Kya Se Kya Ho Gaya – Update 2

“Kya hua bhai?… jab se idhar aaya hai aise hi chup chap sa baitha hai.” Vinod ne Aarav ko khyalon mein khoya dekh puchha.

Aarav: kuch nahi yaar… aise hi ek baat samajh mein nahi a rahi.

Vinod: kya hua…mere ko bata kya pata koi help kar sakun teri.

Aarav: yaar di aaj mere se gussa ho gayi.

Vinod(hanste huye): abe to ismein kya badi baat hai woh toh hamesha gussa hi rehti hai tere se.

Aarav: yaar main Divya ki baat nahi kar raha… Simmi di.

Vinod: kion bhai aisa kaise ho gaya. Simmi di gussa aur woh bhi tere se?

Aarav: pata nahi yaar… dopehar se main v bas yahi soch raha hun. Maine kabhi didi ko kisi ke sath gussa hote nahi dekha aur mere se gussa toh baat hi dur ki hai.

Vinod: achha… pehle bata ki akhir baat kya huyi.

Aarav ne vinod ko apne majak ki puri baat bata di.

Vinod: bhai ise sunne ke baad to aur jyada confuse ho gaya hun. Ismein toh gussa hone ki koi baat hi nahi hai. Shayad se di tere sath mazak kar rahi hongi.

Aarav: han yaar mere ko yahi laga tha toh isiliye maine unhein manane ki bhi koshish Ki par wo ulta aur jyada gussa hokar apne kamre mein bhaag gayi. Uske baad woh neeche ayi hi nahi.

Vinod: acha?… mere bhi kuch samajh mein nahi a raha. Par shayad se baat kuch aur ho.

Aarav: kya pata… soch raha hun abhi ghar jake unse ek baar fir baat karne ki try karun. May be kuch pata chale.

Vinod: han par pehle coffee toh peele.

Vinod ne ek coffee ka cup Aarav ki taraf badhate huye kaha aur ek khud peene laga. Tabhi Aarav ka dhyan coffee ke cup par likhe naam par gaya. DIVANSH.

Aarav: bhosdike… yeh kiski coffee utha laya.

Vinod: abe peele… hamari hi hai.

Aarav: toh yeh Divansh kon hai?

Vinod: abe woh dekh… kitni sundar ladki order le rahi hai. Ab usne cup par likhne ko naam puchha toh Vinod thode na bolta.

Aarav: sale tu v ajeeb namuna hai.

Fir dono wahin baithe bakchodi pelte rahe aur ladkian taadte rahe. Bhale hi starbucks ki coffee kitni v mehangi ho par idhar aakar mast ladkian taadne ka jo awsar in logon ko milta tha uske liye toh yeh dono apna ghar baar sab luta dete.

Aarav: bhai kya mast haryali hai aj toh idhar.

Vinod: kya fayada bhai… hamare dil toh abhi bhi banjar hi hain.

Vinod ne apne dil par hath rakhte huye kaha.

Aarav: kya yaar jab dekho tu yahi baat ko lekar baitha rehta hai. Bhai kuch aur bhi soch liya kar.

Vinod: aur sale kya hi sochun. Padhai mein hum thehre ek dum nikkame, koi talent hum mein hai nahi. Ab zindagi se bas ek hi umeed hai ki koi kanya mil jaye toh hum chain se jee sakein. Warna zindagi ke sab armaanon ki chita saja kar baithe hain. Bas aag lagana baki hai. Soch raha hun sanyasi ban jaun bhenchod.

Aarav ne Vinod ke kandhe par hath rakh kar kaha : “bhai tere halaat mujhe theek nahi lag rahe. Sale itna v kya nakaratmak sochna. Abhi hamari umar hi kya hai.”

Vinod: bhai tera phir bhi theek hai. Ghar ke do do businesses hain. Kisi ek ke galle par baith jayega par bhai hamara toh baap bhi thehra sarkari naukar. 60 saal ka hote hi government gaand pe laat maar bhaga degi upar se pension pata nahi bsdk dete hain yah nahi. Agar mere yahi halaat rahe toh kahin majduri karni padegi.

Aarav: bhosdike… agar itni hi fikar hai toh yeh starbucks pe kion gaand marwata hai ake.

Vinod: bhai yeh toh investment hai. Dekh idhar ati hain bade bade ghar ki kanyaein. Agar kabhi kisi ke sath setting ho gayi toh apna sara kharcha sood samet wapis ho jayega.

Aarav: acha toh…

Tabhi Aarav ke phone ki ghanti baji aur usne apna phone jeb se nikal kar dekha toh Simran ka msg tha. “Avi… mujhe tumse kuch baat karni hai. Abhi ghar a sakta hai kya?”

