa ka pyar jarur milega, shayad unke pressure se baki log bhi…’

Surabhi ne abhi dono ko apna koi plan nahi batata tha ki vo Lucknow shift ho rahi hai. Idhr Naman ko jab Surabhi se uske bhai ki detail mili to usne traval agent ko bhej diya ki customer se direct contact kr le

Vimal aur Kanti, Surabhi k bhai aur bhabhi ka naam tha, phone number dono ka save kr liya. Socha ki ghar k liye jaldi nikle tabhi Maya ka phone aya

‘Meri frd Sonam ka accident ho gaya hai, uske bhai ko kaafi jada lagi hai, sahara hospital le kr ja rahe hain, unki kuch help kr sakte ho?’

“Hmm detail bhejo, try karta hun”

Naman k kuch regular customer sahara main doctor aur officer they, Naman ki jinse direct baat hoti thi to Naman ne drawer se ek 50k ki gaddi uthayi aur kisi ko phone karta hua nikal gaya. Raste main baat kr k setting kr dee, Sonam aur uska husband jab tak uske bhai ko lekr pahuchte Naman unke VIP treatment ki setting kr chuka tha

Sonam aur uska husband incometax k vakil they, practice acchi chalti thi, Sonam ghar pr hee paperwork main thodi help karti thi, client se direct ya office ja kr bahas karna usko pasand nahi tha, aur fir bacche 13-16 saal k they to nazar rakhna jada jaruri tha. Der se shaadi hui padhai k baad ,love marriage, to abhi 41 ki thi, pati ko problem thi ki agar vo pura time dekr kamati to income doguni hoti. Bacchon ko to naukar bhi dekh lete bas isee baat pr aksar bahas hoti thi

Hospital pahuche to ek junior Dr daud k aya aur pucha ki Naman Sinha k family se hain, Sonam turant samajh gayi ki kitty waaley group main help msg daalne se, ye Maya k husband kaam hai. Usne rahat ki saans lee, bhai ka ilaaz chalu ho gaya khud uski aur uske pati ki marham-patti ho rahi thi

10 min main Naman pahuch gaya bina koi baat kiya senior doctor k sath uske bhai k pass pahuch k khada ho gaya, dr ne kaafi lambi jaanch ki fir Naman se kuch bola, to Naman ne hath mila k muskura k thanks bola

Naman Sonam aur uske husband k pass aya

“Ghav thode gahre hain pr khatra nahi hai, abhi checkup hoga pr dr ne bol diya hai ki reports normal hee aayegi, pr hua kaise? Uss area main to speed jada nahi ja pati?”

Sonam k husband ne thanks bol k smile kr k hath milaya fir bola ‘driver rough chala raha tha thok k bhag gaya, Sonam slow chalati hai nahi to pata nahi kya…’

Naman ne jeb se ek polythene ka packet nikala

“2 doctors aur 2 officers k naam aur numbers hain,  emergency ho tabhi call karna ya fir mujhe, 50 hazar cash laya hun kya pata jarurat padey, koi jaldi nahi pehle sab log ghar pahuch jao”

Sonam aur uske husband ne naye nazar se Naman ko dekha, iss help ki sapne main bhi umeed nahi thi, thodi der ruk k dono k liye nasta pani ka intezam kr k Naman chala gaya tab tak unke bacche aur pariwar waley bhi aa gaye they

Thoda relax hone k baad Sonam ne Maya ko call kiya

‘Thanks  hum to ghabra gaye they, Namanji ne to jaise jadu kr diya, turant ilaz, VIP treatment mila….’

Maya ‘haan uske kuch regular customer aur frds hain wahan, tabhi maine phone kiya socha shayad tum log ko jarurat padegi’ Maya aise boli jaise ehsaan jata rahi ho vo baat Sonam ko bhi samajh main aayi pr vo kitty club se hee Maya ka nature jaan gayi thi to fir boli

‘Haan yaar ghabra rahi thi ki kaise sab hoga pr Namanji ne to tension free kr diya ,hum aisi emergency k liye ready nahi they paise bhi nahi they ,yahan pr to itna paisa lag raha hai ki ,abhi cash ki jarurat padd rahi hai…..’

Maya ‘sorry yaar isme help nahi kr paungi ,parso sagai hai aur Naman ne hath bandh diye hain ,bataya tha na paise k liye kitna kich kich karta hai’

Phone speaker pr tha Sonam ka husband bhi sunn raha tha, baat sunn kr uske chehre pr hasi aa gayi, Sonam aur uske husband k frds aur relative sab help ki offer kr rahe they pr Naman k jane k bahut der baad. Phone cut hua to vo bola

‘Chalo ye to samajh main aya ki bhale hee direct dosti nahi hai pr kisi ko dosti ki value to hai ,bhagwaan na karey kabhi iska case dekhna padey, meri maa ki kasam, life time free main karunga’

Sonam k muh se kuch nikal nahi paya vo chup chaap phone ko dekh rahi thi, aur soch rahi thi ki Maya ne Namanji k baare main jo kaha shayad sab jhooth hee hoga. Kitana genuine aadmi hai, khud chala aya, bina puche hee cash de gaya, yahan to log maangne pr bhi….

Inn sab se anjaan ki Maya ki ek aur dushman taiyaar ho rahi hai jo uski help karegi, Naman apne ghar pahuch gaya tha.