Update 52
Contd :-
Agli subah 5 baje police Mehul ke ghar pahunchi aur use hirasat mein le liya.. Pehle toh mehul ko kuch samaj nahin aaya ke yeh sab kya ho raha hai, lekin jab police ne use sab kuch bataya, ke kaise uske ghar se paise, Magnetic strip skimming machine aur Sim card cloning machine mili thi tab use yeh sab khel samaj aaya..
“ACP saab, main aapko bol raha hun. Yeh sab bharat ne mujhe fasane ke liye kiya hai…” Mehul ne ACP se kaha jo saamne khada mehul ki baatein record kar raha tha
“Yeh bharat kaun hai.. Aur kya karta hai yeh” ACP ne mehul se pucha, jiska jawaab mehul ne ek dum detail mein diya sirf nidhia wali story ko kaat ke… ACP ne bharat ko bulaya puchtaach ke liye.. Jaise hi rakesh ko is baat ki khabar mili, woh bhi apne wakilon ki fauj ko leke udhar pahuncha
“Mr Bharat… Aap is aadmi ko pehchaante hain” ACP ne mehul ki taraf ishara karke kaha
“Sorry, but yeh kaun hai..” Bharat ne apne glasses nikal ke kaha
“Dekhiye, yeh saab ka kehna hai ke….” Aur ACP ne sab details bharat ko batayi jo mehul ne use di thi
“Hahahhahaaa…. ACP, koi kuch bhi kahega, aap use maan lenge aur kisi ko bhi yahan statement ke liye bula denge.. Aap jaante hain mere dad kaun hain… Aur yeh sab bhi chodiye, aapne is aadmi se iski baaton ka koi saboot maanga” Bharat ne apne hi andaaz mein kaha.. Yeh woh andaaz tha jo uske college mein mashhoor tha..
“Dekhiye humein aisi baaton ko seriously lena padta hai.. Aur rahi saboot ki baat, toh is aadmi ne kaha hai ke iske mobile pe aapne kaafi baar call kiya toh humne data mangwaya hai telecom company se.. Aur jis flat mein paise paaye gaye hain wahan pe aapki meetings ki recordings hain..”ACP ne narmi se kaha
“Dekhiye ACP saap, yeh banda jo bhi hai, aap chahein toh iski baat ki tafteesh kar lijiye, aur main bhi dekhna chahunga woh recordings jinki yeh baat kar raha hai.. Kahan hai woh sab..” Bharat ne apni jeb se cigarrete nikalte hue kaha…
ACP, mehul aur bharat ke sath mehul ke us flat mein pahuncha jahan paisa paya gaya tha… Itne mein Rakesh aur uske wakil bhi wahan aa pahunche..
“Bharat, yeh sab kya hai. Yeh kaun hai, ACP, whats happening..” Rakesh ne aake kaha
“Dad.. Relax, aap aaiye mere sath jahan ye janaab le jayenge humko..” Bharat ne rakesh se kaha aur mehul ke sath sab log upar pahunche.. Jaise hi sab upar pahunche, mehul ne jald se darwaze ke upar ki camera nikali aur ACP ke hath mein thama di.. Jaise hi ACP ne camera liya, uske phone pe call aaya.. Uske aadmi ne call details laa di thi aur usko police station mein aane ko kaha..