Aarav (text pe): han di. Aya bas das minute.

Aarav(Vinod se): chal bhai… main nikalta hun. Didi ko kuch kaam hai.

Vinod(khus hote huye): are wah… lagta hai teri problem sulat gayi khud hi… chal main v chalta hun ghar ab.

Aarav: meri coffee ke paise le lio mere se baad mein yaad karke. Faltu mein sunayega nahi toh..

Vinod: chal be bsdk. Jyada dhani raam banne ki jarurat nahi hai. Itne bhi bure din nahi aye mere.

Woh dono udhar se apne apne raaste nikal gaye.

Aarav jaise hi ghar pahuncha toh uske mom dad wapis aa chuke the aur woh dono hall mein Divya aur Kiara ke sath baithe TV dekh rahe the. Aarav jaise hi ander aya toh uske papa ki nazar us par padi.

Vikram: aa gaye sahebzade… awaragardi karke.

Aarav: kya yaar papa… ap ate hi lag jao daant ne mujhe… yaar mumma bolo na kuch inhe.

Itna bolte huye Aarav jakar apni maa ki god mein baith gaya aur apne hath unke gale mein daal liye. Uski maa ne uske mathe par hath fera aur hug kar liya.

“Han doodh v pila de ab ise… thak gaye honge lafandar giri karke.” Vikram ne TV ke channel badlte huye kaha.

Shivani: ap kuch lihaz karo bolne se pehle… bachon ke samne aisi batein shobha deti hain kya apko.

Vikram: shobha toh yeh harkatein bhi nahi deti is umar mein. (Aarav ki taraf dekhte huye) iski tangein tod dega boj se… ghoda ho gaya hai par akal ek duani ki nahi hai ismein. Pata ni kis mahaan ghadi srujna huyi hai in mahanuvav ki.

Divya(khus hote hue): lagta hai papa aj form mein hain.

Shivani(Divya ko ghoor kar): chup kar tu shakuni mama… sara din baap beti mere bache ke peeche pade rehte ho. Aur aap (Vikram) toh kuch boliye hi mat. Apke lakshan batane baithi na jawani ke, toh raat gujar jayegi. Umar hai bachon ki mauj masti karne ki, karne dijiye. Sara din kud kud karoge toh jaldi bistar pakad lena hai apne.

Vikram(sofe se uth kar): ab do minute baith bhi nahi sakte is ghar mein.

Itna bol kar woh ghar se bahar jane laga.

“Main suresh ke paas ja raha hun. Dinner ke time aa jaunga.” Darwaje se hi chila kar bola aur bahar chala gaya.

Shivani(hanste huye): gaye chinta parshad apne yaar se chuglian ladane.

Aarav: han Vinod bata raha tha ki papa aur Suresh uncle unki baithak mein baithe hum dono ki burai hi karte hain bas.

Divya: toh aur kya woh tumhari tareef ke kaseede padhein… kuch dhang ka kaam karo toh kion unka BP high ho sara time. Mujhe toh lagta hai tum dono un logon ko pareshan karne ke liye hi paida hue ho.

Aarav: han beta tu toh badi kalpana chawla hai na. Mere se 2 saal badi hai… fir bhi kya hi ukhaad liya tune.

Shivani: aj kal na is ghar mein kisi ki juban se phool nahi girte… sab angaar ugalte hain. Aur Avi beta uthja please ab sach mein tangein toot jani hai meri.

Aarav(god se khade hokar): chal theek hai maate hum ne apki binti sun li hai… ap se baad mein bhent karte hain abhi Didi shree ko kuch kaam hai mujhse.

Itna bol kar Aarav ne Divya ke sir par ek tapli maari aur upar chala gaya.

Divya: maa dekho na yeh kya harkatein karta hai sara din. Fir ap iski side leti ho.

Shivani(Divya ke sir sehlate huye): koi na bache… chhota hai tere se. Tu v toh Simran ko kitna pareshan karti thi.

Divya: kya yaar mom… hamesha yahi bol dete ho ap. Woh abhi bada hoke ghoda ho gaya hai. Kab tak mere naak mein dum karta rahega.

Udhar Aarav seedha Simran ke kamre ke bahar pahuncha aur dekha toh darwaja ander se band tha usne knock kia aur bola. “Didi ander a jaun?”

“Han aja…” andar se Simran ki awaj ayi. Jise sun Aarav ko kuch ghabrahat si huyi aur usne fat se darwaja khola. Use jis baat ka shak tha wahi hua andar Simran apne bed par ghutnon mein sar dabaye subak rahi thi.