IS PYAR KO MAIN,….KYA NAAM DU – Valentine Story Contest 2019

Dosto, Pyar…Love….Prem….Mohabbat kahne aur dekhne me to kitna chhota sa shabd hai kintu is chhote se ek shabd ne poori kaaynat ko apne andar samet rakha hai. Is sansar me rahne wala har koyi prem ke is parikalpaniya dhage se kisi chumbak ki bhanti bandha huwa hai. Phir chahe wo manav ho danav, devta ho ya shaitan, janwar ho ya ped poudhe. Dhayi akshar ke is shabd me aisi adbhut kshamta vyapt hai ki vo insan to kya bhagwan ko bhi apni us dor me bandhne ke liye vivash kar deta hai

Pyar shabd ki vyakhya karna to kisi ke bhi liye sambhav nahi hai. Insan to apna karma karke is jahan se chala jata hai lekin tab bhi uska prem yaha hamesha ke liye logo ke dilo me aur itihas ke panno me yaadgar ban kar amar ho jata hai. Prem shabd ki mahanta ka aaklan isi se lagaya ja sakta hai ki Heera Ranjha, Sohni Mahiwal, Romeo Juliet, Laila Majnu etc. jaise premiyo ka sharir to is jamin se mit gaya magar unka wo shashwat prem aaj bhi logo ke dilo me prerna ban kar amar hai

Srasti ka adhar hi prem hai, iske bina jeevan ki kalpana hi nahi ki ja sakti. Prem to har koyi karta hai, koyi sirf tan se to koyi mann se. pyar ke kayi roop hote hain, antar sirf bhavna ka hota hai. Prem kab, kaha, kisse aur kaise ho jaye ye koyi nahi janta…..kiski koun si khoobi dil me utar kar jagah bana le, ye koyi nahi bata sakta

Mai Ek aisi hi chhoti si Prem kahani ko aap sabke sammukh prastut kar raha hu, aap sab ke dilo me agar isne thodi si bhi jagah bana payi to mere liye yahi sabse badi uplabdhi hogi…..Yeh ek ardh satya ankho dekhi ghatna par adharit hai…Ardh satya maine isliye kaha kyon ki kahani me dikhayi gayi ghatna to poornatah satya hai kintu uske shabdo ke samavesh me meri apni kalpana hai

Varnit kahani me patro ke naam aur sthan me parivartan kiya gaya hai…halanki is True Love Story ko likhne me mujhe 1000 pages bhi kam pad jayenge phir bhi main koshish karunga jyada se jyada short me likhne ki………to pesh hai do premiyo ki ek ardh satya ghatna ki kahani

Garmi ka mousam tha……Madhya Pradesh ke Jabalpur railway plateform par yatriyo ki kafi bheed bhad aur chahal pahal thi…shadi byah ke is maousam me trains ki halat me yatriyo ki bheed bhad dekh kar hi india ki population ka andaza bakhubi lagaua ja sakta hai….., har trains khacha khach pack rahti hai…seat ki to baat hi chhod dijiye gate aur yaha tak ki toilet me bhi khade hone ko mil jaye to yahi bahut badi ganimat samajhiye

Ek 19-20 saal ki behad khubsurat ladki pith par bag tange aur ek hath me mobile pakde plateform me badi tezi se bhag rahi thi….plateform no. 1 se Darbhanga Mumbai Pawan Express apne gantavya sthan ke liye chhut chuki thi..shayad us ladki ko yahi train pakadni thi

Train abhi plateform cross nahi huyi thi….ladki ne bhagte bhagte antatah last dibbe tak pahuch hi gayi…..lekin vaha to paaydaan tak me khade hone ki gunjaeesh nahi thi….vaha bhi log latke huye the

Logo ne use mana kiya ki isme jagah nahi hai…. Lekin us ladki ne to jaise jid hi pakad li thi ki yahi train me chadhna hai…to usne sab ki bato ko ansuna karte huye ya phir hadbadahat me use kuch sunayi hi nahi diya, usne chalti gadi me jaldbazi dikhate huye ek hath gate me laga handle pakadne ke liye aage badhaya aur ek pair nichle paaydan par rakha