“Mr Bharat, we are sorry to rouble you, but aapko aur sab ko fir station chalna padega.. Wahan sab clear ho jayega.. Chaliye” Kehke ACP aagey badha aur Bharat aur rakesh bhi uske peeche chal pade.. Rakesh aur bharat apni gaadi mein aaye aur mehul ACP ke sath police jeep mein.. Jaise jaise station nazdeek aa raha tha, mehul ke chehre pe paseena badhta jaa raha tha.. Uske chehre se saaf dikh raha tha ke uska dil bhi maan chuka hai ke woh fas gaya hai… Station pahunch ke ACP ne call details dekhi aur dekhte hi dekhte uski aankhein badi ho gayi
“Dekh liya janaab aapne, maine kaha tha aapse yeh sab is ladke ka kiya dhara hai..” Mehul ne badi hoshyari mein kaha.. Mehul ki baat sun kar ACP taav mein aa gaya, aur aagey badh ke do chaante mehul ke gaalon pe kas diye
“Paagal ho gaye ho, isme inka naam hi nahin hai, aur khud ke hi phone pe apne dusre number se cal karte ho. Pagal ho kya..” ACP ne chilla ke kaha
ACP ki yeh baat sun jahan mehul ki gaand fati ki fati reh gayi, bharat ke chehre pe uski kaatilana hasi aa gayi jise dekh mehul samaj gaya ke bharat ne jo mobile use diya tha woh uske khud ke naam pe hi tha.. Aur jo mobile chori hua woh bhi bharat ne hi chori karwaya….
“ACP saab, aap footages dekh lijiye, aap ko usme sab dikh jayega…” Mehul ne ACP se kaha.. ACP ne bina deri kiye footages play karne ke liye kaha..
“Mr Bharat, aap nahin aa rahe footages dekhne, ” ACP ne bharat se kaha
“Nahin ACP saab, mujhe films dekhne ka shauk nahin hai.. Aap dekhiye, main yahin betha hun.. Aapke bande toh hai hi, kahin bhagunga nahin.. pls carry on ..” Bharat ne jawaab diya jise sunke ACP , rakesh ke sath aagey badha.. Bharat janta tha us footage mein kuch nahin hai tabhi woh nahin gaya.. Rakesh aur ACP ne ek ek kar sab kuch dekhne ki koshish ki, lekin har tape blank thi… Mehul ka dimaag fatne ki haalat mein aa gaya tha, use yakeen nahin ho raha tha ke camera kaise gayab ho sakta hai… Uske paas ab koi saboot nahin tha apni begunahi ka… Woh ro ro ke ACP ke saamne gidgidane laga, lekin use kuch hath nahin laga… ACP ne mehul ko hirasat mein lene ka order diya aur Rakesh aur Bharat se mila
“Mr Rakesh… Aap jaa sakte hain, bharat 5 min mein free ho jayega..” ACP ne itminan se kaha.
Rakesh ke jaate hi, ACP ne bharat se kaha
“Bharat.. Ek sawaal jo ab tak mujhe samaj nahin aa raha.. Is aadmi ne tumhara naam hi kyun liya, kisi aur ka kyun nahin… Aur koi camera bhi rakhwayega toh woh bandh kyun rakhega…” ACP ne bharat ko aankhein dikha ke kaha…
“Hahahhaa.. ACP, yeh sochna aap ka kaam hai.. Mera nahin… Khair jaise aapne mere dad se kaha, 5 min ho gaye.. Kya main jaa sakta hun, kamdar bhi aapke jawaab ki rah dekh raha hoga…” Bharat ne apne glasses pehen ke kaha
“Tum kamdar ko kaise jaante ho…” ACP ne chaunk ke kaha
“Tum toh yeh bhi nahin jaante hoge ACP, ke kamdar ko SMS kisne kiya… khair, yeh sab sochna aap ka kaam hai.. Chaliye, main nikalta hun..” Kehke bharat nikla.. Kuch der mein official complaint file ki gayi police mein aur mehul ko 15 din ki custody mein rakha gaya.. Jab tak police ne money se seize hataya, tab tak bank ne bandobast kar liya tha ke Cash Management Services ki van mein woh paisa seedha bank ke headquarters mein pahunchega.. Jaise hi CMS ki van police station se nikli, thodi doori pe jaake ek jungle mein jaa ruki… Jungle mein pahunchte hi van ka driver aur security guard gaadi se nikle, aur note ke bags peeche aa rahi BMW 7 series mein daalne laga… Jaise hi sab notes peeche daale, gaadi ki khidki khuli aur driver aur security guard ko 1-1 crore diye gaye..
