Update 51
Contd :-
“Hi Preeti.. Just a quick check, woh new debit cards bhejne the humein kuch clients ko, woh despatch ho chuke hain na” Sameer ne preeti se fone karke pucha
“Yes sameer.. Everything on time.. And passwords bhi nikal jayenge dusre din pe” Preeti ne jawaab diya
“Ok thanks ” Kehke sameer ne phone rakh diya aur chain ki neend so gaya yeh soche bina ke aane wale 10 din uski zindagi mein kya kya laayenge
Raat ke kareeb 2 baje 5 black honda civic gaadiyan. jinke kaanch bhi Z black films se dhake hue the, aur driver ne bhi kaali poshaak hi pehni thi.. Worli naake se 5 gaadiyan apni batayi hui disha mein nikal gayi aur jahan se unhe kaam ke aadmiyon ko pick karna tha, wahan se unhe pick karke kaam ki jagah pe le gayi.. 3 bajke 5 minute.. Aur sab ne apna kaam shuru kiya.. Jo bhi ATM’s decide hue the, unmein camera toh the, lekin wahan koi security guard nahin tha.. Jo aadmi kaam kar rahe the, unhone burkha pehna hua tha aur yeh bhi dhyan rakha gaya, ke neeche aadmi ke jute nahin, lekin sandals hi ho., taaki koi agar kahin kuch dekh le by chance, toh use yahi lagey ke yeh kaam kisi aadmi ka nahin, balki aurat ka hai.. 3.. 3.30… Kareeb 3.45 ko sab ko SMS aaya
“Jitna bhi cash le liya hai, leke niklo bas”
Sab ne waise hi kiya aur apni gaadiyon mein beth ke wapas wahin chod diye gaye jahan se sab ko uthaya gaya tha.. Sab admiyon ko chod ke, woh sab gaadiyan kareeb 4.30 ko diye gaye address pe pahunchi. 5 gadiyon mein se, ek gaadi ka driver nikla aur jaldi se jaake ek darwaza khola.. darwaza kholke sab ko ishara kiya aur sab log paison ke bags leke wahan rakhte gaye, kareeb 6 medium size ke bags the, aur jaate jaate zameen pe ek mobile bhi fenk diya.. Driver ne fir darwaza lock kiya aur wapas chale gaye… Jaise 5 gaadiyan ek sath aayi thi, waise hi chali bhi gayi aur kahan gayab hui kisi ko pata nahin chala..
“45 mins mein kisi ne kya loota hoga.. Plan toh 2 ghante ka tha na” Shalini ne bharat se kaha
“Thoda change hai darling.. Wait karo, sab pata chal jayega” Bharat ne shalini se kaha aur dono so gaye…
Agli subah, sab kuch theek tha.. Lekin dopahar aate aate bank pe qayamat si aa gayi.. Ek ke baad ek 16 customers ne complaint ki balance ke baare mein aur seedha bank pe dhabha bol diya… Jaise hi bank ke top executives tak yeh escalation gaya, waise hi sabhi 16 clients ke sath meeting fix ki gayi.. Meeting mein kaafi der tak chillam chilli hui, lekin kisi bhi client ne police mein jaane ki dhamki nai di.. Kyun ki sab kala paisa tha, agar koi police mein jata toh usko pehle yeh batana padta ke woh paisa aaya kahan se.. Bank ne jab hisaab kiya tab pata chala 16 clients ka milakar kuch 10 crore jaisa withdrawal hai.. Zyada details mangwa di gayi, tabhi pata chala ke sabhi ek time pe hua hai… Bank ne sabhi clients se kaha ke bank unki bharpaai kar degi 10 din mein aur kisi ko kaano kaan khabar nahin hogi.. Clients khush hue aur nikal gaye.. Bank ke vigilance dept ko yeh case saunpa gaya, ke yeh sab hua kaise.. Vigilance dept ne apni tafteesh shuru ki .. ATM’s ke CCTV footages dekhe gaye, usme se yeh conclusion nikla ke lutne wali aurtein thi aur burkha dhaka hua tha.. Bank ne apne andar ke police walon ko inform kiya aur unki madat lee gayi.. Police ne apni investigation ki, lekin koi madat nai..Ek ATM ke nazdeek wale coffee shop ki camera mein recording dekhi toh pata chala ke lootere car mein aaye the.. Lekin car ka number nahin tha, bas yeh pata chala black honda civic hai.. Mumbai mein aisi kai gaadiyan hain lekin number ke sath.. Police ki muhskil thi ki kaise dhundha jaaye.. Patrolling van ki madat lee, lekin us area mein patrolling naa ke barabar hone se police ne us baat ko daba diya kyun ki usse unki hi badnaami hoti… Police ne bhi niraash hoke bank ke saamne haar maan li..