Lekin tabhi uska pair paaydan se fisal gaya aur us ladki ka paaydan me rakha hua pair niche ghus gaya….hath me pakda hua mobile bhi niche gir gaya…..vo plateform aur train ke beech me phans gayi aur ghisatne lagi…vo poori tarah se train ki chapet me aa pati ki gate par latke ek ladke ne apne dusre hath se us ladki ka baju tham liya

Lekin upar latke hone ki vajah se vo ladka bhi apni poori taqat nahi laga pa raha tha…to usne khud apni jaan ka jokhim lete huye apna pair sabse akhiri paaydan me ghused diya aur us ladki ko upar khichne laga

Vaha gate par khadi bheed me se kisi me bhi itni insaniyat nahi jagi ki kuch nahi to kam se kam chain pulling hi kar de….lekin tab tak guard ne dekh liya aur usne chain pulling kar di kintu speed me aayi train turant to nahi ruk jati

Us ladke ne ek hath se handle pakde huye us ladki ko thame rakha kintu use gadi ke niche nahi jane diya….uski jaangh plateform se ragad khati rahi lekin is asayniya dard ko jhelte huye bhi usne ladki ko barabar pakde rakha aur usko mout ke muh se bahar khich laya

Plateform paar hote hote train bhi ruk gayi…..RPF aur CRPF ke jawan turant vaha pahuch gaye aur dono ko utha kar niche baithaya….ladki ke kapde piche se phat gaye the aur vaha se khoon nikal raha tha

Jabki ladke ki jangh se poora maans hi gayab ho gaya tha vaha ki haddiya saf saf sabko dikhayi de rahi thi….us ladke ne ladki ki taraf dekha aur sirf itna hi kah paya

“Aap theek to hain na, aapko kahi chot to nahi lagi’’ itna kahne ke baad vo ladka achet hokar vahi ludhak gaya….ladki sirf roye ja rahi thi shayad dard ki vajah se…lekin adhik der tak vo ladki bhi hosh me nahi rah saki aur vo bhi nishchet ho gayi

Jaldi hi vaha ambulance pahuch gayi to unhe city hospital bhej diya gaya…..dono ke paas jaanch me mile adhar card se contact no. nikal kar unke ghar me contact kiya gaya

Ladke ka naam Gaurav Tripathi aur Ladki ka naam Arti Pandey tha…..dono ka ilaz shuru ho gaya tha….xray se malum chala ki ladki ke ek pair ki ghutne ki katori phoot gayi thi aur kuch anya chote bhi thi

Jabki ladke ki jangh me maans hi nahi bacha tha…sath me jis hath se usne handle pakad rakha tha vo kandhe se toot gaya tha kyon ki ladki ko train apne niche khich rahi thi jabki ladka use upar khich raha tha…jiske karan poora vajan uske us hath par pad raha tha…..sath me plateform ke kinare lage pattharo me gharsan lagatar tezi se hone ke karan kuch androoni chote bhi aayi thi

Teen char ghante me ladki ke gharwale hospital pahuch gaye to unhe ghatna ki jankari di gayi….agle din din arti ka operation karne ko kaha gaya, jabki Gaurav ki taraf se abhi tak koyi nahi aaya tha

Agle din Arti ka operation ho gaya ….Gaurav ka bhi ilaz chal raha tha kintu uski halat nazuk thi….shaam tak Gaurav ke mata pita bhi aa gaye…is beech arti ke gharvale Gaurav ke halat ki jankari beech beech me lete rahe

Gharvalo ke aane ke baad gaurav ka bhi operation ho gaya….uske hath aur pair me plaster chadha diya gaya tha….arti ke bhi pair me ghutne ki katori ko jod kar plaster laga diya gaya

Gaurav 21 saal ka ladka tha sharir se normal rang sanwla, smart to nahi tha lekin padhne me brilliant tha….jiske chalte usko scholorship milti thi kahne ko to uski family me sab koyi the…souteli maa, chhote bhai bahan, baap..kintu vo kahawat hai na ki agar apni maa khatam ho jaye to maa dusri to baap tisra ban jata hai