“yaad rahe, tum yeh desh aaj hi chod ke bhaagoge.. Nepal jao ya china, mera koi vaasta nahin.. Agar hamara naam aaya toh yaad rakhna tumhein paatal se bhi dhundh nikalenge..”
“Arey nahin memsaab.. CMS mein hamare sab kagaz hi nakli hain jaise aapne diye the.. itne paise se hamari zindagi khush ho jayegi..” Kehke driver aur security guard ko dusri gaadi mein bithaya gaya aur unhe door le gaye.. Jaise hi dusri gaadi aankhon se ojhal hui, gaadi se ek ladki utri, aur ek time bomb CMS ki van ke neeche lagaya aur sath hi sath 1000-1000 ke nakli notes aur khali ags bhi rakhe gaye.. Kareeb 5 min baad, ek zor ka blast hua aur van ke parkhache ud gaye.. Kareeb aadhe ghante baad yeh news tv mein aa gayi aur bank bhi hairaan pareshaan ho gayi.. Kamdar ko aakhir bharpai karni hi padi…
Agley 5 din sab shaant hua, bharat normal office mein jata aur kaam karta.. Adi ne usko promotion bhi dilwa diya aur khud bhi promotion le liya… Chathe din, bharat ne munna ko fone kar bulaya, aur uske hisse ke kareeb 2.5 crore use diye.. Munna itni rakam dekh baukhla gaya, lekin usne hosh sambhala aur wahan se paise leke nikal gaya..
“Isko tumne diye 2.5 crore, Preeti ko doge 2 crore.. Hue 4.5 crore… Toh baaki ke…” Shalini isse pehle ke yeh vakya pura karti, peeche se ek ladki ki awaaz aayi…
“5 crore mere hain swthrt.. Sirf mere….”
Shalini ne peeche palat ke dekha, toh use samaj nahin aaya yeh kya chal raha hai…
“Kaun ho tum….” Shalini ne hairaan hoke kaha
“Welcome Nidhi… Welcome, ” Kehke bharat ne use gale lagaya aur use apne saamne bithaya…. Shalini ki toh hawaiyaan hi ud gayi.. Use samaj nahin aa raha tha ke yeh kya ho raha hai.. Uska chehra feeka pad chuka tha, usne kabhi yeh umeed nahin ki thi ke woh nidhia ka samna karegi aur woh bhi aise waqt pe….
“Baby, chill… Yeh yahan bas apna hissa lene aayi hai aur kuch nahin..” bharat ne teeno ke liye drink banaya aur sab ko glass pakdaya
“Kaisa hissa bharat.. Sab batao mujhe” Shalini bechain si hone lagi
“Main batati hun.. Jis din bharat aur tum lands end gaye the, us din bharat ne mujhe wahan dekha tha mere husband ke sath.. Haan, us din tak bharat ko pata nahin tha ke main shaadi shuda hun… Ya yun kaha jaye ke mere uncle ne meri shaadi zabardasti karwai thi… Bharat ne us din mera peecha kiya aur mujhe dekh liya.. Us din jab maine dekha koi mera peecha kar raha hai, pehle toh main dari, lekin jab maine dhyan se dekha ke yeh bharat hai, meri jaan mein jaan aayi… Mujhe aaj bhi yakeen hai ke bhale hi bharat mujhe pyaar nahin karta, lekin jab mujhe iski zarurat hogi, woh zarur meri madat karega… Aur waisa hi hua, agle din maine bharat ko fone kar milne ke liye kaha aur woh aa gaya… Mere sath jo hua maine use sab bataya aur usne meri madat ke liye haan kaha… Maine bas use us flat ki duplicate chaabi banwa ke di.. Jis din bharat ko maine chaabi di, main mere uncle ke sath bahar gayi aur peeche bharat ne aake, camera replace kiya aur mere uncle ke documents le liye jisse unke naam ka sim card kharida… Iske baad kya hua woh sab tum jaanti ho..” Nidhi ne ek saans mein kaha aur apna drink khatam kiya….
