Sahil bahut katra raha tha Meeru ke samne jane se … halaat hi uske liye kuchh aise ban gaye the ki usse aankh bhi nahi mila paa raha tha par ek achhe bete ki tarah apni maa ka aur bhi dhyaan rakh raha tha aur ek achhe insan ki tarah Viraat se muskura kar milta tha … kisi ko jara bhi bhan na hone diya usne ki ateet ke uss sach se wo roobroo hai jisne kisi ko buri tarah tabaah kiya hua hai …
Nikhil ki haalat me teji se sudhar hona shuru ho chuka tha par use abb bhi kafi takleef ho rahi thi … Apni iss ashaay sthiti ke dauran Nikhil ne ek baat notice ki jab bhi wo aankh kholta Meeru ko apne paas pata … kabhi wo Nikhil ka koi kaam kar rahi hoti to kabhi uske baju me sir tikaye stool par baithi oongh hoti thi jabki gharwale abb tak najar nahi aaye the …
doston ye bahut purani kahawat hai ki apne aur paraye ki pahchan kewal musibat ke samay hoti hai … yun to Nikhil aur Meeru ka sath vivah ke gaanth ke bandhte hi saat janam ka ho gaya tha par akal ke andhe Nikhil ko bhi ye ahsaas hone laga tha ki Meeru ko iss janam ke sath me to usne bahut tadpa diya hai … use pal bhar me hi apni sari galtiyan yaad aa gayi i kaise usne Meeru ka anadar kiya tha … kabhi maa ki wajah se to kabhi apne aham ki wajah se jabki Meeru ek shamosh , goongi gudiya si sab sahti rahi … aankhon se aanshuon ke khatm ho gaya aur dil me dard se chhale pad gaye par wo apne kartawya se peechhe nahi hati … aurat ke Baare me sach hi kaha gaya hai …
Karyeshu dasi,
Karaneshu manthri;
Bhojeshu mata,
Shayaneshu rambha;
Kshamayeshu dharithri,
Roopeshu lakshmi;
Satkarma yukta,
Kuladharma pathni.
khair abb jo bhi hua use ye baat to Meeru hi bata sakti thi ki uske gunaaho ki maafi hai ya nahi… isi soch ke sath Nikhil ne haath badha kar Meeru ke sir par rakh diya … Meeru to iss sab se bekhabar so rahi thi par Nikhil ko uske pyaar ki ushma apne haathon me aaj bahut sukoon de rahi thi …
Wakt to wakt hai kiske liye rukta hai… Nikhil ko admit huye 4 Din chutkiyon me beet chuke the … abb uski haalat me itna sudhar ho gaya tha ki icu se room me shift kar diya gaya tha … par ye Nikhil 4 din pahle wale Nikhil se bilkul alag tha … aisa maloom pad raha tha jaise kisi ne atma hi badal di ho … uske har lamhe ko abb Meeru ke sath ki talab lagne lagi thi … yahan tak ki apne gharwalon ko bhi Nikhil ne Najar andaaj kar diya tha … kuchh bhi chahiye to bas Meeru ka naam jabaan par aata tha … Meeru shayad uske iss parivartan se abb tak anjaan thi isiliye to palke jhukaye rahti hamesha …
Nikhil use baar baar bulata … kabhi kahta sir dukh raha hai thodi malish kar do kabhi kahta ki ghabrahat ho rahi paas baithi … Nikhil ki dekh rekh karne wali nurse ne to muskura kar kah bhi diya ” sir to madam ke bina saas bhi nahi le pate hain … ” par uski iss baat ne Meeru ke chehre par siva dard ke kuchh naa diya … ek baar phir Meeru ko asafal jindgi ke nasoor ban chuke lamhon ke ghaaw salne lage the … usne baahar chale jana hi uchit samjha kyu ki apni nam palkon ka saksatkar wo Nikhil ki aankhon se nahi karwana chahti thi… Meeru ka aise chale jana Nikhil ko bhi tees de gaya kyu ki wo janta tha ki galati to usne ki hai…
Udhar Meera( j ) ki bechani ne abb hadd paar kar di thi … pichhle 7 dino se usne Sahil ko nahi dekha tha aur yun lag raha tha ki bina dekhe sadiyan gujar gayi thi … kabhi basket ball court pe to kabhi Sahi ki class me bechain atma si bhatkti bas yahi dua karti ki Sahil aa jaye … Monty ne jab se use bura bhala kaha tha tab se usse bhi dari dari rahti thi… Meera ki ye haalat Monty ne padh li … pahle to usne ignore kiya par jab usse nahi dekha gaya to Meera ke paas jaa pahuncha …
Monty — hey miss noodle hair kaisi ho ? Kuchh pareshan lag rahi ho ?
Monty ne baat ki shuruaat maskhri se karni chahi jisse dono ke beech ka mahaul halka rahe …
Meera — na…nahi aisi koi baat nahi hai …
Meera abb bhi apni beijjati bhooli nahi thi…
Monty — uss din ke liye sorry yaar … mujhe gussa aa gayi thi Tum par … tumhari wajah se Sahil ko itni serious injury hui to mujhe raha nahi gaya aur jo bhi mere muhh me aaya mai bol gaya…
Monty wakai afsos me tha…
Meera — i am sorry mera irada aisa bilkul nahi tha jaisa ho gaya … kya wo abb bhi theek nahi huye hai ? Pichhle 7 din se aa nahi rahe clg … bahut chot aa gayi hai
Meera ka gala bhar aaya poonchhte huye…
Monty — are tumko nahi pata kya Sahil ke papa ke sath kya hua…
Monty ye sab Meera ko batane wala nahi tha par uski rothu halat dekh kar sab bata gaya … bas Viraar ka naam nahi samil tha …
Meera — omg mujhe kuchh bhi nahi pata iss bare me … abb kaise hain uncle…
Monty — yaar time lagega … udhar hi jaa raha hoon chalna ho to chalo sath.…
Meera ko to man maangi murad mil gayi jaise … apni bag ko kisi doll ki tarah apni baahon me thame wo Monty ke sath hospital ja pahunchi… jab Sahil ne use dekha to ek bargi wo apni aankhon par bharosa hi nahi kar paya… par jab Meera apni dimple wali close up smile ke sath samne aakar khadi ho gayi to Sahi chaunk kar bola…
Sahil — t … tum yahan… yahan kya kar rahi ho tum ?
Meera — daro mat mai apko marne nahi balki apne sorry bolne aayi hoon …
Sahil — tum Gone case ho kya ? Clg me bol deti iske liye yahan aane ki kya jarurat thi …
Meera — abb uncle kaise hain…
Sahil — ohh papa … hashhhh haan pahle se theek hain par poori tarh nahi … abhi time lagega… kiske sath aayi ho ?
Meera — Monty ke sath par wo pata nahi kahan kho gaya
Sahil — dont worry mai use call karta hoon…
Sahil abhi call kar hi raha tha ki Meera ki najar Viraat par chali gayi jo usi taraf aa raha tha … Meera ki to darr ke maare haalat kharab ho gayi… usne Sahil ki baah pakdi aur use kheenchti huyi samne ke hi room me le gayi aur table ke neeche chhip gayi … Sahil ko bhi kheench li… Sahil sakpakaya uske baaju me baith gaya …
Leave a Reply
You must be logged in to post a comment.