Aisa hi kuch gaurav ke sath bhi tha…sauteli maa ka ravaiya uske prati koyi khas achcha nahi tha…baap bhi bas biwi ka hi gulam ban kar rah gaya ghar ki arthik halat bhi bigdi huyi thi

Ek week tak dono us hospital me rahe…..dono ke ward alag the lekin phir bhi dono barabar ek dusre ke haalchal ke vishay me puchte rahte the apni family walo se….halanki ghatna ke baad se dono ki amne samne abhi tak mulaqat nahi ho saki thi

(Aage ki kahani Gaurav ki jubani)

Is ghatna ke panchve din main arti se mila…wheel chair ke sahare apne dost Raj ke sath main uske ward tak pahuch hi gaya….main jyadatar ekant priya vyaktitva ka admi hu……jyada kya bilkul bhi smart nahi hu aur garibi upar se..rang bhi sanwla ya chahe to kala hi kah lijiye… meri raj ke alawa kisi se nahi banti kabhi na bahar na ghar me

Ladayi jhagde me bhi sabse piche hi rahta hu…agar koyi panga ho jaye mere sath to raj hi aage badh kar suljhata hai…khair main arti ke paas tak pahuch hi gaya….mujhe dekh kar vo uthne lagi jo apni mummy se bate kar rahi thi

“nahi..aap leti rahiye…..main to bas aise hi haal chal pata karne idhar aa gaya” maine arti se kaha

‘’Main apka ehsaan kabhi nahi utar sakti….aapne mujhe ek naya jeevan diya’’ Arti ne uske pratiuttar me shalinata se kaha

‘’Jeevan lena aur dena to upar wale ke hath me hai…..hum sab to us upar wale madari ke hath ki kathputliya hain’’ Gaurav ne kaha

‘’mujhe apna contact number dijiye na’’ arti ne kaha

‘’ji ye lijiye’’ maine mobile me apna number khol kar arti ki taraf badha diya

‘’kewal apna number bhar hi dena, lena nahi’’ Tabhi vaha raj ne aate huye kaha

‘’Ye mera dost raj hai’’ maine arti ko raj ka parichay dete huye kaha

‘’Madam vaise agar aap bura na mane to apna number share kar sakti hain’’ raj ne apni tang phir se adate huye kaha

‘’ji, jarur….main miss call kar deti hu apke mobile par,save kar lijiyega’’ arti ne miss call dete huye jawab diya

‘’aap kya karti hain….aur itna tez apko bhagne ki kya jarurat thi, dusri train bhi to mil sakti thi’’ maine arti se pucha

‘’actually us din mera railway ka exams. Tha aur centre narsinghpur mila tha, exam chalu hone me sirf 1.30 ghante hi bache the…agar dusri train ka wait karti to mera exam miss ho jata….aur vaise bhi iske baad agli train do ghante baad ki thi…isliye majburi thi’’ arti ne meri baat ke jawab me bataya

‘’Jaan hai to jahan hai, aise jokhim lena achchi baat nahi hai’’ maine apni nasihat dete huye kaha

‘’aap kuch bataiye apne bare me’’ arti ne sawal kiya

‘’Janab Itarsi ke rahne wale hain, Yaha padhte hain aur part time job bhi karte hain….ghar me ek kaikayi maa hai aur unke naagphani jaise do pyare pyare bachche hain aur ek chalti phirti daru ki dukan jaisa baap hai…..Janab padhne me brilliant hain isliye govt se do lakh ki salana scholorship milti hai jise inki pujyaniya souteli mata ji hadap kar jati hain isliye aage padhne ke liye tution bhi padhana padta hai’’ Raj ne mere bare me arti ko bataya

‘’Raj ye kya pagalpan hai…. ?’’ maine raj ki taraf ghur kar dekhte huye kaha

‘’I’m very sorry,….shayad meri bato se apko taklif huyi’’ arti ne kaha

‘’aisi koi baat nahi hai…..ye jhuth bol raha hai….aap kuch mat sochiye’’ maine safayi deni chahi

