THE SURPRISE – Valentine Story Contest 2019

” ting-tong” saam ke takreeban 4 baje rahe the ek 27-28 saal ki lady sofe pe baithi news dekh rahi thi us samay ghar ki door bell baji .
“Madam latter hai” samne khade ek postman ne ek envelop lady ki taraf badhate hue kaha ‘
“sukariya” lady ne latter le ke sign karte hue kaha aur fir door close kar ke andar aate hue envelop ko khol ke latter nikala . latter ko dekhte hi use aisa laga jaise aaj ke special din par uske dil ki koi bohat badi murad puri ho gayi ho..
latter pe ek kiss ka mark tha jo ki ek kiss ka sticker tha aur uske sath ek red rose or ek chocolate thi dono hi kuch purane the takriban 6-7 din purane .
lady ne Apne lips us kiss ke mark ke uper rakh diya jaise kisi ke lips ko feel kar rahi ho, us kiss ko apne dil tak mehsus kar rahi ho…
“sukriya” sofe pe baithne ke baad jab lady ne latter open kiya to pehla sabd yahi likha tha ….

“Main janta hun tumne us kiss ke mark ko apne lips se leke apne dil tak feel kiya hoga, aur tumhe mehsus hua hoga ki maine apne hoth jarur is kiss ke mark par touch kiya hoga ” lady ne aage padhana suru kiya..

“aaj ke din tum udas hogi main janta tha, isliye is baar kuch special kiya hai tumhare liye, kuch special gifts ke sath”

gifts se lady ka dhyan pehle chocolate par Gaya jis par ek bite ka mark tha jo ki wrapper par halka- halka dikh raha tha , aur fir baad mai dhyan rose pe gaya jiske patte par white colour se dono ke name ka pehla alphabet likha tha aur dono alphabet ke bich ek dil ka nisan bana tha “ lady ne us rose ko ek baar kiss kiya aur fir aage padhna suru kiya..

“Is baar pata nahi kyu mann mai bechaini si ho rahi hai ,to socha kyu na tumhe yaad kar lu aur wese bhi kuch special karna chahta tha main is baar tumahre liye ,isliye ye latter likh raha hu , wese to thand kafi hai yahan, temperature ― mai rehta hai aur ye latter likhte hue mere hath bhi kaanp rahe hai, lekin fir bhi ye latter likhte hue mujhe tumhare pyar ki garami ka ek alag hi Aanand mehsus ho raha hai, wese bhi is khubsurat jagah ko “” Aanad ka Kashmir”” bhi kehte hai” .
“Aaj 7th fab guruvar ke din mai ye latter likh raha hun , 7th fab yani rose day aur jo rose abhi tumahre hath mai hai na , ha wahi rose jise abhi tumhe chuma hai wo meri taraf se special gift hai tumhare liye aur wese bhi jis din tumhe ye latter milega us din humari sadi ki 5vi saalgirah bhi hogi” Itna padhne ke baad us lady ne ek baar fir us rose ko chum liya jaise apne pyar ke ehsaas ko aur gehra kar rahi ho…

“ Kal yani 8th fab matlab propose day , abhi 6 mahine pehale jab mai chhutti leke ghar aaya tha tab tumne mujhse pucha tha ki “” Aap mujhse kitna pyar karte ho”” Aur maine kaha tha “mere paas aisa koi sabd nahi hai jo mere ko maap sake “” lekin aaj mai kosis karunga ki tumhe bata saku kitna pyar karta hun, ise mera propose hi samjh lena , “” pyar ko maapne ka agar koi paimana hota to 1000 baar tut ke bikhar jata fir bhi mera pyar maap nahi pata , jitna mai apni matribhumi se pyar karta hu utna hi tumse bhi karta hun”” I love you” itna padhne ke baad lady ne apne Sheene par hath rakh liya aur ek gehri saans li jaise apne pati ke pyar ko mehsus kar rahi ho…

“ 9th fab matlab chocolate day , jo chocolate maine tumhe bheji hai us par ek bite mark hoga aur maine janta hun tumhe pata chal gaya hoga ki wo bite ke nishan maine hi banaya hai , kosis yahi hai ki mere hotho ka sparsh aur mere dil ki mithas tum tak pohanch jaye” itna padhne ke baad lady ne wo chocolate uthai jo usne saamne kaanch ke table pe rakh di thi , pehle apne hoth us bite pe touch kiya aur fir wrapper khol ke ek chota sa tukda tod ke khaya , chocolate ki mithas mai kho si gayi wo lady jaise uski mithas use andar tak mehsus hui ho…