Bank ke vigilance dept ne zyada haath per maare toh yeh baat nikal ke saamne aayi ke RPC walon ne Debit Cards ke limit unlimited kar diye the.. Iss silsile mein sameer arora se puchtaach hui aur uske har employee se baat ki gayi.. Preeti, jisne system mein yeh changes kiye the, puchne par usne sameer arora ka PM dikhaya tha jisme usko aisa karne ka approval diya gaya tha Jab sameer ne woh PM dekha, uski hawaiyaan ud gayi.. IT dept ne PM check kiya toh paya gaya ke PM genuine hai aur sameer ke VPN se kiya gaya hai.. VPN matlab virtual private network.. Sameer se bank apna contract wapas kyun na le, is baat ki safai maangi gayi aur use 5 din diye gaye.. Sameer toot chuka tha.. Sameer ko samaj nahin aaya ke woh kya kare.. Isse uski reputation ko bahut bada jhatka laga tha.. Office jaake usne preeti ko kaafi khara khota sunaya par woh zyada lad na saka, kyun ki preeti ne use PM dikhaya aur yeh kehke bach gayi ke jab usne confirmation ke liye phone kiya tab uska fone out of coverage tha.. Sameer kuch kehne ki haalat mein nahin tha. Usse apni izzat pyari thi… Dusre din sameer ne bharat ko fone kiya aur milne ke liye bulaya.. Sab jaante hue bhi bharat anjaan bana raha aur sameer se milne pahuncha
“Hi Dude.. Kya haal hai, ” Bharat ne apne hi style mein kaha
“Hi Bharat.. How are you” Kehke sameer ne kuch der tak bharat se idhar udhar ki baatein ki aur fir main baat ki.. Sameer ki sab baatein sunke, bharat ne hairaan hone ka naatak kiya…
“Kya bol rahe ho sameer… hamari bank mein aisa hua ?” Bharat ne hairaani bhare swar mein kaha
“Haan bharat, tumhe pata nahin is baare mein” Sameer ne dukhi hoke kaha
“Dekho dude…. Main hun sales mein, main business laata hun, aur corporate wale hum branch walon ko is sab se door rakhte hain.. Lekin bank bhugat legi paisa, itni badi rakam nahin hai bank k liye… Tumse thodi lenge, tumhare paas toh client forms hain na jinme unke signatures hain, toh fir kis baat ki chinta hai..” bharat ne aasani se kaha
“Paisa nahin , izzat hai meri uska kya hoga bharat.. please meri koi madat kar sakte ho tum toh kuch karo.. Am sure adi ke koi connections honge, agar tum adi se baat karo toh shayad kuch ho jaaye” Sameer ne gidgidake bharat se kaha
“Chillex dude, i will try han… And agar maine koi madat ki toh yaad rakhna… Tumhe bhi mere kaam aana padega kabhi na kabhi..”
” Mujhe sab manzur hai bharat..” Sameer ne kaha, aur yeh sunke bharat wahan se nikla.. Udhar bank ke VP aur EVP sab ne apne dimaag lagaye lekin kisi ko kuch nahin mila.. Kisi ki pehchaan nikli telecom mein, ke SMS kyun nahin mile clients ko, lekin wahan bhi nirasha kyun ki formal complaint ke liye police fir chahiye, aur bank police ke paas nahin jaa sakti thi..”