‘’Mera dost bahut achcha shayar bhi hai’’ raj ne phir se apni juban khol di

‘’wow,…..sach me’’ arti ne khush hote huye kaha

‘’aap iski kisi bhi baat ka yakin mat karna, ye phenkology ka bahut bada professor hai’’ maine phir se apna bachav kiya

‘’To tujhe kyo mirchi lag rahi hai, arti ji ko lapetne de na’’ Raj ne haste huye kaha

Agle do dino tak hum ek dusre se milte rahe….hum ghanto ek sath apna waqt bitane lage….sarkar ki taraf se dono ko 50-50 hazar ka muwavja diya gaya, ……..lekin in do dino ne mera sab kuch loot kar mujhe kangal kar diya….mera mann baar baar uski taraf hi khicha chala ja raha tha

Jab uske paas hota to aisa lagta ki ye waqt yahi tham jaye….ghadi me samay batane wali suyiya yahi ruk jaye…..uske sath waqt bitana mujhe bahut achcha lagne laga tha….uski mushkurahat mere dil me ghar kar gayi thi

Do din baad hospital se discharge mil gaya….jane se pahle vo ek bar phir mujhse milne aayi…..phone karne ka bol apne parents ke sath chali gayi…..jaise jaise arti mujhse door ja rahi thi, vaise vaise mere dil me ek ajib si bechaini uthne lagi, kuch samajh me nahi aa raha tha ki aisa kyo ho raha hai….pahle to aisa kabhi mere sath nahi hua tha

Aisa mahsus ho raha tha jaise koyi meri ruh mere sharir se khich kar liye ja raha hai aur main bebas hokar sirf dekhe ja raha hu…..main arti ko awaz laga kar jane se rokna chahta tha tha kintu mere hoth mera sath nahi de rahe the

‘’Mujhe Arti ke jane se sine me itna dard kyo ho raha hai, kyo main usko jane se rokna chahta hu…..?….kya yahi pyar hai…..?…kya arti ko bhi aisa hi kuch mahsus hota hoga…..? main bhi na kitna pagal hu, agar ye pyar bhi hai to iska koi matlab nahi….mujh jaise bhikhari aur koyle jaisi shakal wale ko arti kya koyi bhi ladki pasand nahi karegi….?….mujhe use bhulna hi hoga…..par kaise bhul paunga usko..ya shayad kabhi nahi bhul sakta..’’ main apne mann me hi ye sab sochta rah gaya

‘’ab yahi rah kar ande dene ka irada hai kya….?, teri maa to marr gayi aur tujhe meri kismat phodne ko chhod gayi….achcha hota tu bhi apni maa ke sath hi mar jata ……aur sun vo paise wala cheque idhar de mujhe‘’ meri souteli maa ne apne vyangya baan chhodne chalu kar diye yaha bhi

‘’par vo paise to mere ilaz ke liye mile hain, scholorship ke paise to pahle hi aap log khatam kar chuke ho, agar main ye bhi de dunga to ilaz kisme karaunga ‘’ maine jawab diya

‘’main khud kha gayi kya tere paise…..din me dus bar pet me jo khana thoonsta hai vo kya teri maa ke paise se aata hai…chal de cheque chup chap ‘’ maa ne phir se dabav diya

‘’main nahi dunga ‘’ maine saf mana kar diya

‘’kya ho gaya, abhi tak yahi ho ‘’ papa ne aate hi sawal daag diya

‘’dekho to gaurav paise vala cheque nahi de raha hai….jaise main kha jaungi iske paise..’’ maa ne kaha

‘’Cheque nahi dega to paise kaha se ayenge…tujhe ghar tak le jane ke liye jo gadi book ki hai use bhi to paise dena hai, …uska karza kaha se dunga …chal de cheque aur ATM card jaldi se…mujhe bank bhi to jana padega phir ‘’ papa ne kaha