“ 10th Teddy day , hmmm ye wala to bohat special hai, jo ki main pehle hi de chuka hun tumhe , bilkul sahi samjhi tum lekin wo anmol gift actually mai tumne mujhe diya hai , humara pyara beta” aur is baar lady ne saamne tv ke bagal mai rakhi tasveer ko bohat pyar se dekha ,apne pati ke ansh ko dekh ke use aisa laga jaise ek pal ke liye uska pati hi uske saamne aa gaya ho…

“11th fab promise day , jab chhuttiyan khatam hue aur wapas yahan aana tha , tab tumne kaha tha ““Jaldi wapas aana”” to fir thik hai yahi mera promise hai mai jaldi wapas aaunga aur tumhe surprise dunga , wese to har baar mai tumse kehta hu ki agali baar tumhe surprise jarur dunga , lekin pata nahi kaise jab bhi main ghar wapas aata hu to tumhe pehle hi pata chal jata hai , kahin main door ke saamne camara to nahi lagva liya tumne ha ha ha , khair koi baat nahi is baar mai aise aaunga ki tumhe pata bhi nahi chalega aur tab dunga mai tumhe surprise , that’s the promise” apne pati ke promise ko padhne ke baad us lady ke chehre par ek rahasyamayi smile aa gayi , jaise kehna chahti ho ki aap kahin se bhi aao , aap mujhe surprise nahi de sakte…

“12th fab hug day yani jaadu ki jhappi ka din, ab yahan se tumne jhappi du ye to mumkin nahi lekin jab promise kiya hai ki jaldi wapas aaunga , to thik is baar aisi jaadu ki jhappi dunga ki hamesha wo jhappi yaad rahegi” itna padhne ke baad lady ne ek baar apni aankhe band ki aur chehra uper ki taraf kiya jaise soch rahi ho jald hi uske pati ki wo special jhappi mile…

“ 13th fab kiss day , kiss to mai is latter ke sath bhej raha hu , aur sath hi bhej raha hu apna bohat sara pyar bhi ,aur mai janta hu ki tumne use apne hotho se leke apne mann tak mere pyar ko mehsus kiya hoga” ek baar fir lady ne us kiss ke mark par apne hoth rakh rakh diye aur apne pati ke pyar ko mehsus karne lagi …

“ 14th fab valentine day , ye din hum dono ke liye bohat special hai , mujhe yaad hai jab mummy-papa ke sath mai tumhe us din dekhane aaya tha , mai ye nahi kahunga ki tum is duniya ki sabse khubsurat ladki ho lekin han us din mai tumhe dekhte hi kho gaya tha actually ye bolna galat hoga ki mai tumhe dekhe kho gaya tha , us mujhe aisa laga jaise aaj tumse milne ke baad mai pura hogya hun, 2014 14th fab humari zindagi ka sabse yaadgaar din, isi din sare riti rivajon ke sath hum ek dusre ke ho gaye the, aaj is latter ke dvara mai tumse kehna chahta hu ki , sukriya meri zindagi mai aane ke liye aur muhje pura karne ke liye ,

Latter pura padhne ke baad lady ne deewar pe lagi apni sadi ki tasveer ke bohat pyar se dekha jaise kehna chahati ho “ mai bhi apke aane se puri ho gayi hun, sukriya meri zindagi mai aane ke liye”

Door ek dum se open hua aur “ DIL SE EK TARANG HOTI HUI LADY KE PURE SARIR MAI FAIL GAYI AUR USKE RONYE KHADE HO GAYE”

“Aa gaye aap, lekin jab aap aa hi rahe the to ye latter likhna jaruri tha kya” lady ne bina piche dekhe hue apne chehre pe ek rahasyamayi smile laate hue kaha…

Aur tabhi saamne tv par ek reporter ki aawaz gunj uthi us ghar mai “ Breaking news , aaj takreeban 3:15 par ek jaish-e-mohmmed naam ke group ne kashmir mai base ek town pulwama mai hamla kiya hai , jisme humare kafi jawaan sahid ho gaye …

Jab lady ne piche mood ke door ki taraf dekha to door khula hua tha or wahan koi nahi tha, ek thandi si hawa uske badan se hoke gujri gayi , uski aankho se aasu bah nikale aur jubaan se bas itna hi nikal paya ..