Shalini ko samaj nahin aa raha tha woh kya kare. Woh ab bharat pe shak kar rahi thi, ke kahin nidhi ke liye woh use chod toh nahin dega. Shalini ke chehre ko nidhi ne achi tarah padha, aur uske paas gayi….
“Shalini.. Fikar mat karo, bharat jaisa pyar karne wala kisi ko nahin mil sakta… Mere naseeb mein nahin tha so mujhe nahin mila, par tum ab zyada mat socho.. Tumne bharat ka vishwaas haasil kiya hai, jo koi choti baat nahin hai… Ab ise tutne mat do.. Aur rahi meri baat, main yahan se door jane wali hun… Maine zindagi mein aisa waqt dekha hai jiske bare mein soch ke bhi meri rooh kaanp jaati hai.. Mere uncle mere sath aisa karenge maine socha nahin tha, shuru mein maine unka sath diya tha paison ki wajah se.. Lekin jab mujhe pata chala us din ke bharat ab tak mere bare mein sochta hai, mere dil ne mujhe awaaz di ke main kisi ke sath aisa kaise kar sakti hun….” Kehke nidhi ne shalini aur bharat se aakhri alwida kaha aur apne paise leke wahan se door chali gayi.. Nidhi ke jaane ke baad ek khamoshi thi bharat aur shalini ke beech mein.. Bharat yeh soch raha tha ke kahin shalini usse door naa chali jaaye… Kuch der baad shalini ne bharat se kaha
“Preeti ko 2, isko 5 aur munna ko 2.5… baaki tumhare paas kya raha…” Shalini ne bharat se kaha
“Mujhe tum mili na swthrt.. isse zyada aur kya chahiye…” Kehke bharat shalini ke paas gaya aur use gale laga liya… Shalini bhi kaafi der tak usse alag nahin hui…
“Yeh 50 lakh mein se bhi kuch nahin bacha, itne logon ko paise baante, aur dusre kharche.. Mujhe 0 mila hai…0” kehke bharat fir hasne laga
“Toh fir has kyun rahe ho… Kuch bhi nahin mila batao, toh fir yeh sab kiya kyun tumne…” Shalini ne bharat se kaha
“Mere dushman ko hamesha yaad rakhna chahiye.. Ke main dushmani mein bhale apna fayda na karun, lekin uska nuksaan pehle karunga…” kehke usne subah ka newspaper shalini ko pakdaya jiski headlines thi
“A man arrested for operating an ATM Scam of **** Bank…” jisme mehul ka foto bhi tha…
Kuch dino baad, preeti US chali gayi aur ab woh wahan IT company mein achi khasi position pe job karti hai… Munna ne bhi sab ko hissa diya aur khud bhi kuch dino ke liye underground ho gaya… Nidhi, malaysia jaake bas gayi.. Wahan jaake usne apna ek boutique open kiya jiska naam rakha “Bharat’s”
Mehul ko 20 saal ki jail hui…. ACP ne jab pata lagaya ke kamdar ko woh SMS kisne kiya, tab pata chala yeh number kisi Ruby ka hai.. Zyada chaan been karne pe pata chala ke Ruby toh pichle 6 mahine se US mein hai… ACP ne bhi us case ko bandh kar diya, kyun ki woh janta tha ke agar woh kuch karne bhi jayega, toh bharat ne uska solution nikal rakha hoga…..
“Lekin yeh Kahani hai Bharat ki…. Bharat abhi bhi wahin hai.. Mumbai mein… Jaise Jaise bharat jeevan mein aur career mein aagey badhega, waise waise badhega is kahaani ka romanch aur bharpur vaasna…”