‘’ ye lo’’ maine akhir cheque aur ATM pin no. Sahit de diya

‘’suno main bhi chalti hu sath me, ‘’ maa ne papa se kaha

Uske baad dono bank chale gaye….tab tak raj bhi vaha aa gaya……unke loutne ke baad hum ghar aa gaye….yaha aane ke baad bhi main arti ko bhula nahi pa raha tha….aaj main apne apko bahut tanha mahsus kar raha tha

Rah rah kar mujhe arti ka vahi chehra, uski hasi yaad aa rahi thi….khana khane ki ichcha tak nahi ho rahi thi….mann me bas ek hi khyal aa raha tha ki kash mujhe ek bar arti ki ek jhalak kahi se dekhne ko mil jaye

Uske baad to jaise meri duniya hi badal gayi thi…..main apne kamre me hi leta rahta…chalne phirne layak to tha hi nahi….bhukh pyas sab khatam ho chuki thi…kisi se baat karne ka dil nahi hota tha

Raj ne mujhse kayi baar vajah puchi lekin maine use bhi kuch nahi bataya…..har gujarte din ke sath meri dil me arti se milne aur baat karne ki bekarari badhti hi ja rahi thi

Na to main ek jagah baith pa raha tha aur na hi chain se so hi pa raha tha….mujhe hospital se aane ke baad bahut ummid thi , ummid kya balki vishwash tha ki arti jarur call karegi lekin aaj usse bichhde huye poora ek week ho gaya tha lekin uska koyi call nahi aaya

Mera dil is kadar toot chuka tha ki main ab jab bhi akela hota to ladkiyo ke jaise rone lagta…..kisi se kuch bata bhi nahi sakta tha ki mere dil ke andar kya toofan chal raha hai….. ?

Meri bekarari jab had se jyada badh gayi to maine darte darte arti ke no. par ‘I Love You, Arti’ likh kar massage kar diya aur turant apne mobile ko switched off kar diya

Ek taraf darr bhi lag raha tha ki pata nahi arti ne dekha hoga mera massage ki nahi aur agar dekh liya hoga to kya soch rahi hogi mere bare me…? Lekin dusri taraf mere massage ka kya hua…koi reply aaya ki nahi, ye janne ki talab bhi badhti ja rahi thi

Akhir maine darte huye mobile on kiya to thodi hi der me uske massage aane ki beep tone baji….maine dhadakte dil ke sath massage open kiya jo arti ke no. se hi aaya tha

Massage khol ke dekha to usme bahut gandi gandi galiya likhi huyi thi….maine turant massage delete kar ke mobile phir se band kar liya….dusre din mobile ko on kiya to uske karib ek ghante baad arti ke no. se call aane laga

Meri halat bahut kharab ho gayi thi….main arti se baat bhi karna chahta tha lekin ye darr bhi tha ki kya pata koun call kar raha hai…? Kahi arti ne kisi ko vo massage dikha to nahi diya…. ?

Lekin is darr me jeet dil ki huyi aur maine darte huye hi sahi call utha liya…samne se vahi awaz sunayi di jise sunne ke liye main pagal sa ho gaya tha, mere kaan turant arti ki awaz ko pahchan gaye

‘’hello..Gaurav ‘’ arti ne apni surili awaz me kaha

‘’ Ji, main Gaurav hi bol raha hu..’’ maine darte huye uski baat ka jawab diya

‘’Thanks God, aapne call to uthaya….pata hai main kal se kitna pareshan ho gayi thi’’ usne baat aage badhayi

‘’wo, mobile me battery discharge ho gayi thi, to band ho gaya tha..maine dhyan hi nahi diya’’ maine jhuth bolna hi behtar samjha

‘’Aur ye kya massage send kiya tha aapne kal…?’’ arti ne akhir vahi baat chhed hi di

‘’vo….vo…galti se apke no. Par chala gaya tha, I’m sorry, arti ji’’ maine dil me rote huye jawab diya

‘’massage bhejne ke baad mobile kyo band kar liya tha…? ‘’ arti ne pucha

‘’bataya to battery khatam ho gayi thi…again sorry for that’’ maine apni safayi deni chahi