Bank ka Senior VP Kamdar, pareshan aadmi tha.. Ek din mein usse jo hua usne woh kiya lekin use kuch haath nahin laga.. 10 crore rupees unke liye badi rakam nahin thi lekin woh yeh janna chahte the ke yeh sab hua kaise. Thak haar ke kamdar apne 5 BHK penthouse mein pahuncha aur apni biwi bachon se baat kiye bina apne kamre mein bandh ho gaya.. Fresh hoke jaise hi kamdar apne bed ke paas aaya, uske mobile mein ek SMS tha
“Mr Kamdar… Mujhe pata hai paisa kahan hai.. Yeh hai address, jaake pakad lijiye.. Aapka shubhchintak”
Kamdar ne jaise hi sms padhal, uski gaand fatke haath mein a agayi.. Use yeh samaj nai aaya ke yeh kaun shaks hai jisse yeh case pata hai, aur agar koi hai aisa toh use yeh kaise pata ke chor kaun hai.. Yeh hai Kaun.. Kamdar ne har cheez ko alag alag angles se socha, kareeb raat ko 9 baje usne faisla liya aur apne senior ko iske baare mein bataya.. Kuch der ki charcha ke baad kamdar ne apne pehchaan ke ACP ko fone lagaya aur usse vishwas mein liya ke jab tak yeh khabar sahi saabit nahin hoti tab tak yeh cheez kisi ko pata nahin chalegi… Raat ke kareeb 10.30 baje Kamdar, uska senior aur woh ACP sms mein diye gaye address pe pahunche.. Jaise hi wahan pahunche, darwaze pe unhe taala mila.. Paas hi mein jaake woh log chaabi banane wale ko laaye.. Taala khulte hi kamdar ne bati jalai toh uski aankhen fati ki fati reh gayi.. Uski aankhon ke saamne woh paise rakhe hue the aur kuch notes ke serial number ki pushti bhi ki gayi… Saath hi unhe dusra samaan bhi mila jo police ne apni custody mein le liya.. Jab kamdar ne kaha ke yeh bank ka paisa hai, tab ACP ne apne aadmi ko kaam pe lagaya ke yeh kiska ghar hai pata kiya jaaye… ACP ne idhar udhar nazar daudayi toh use ek mobile phone dikha.. ACP ne phone leke on kiya aur khud ko call kiya.. Jaise hi uske mobile pe number flash hua usne turant apne dusre aadmi ko yeh pata lagane ke liye kaha ke number kiska hai…
Udhar adi ne jab bharat se baat ki, toh usne sirf bharat ke kehne pe kamdar se baat ki.. Kamdar ko paisa mil chuka tha, lekin woh is baat se hairaan tha ke adi tak baat kaise gayi
“Come on kamdar.. corporate mein khabar jitni chupao, utni zyada bahar nikalti hain.. Ab batao, kya karein..”
“Kuch nahin adi.. Hum kal baat karenge, aur haan, sameer arora ko bol do, he can relax.. Bye” Kehke kamdar ne phone cut kiya
Adi ne bharat ko msg diya aur bharat ne bhi turant sameer se kaha.. Sameer ko vishwas nahin hua ke bharat ne use is dharam ankat se nikala hai… Bharat ne bhi adi se kaafi baar shukriya kaha aur wahan se nikal gaya… Raat ke kareeb 1.30 baje ACP ka ek aadmi aaya aur sath mein makaan maalik ko laya.. Makaan maalik se puchtach mein pata chala ke woh flat mein nahin rehta, aur usne flat kiraye pe diya hua hai… Jaise hi makaan maalik naam batane wala tha, tabhi peeche se ACP ka dusra aadmi aaya aur usne mobile owner ka naam bataya
“Kaun hai iska user’ ACP ne kaha
“Saahab.. Koi Mehul karke hai” Saamne khade havaldar ne kaha
“jee haan saab, yeh ghar bhi maine mehul ko hi rent pe diya hua hai” makaan maalik ne ACP se kaha