‘’Pata hai, jab apka massage aaya tab bhaiya mere mobile me gaane sun rahe the…unhone vo massage dekh liya’’ arti ne bataya

‘’ha, uske baad kisi ka massage aaya tha, apke no. se’’ maine reply diya

‘’bhaiya ne kuch kaha to nahi…..?’’ arti ne phir pucha

‘’kahna kya tha…..massage me meri tarif me galiya likhi thi…mujhe laga aapne likhi hain’’ maine jawab diya

‘’aapne ye kaise soch liya ki main aisa likhungi….? Jisne meri jaan bachayi bhala usko main gali kaise de sakti hu… ?’’ arti ne kaha

‘’mujhe laga shayad aap bura maan gayi hongi’’ maine jawab diya

‘’maine to massage hi nahi dekha tha, baad me dekha maine….main tabhi se kal se pareshan hokar apko call par call kiye ja rahi thi lekin apka to no. hi band tha, bahut tension ho gayi thi mujhe’’ arti ne apni baat kahi

‘’actual me main darr gaya tha ki aapne shayad ghar me kisi ko bata diya hoga, isliye mobile switched off kar liya tha’’ maine use sach bata diya

‘’maine kisi ko nahi bataya, aap ki kasam….aapne aisa massage kyo bheja….?’’ Arti ne phir se vahi pucha

‘’khud ko rok nahi paya…bahut samjhaya dil ko, lekin samjha nahi saka, sorry…dubara kabhi apko pareshan nahi karunga’’ itna kahte huye mere anshu chhalak aaye

‘’aap ro rahe hain….. ?’’ arti ne meri siski shayad sun li

‘’ nahi…ab dubara galti nahi hogi…sorry’’ main aur jyada der tak baat nahi kar paya aur call cut kar diya

Call cut karne ke baad maine pillow me muh chhupa kar rone laga….pata nahi mujhe kya ho gaya tha…jo main arti ko bhul hi nahi pa raha tha … mera mobile phir bajne laga…maine call cut kar di….call aata raha main cut karta raha..din bhar yahi silsila chala

Mujhe ab apni jindagi bahut bada bojh lagne lagi thi….arti se baat karne ki ab himmat hi nahi ho rahi thi mujhme…jab rote rote pet bhar gaya tab phir se uski awaz sunne ki tadap jaag uthi

‘’Ab is baar jab arti ka call ayega to jarur baat karuna….hey bhagwan arti ke dil me mere liye pyar jaga de….mujhe meri jindagi de de bhagwan .. mujhe arti de de…..uska phone kyon nahi aa raha….lagta hai ab nahi karegi call… ? ek bar bas ek bar aur call kar do arti pls’’ maine dil hi dil me tadapte huye kaha….ek bar phir se ghor nirasha ke karan meri ankhe bhar aayi

Lekin shayad bhagwan ne meri sun li…..thodi der baad hi arti ka call aane laga….maine mobile ko aise jhapat kar uthaya jaise chuhe ko dekhte hi billi us par jhapatta marti hai

‘’call kyo nahi utha rahe the mera…. ?’’ arti ne shikayat karte huye boli

‘’kya karta baat karke… ?’’ maine kaha

‘’baat nahi karni hai mujhse’’ arti ne phir sawal thonk diya

‘’main to kab se apki awaz sunne ko taras raha tha…lekin darta tha kahi aap naraz na ho jaye’’ maine jawab diya

‘’main naraz nahi hu….naraz hoti to apko call karti kya main…. ?’’ arti ne kaha

‘’to phir hospital se jane ke baad ek bar bhi call kyo nahi kiya…?’’ ab ki dafa maine bhi sawal puch hi liya jo mujhe pareshan kiye huye tha

‘’hospital se aane ke baad se koyi na koyi mere paas baitha hi rahta tha, isliye nahi kar payi thi….ab mere paas koyi nahi hai to kar rahi hu’’ arti ne mere sawal ka jawab diya

‘’aur koyi hai kya apke paas me….?’’ Mujhe kisi ladki ki dhire dhire bolne ki awaz sunayi di to maine puch liya

‘’haan…hai na…meri friend hai…bagal me hi rahti hai, Jyoti…..lijiye aapse kuch kahna chahti hai, baat kariye’’ arti ne jawab diya

‘’hello, Gaurav ji..kaise hain…? Kaisi tabiyat hai ab apki….?’’ Jyoti ne pucha

‘’Ji, pahle se behtar hai…ab shayad dhire dhire theek ho jaye’’ maine uski baat ka jawab diya

‘’aapne arti ko aisa massage kyo bheja tha…?’’ Jyoti ne bhi vahi sawal pucha

‘’Bas dil ne jo kaha maine vahi kiya…agar apki saheli ko bura laga ho to main mafi chahta hu…phir kabhi aisa nahi karunga’’ main phir se nirash hote huye jawab diya

‘’Arey nahi…nahi….arti to bahut khush hai….jab se hospital se aayi hai..apki tarif kar kar ke mere kaan pakati rahti hai….’’ Jyoti ne haste huye kaha

‘’Kyo mera mazak udati hain jyoti ji’’ maine jawab diya

‘’main sach kah rahi hu…..aap jabalpur kab aa rahe hain….hum apse milne ayenge’’ Jyoti ne kaha

‘’Ji jaldi hi aunga’’ maine uska jawab diya

‘’Lijiye arti se baat kijiye’’ Jyoti ne shayad arti ko phone thama diya

‘’Ye pagal hai….lekin meri sabse best friend hai…hum dono ek dusre se har baat share kar leti hain’’ Arti ne kaha

‘’Aapne mere massage ka koyi jawab nahi diya’’ maine sidhe sidhe puch hi liya

‘’Kya jawab du…..malum nahi…iska jawab waqt par chhod dete hain….main abhi kuch bhi nahi kah sakti..kyon ki mujhe iska jawab pata hi nahi hai abhi’’ arti ne mere sawal ke uttar me kaha

‘’baat to karogi na…. ? kahi vo to band nahi kar dogi…. ?’’ maine pucha

‘’Aap call mat karna…main khud karungi apko call…kyon ki ghar me sab mere hi paas dera jamaye rahte hain…akeli hote hi main roj call karungi apko’’ arti ne jawab diya

‘’theek hai…mujhe aoke call ka intazar rahega hamesha’’ maine kaha

‘’Aapne jo massage kiya tha kya vo sach hai…..?’’ arti ne pucha

‘’Ye sach hai ya jhuth …ye to mera dil hi janta hai…ki apse alag hone ke baad maine ye din kaise gujare hain’’ maine arti ko sab kuch bata diya jo hospital se aane ke baad maine mahsus kiya tha..sab kuch bina kuch chhupaye

‘’kya sach me aap mujhe itna chahte hain….. ?’’ arti ne pucha

‘’ab main kaise dikhau ki kitna chahta hu….mere liye aap aasmaan ka vo chaand ho jo main chah kar bhi nahi pa sakta’’ maine kaha

‘’Kyo nahi pa sakte….ho sakta hai ki ye chaand apke liye hi bana ho’’ arti ne jawab diya

‘’kash ki aisa ho jaye….to main khud ko sansar ka sabse khush nasib insan samjhunga’’ maine kaha

‘’achcha suniye, jab bhi jabalpur aana mujhe milna jarur…abhi rakhti hu..mummy aa rahi hai…baad me call karungi…bye’’ arti ne kaha

‘’bye…I Love you, arti’’ maine apne pyar ka izhar karte huye kaha

Aise hi din nikalte rahe …meri aur arti ki baat daily hoti rahi….pahle thodi der baate hoti thi…lekin baad me din din bhar hamari baat hone lagi… vo mere khane pine har cheez ke bare me puchti aur batati…..daily kam se kam 8 se 10 ghante hamari bate hoti….raat me sab ke so jane ke baad bhi vo aadhi aadhi raat me call karne lagti aur phir baat karte karte subah ho jati

Akhir ek din arti ne bhi apne pyar ka izhar kar hi diya….main us din bahut khush hua….aisa laga jaise maine Indra ko harakar devlok jeet liya ho… halanki ghar me meri souteli maa raat din mujhe taane marte rahti….papa bhi aake galiya sunate….lekin ab mujhe koyi parwah nahi thi..aise hi ek din arti ka call aaya

‘’kya kar rahe the…itna time lagta hai call uthane me…?’’ usne shikayat bhare lahje me kaha

‘’kuch nahi..bas tumhara intazar, aur kya…..aur tum…?’’ maine jawab diya

‘’main yaha Jyoti ke ghar aayi hu….vo chhat me baith kar naha rahi hai…..bahut hi besharam ladki hai’’ arti ne kaha

‘’kyon…kya kiya usne….?’’ Maine pucha

‘’ab kya batau….apne bade bade khol ke mujhe dikha rahi hai….nahate huye’’ arti ne kaha

‘’kya bade bade dikha rahi hai…?’’ maine phir pucha

‘’apni badi badi chhati khol ke dikha rahi hai….buddhu kahi ke’’ arti ne kaha

Aise hi meri aur arti me ab har kisma ki bate hone lagi thi….main ab arti aur Jyoti se har ashlil baat bhi kar leta tha…..usne apni bahut si saheliyo se meri baat karayi phone par….apni chhoti mami se bhi karayi…lekin kuch din baad uska call do din bilkul nahi aaya…main bahut bechain ho gaya….maine mummy se paise mange to unhone khari khoti suna di…maine bhi unse bahas kar li…natiza papa ne mujhe ghar se nikal jane ko kaha

Maine ab tak apne aur arti ke bare me raj ko sab kuch bata diya tha….usne bhi kayi bar arti se baat ki thi….maine use sab bata diya. Aur uske sath jabalpur aa gaya….maine arti ko bahut bar call kiya lekin no. band ja raha tha

Main bahut adhik bechain ho gaya tha….akhir maine Jyoti ko call laga kar pucha to usne bataya ki uski tabiyat jyada kharab ho gayi hai… uske ghutne ki katori me taklif ho gayi hai….jiske karan vo hospital me admit hai

Main raj ke sath jyoti ke bataye address wali hospital me pahuch gaya…uske paas jate hi main use dekhta hi rah gaya…mujhe dekhte hi uske chehre par mushkurahat aa gayi

‘’Arey Gaurav beta tum….yaha…?, kaisi hai ab tumhari tabiyat…?’’ Arti ki mummy ne mujhe dekh kar kaha

‘’Theek hai aunty….ye arti ko kya hua…abhi theek nahi huyi kya ye….?’’ Maine pucha

‘’kaha beta…iska ghutna abhi bhi vaisa hi hai…..har hafte to isko hospital lana padta hai…kabhi kabhi to behosh hokar gir jati hai…’’ uski mummy ne bataya

Main uski mummy ki baat sun kar arti ko ghur kar dekhne laga…..aaj tak isne mujhe ye baat batayi kyo nahi….akele dard sahti rahi…uske dard ko mahsus karte hi mere sine me dard hone laga…ek tees si uthne lagi hriday me

‘’doctor ne kya kaha hai….?’’ Maine uski mummy se pucha

‘’doctor ka kahna hai ki agar koyi apne ghutne ki katori donate kar de to hi kuch ho sakta hai’’ arti ki mummy ne ruwansi hokar bataya

‘’bhagwan par bharosa rakhiye….sab theek ho jayega’’ maine jawab diya

Main vaha se sidha doctor ke paas gaya aur unse request ki arti ko meri ghutne ki katori transplant kar de….lekin Raj ne ye baat sun li aur vo bhadak gaya…lekin maine use samjha diya

Maine apne ghutne ki katori arti ko transplant kar di….raj ne use sab bata diya ….jaise hi hamari mulaqat akele me huyi .. dekhte hi maine apni bahe phaila di….uske gale se lagte hi maine kaha