My Life @Jindgi Ek Safar Begana – Update 60

Update 60
Subah 7 baje meri neend khuli, uthkar nitya karm karke nahaya dhoya, yoga, pranayam kiya, dhyan lagane ka samay nahi tha, to nikalne ke liye ready hua hi tha ki room service ne nasta laake de diya.

NSA office 10 baje se pahle to khulne ki sambhavna hi nahi thi so news paper padhne mein lag gaya.

Wohi khabrein roz ki, kahi loot paat, kahin kisi ko thag liya, kahin aurat ke sath balatkaar ho gaya. Kisi ne property ke liye apne sage bhai ko maar daala…

Saala pata nahi is desh ke logon ko ho kya gaya hai. araam se mehanat aur imandaari se jindagi basar nahi kar sakte kiya..?

yahi sab sochte-2 time ho gaya to bag uthaya aur room service ko bolke nikal gaya.

NSA office ke reception par pahuncha to pata chala ki wo abhi tak office nahi pahuche they, kucch der wahin baith ke intezar karne laga, koi 15 minute ke baad wo aaye.

Mujhe reception mein hi baitha dekh kar unhone mujhe apne peechhe aane ka ishara kiya, me unke peechhe-2 chal pada….

Unhone mujhse pata kiya, ki bag mein jo bhi saman tha, uske baare mein koi confusion ho to wo clear karle,

jab mene unhein sab kuchh brief kiya to wo khush huye aur meri knowledge ko appreciate karte huye bole-

Haan to Arun, ab kya plan hai tumhara..?

Me – sir yahaan se ghar jaunga, jo do char din bache hain, unhein ghar walon ke sath gujar ke camp ke liye nikal lunga..!

Wo – yaad hai na ki tumhari identity ab ek engineer ki hi rahegi duniya ke saamne, chahe wo tumhara kitna bhi saga kyon na ho..!

Me – don’t worry sir, mere muh se ye raj kabhi nahi nikalega ki me kon hoon, chahe meri garden hi kyon na cut jaaye..!

Wo – very good..! and wish you all the best for your future life..!

Me – thank you very much sir ! mene shake hand kiya aur unka office chhod diya…!!

Aur fir chal pada apni jindangi ki ek nayi manzil ki ore jo ki na jaane kitni kaanton bhari thi..?

Bahar aakar mene auto liya aur new delhi railway station aa gaya.

Abhi lagbhag 1 baja tha, socha khana khake hi dekhte hain konsi train milti hai,

Dilli se Calcutta line sabse badi line hai, sabse jyada train usi root se gujarti hain, to koi na koi to mil hi jaani thi.

Ek ache se restaurant mein khana khaya aur pass ki hi ek garment shop se mene apne liye do Jodi ache se kapde kharide,

ek achha sa blazer aur tie bhi le liya kyonki ab apna huliya bhi samay aur mauke ke hisaab se rakhna pad sakta tha.

Ek local train ki ticket li, jo dhai baje nikalne wali thi, karib rukate rukate harek station par rat 10 baje ke baad hi pahunchni thi mere station par.

Train platform par lag chuki thi, lekin abhi uske chhutane mein 10-15 minute aur they, local train thi so jyada bheed bhi nahi thi.

socha thoda chakkar laga lete hain platform par, wo special watch meri wrist mein bandhi huyi thi.

Engine ki taraf se me peechhe ki ore platform par chala jaa raha tha, ki last se koi 3-4 bogi pahle meri kalai mein kuchh vaibration mehsoos hua,

ab ek to naye-2 NSSI agent ka bhoot sawar tha, to uska impression kuchh jyada hi tha mere upar,

mene wach par nazer dali to neeli light blink ho rahi thi, jo indicate karta tha, ki aas-pass kahin to kuchh unwanted cheez hai…

mene explosive function on kiya, to uska sensor blinking karne lga, kisi shikaari kutte ki tarah mere kaan turant khade ho gaye.

Me us bogie ke pass khada ho gaya, signal bhi usi ke andar ki taraf indication dene lagi,

me peechhe muda aur aage wale gate se us dibbe mein ghuss gaya, bag mere kandhon par latka hua tha.

Passage se gujarta hua me aage se peechhe ki ore aaya, to jahaan se indication aa raha tha udhar ko ek udati si nazar daali, aur gujarte-2 hi mene wahaan ka jayja le liya aur aage badh gaya,

Me ek block chhod kar dusare block ki side wali seat par baith gaya udhar ki ore hi muh karke.

Wo chaar log they jo hav bhav se hi simmi ke member lag rahe they .

wo charon do-do ke hisaab se aamne saamne ki seat par baithe they, unke bag seat ke neeche rakhe huye they.

Me janana chahta tha unke plan ko, uski jad tak pahunchane ke liye bas unpar nazar rakh kar hi pahucha jaa sakta tha.

Train chal padi, wo charon aapas mein baat-cheet karte huye baithe they,

me bhi dkhane ke liye apni aankhein band karke unke saamne hi baitha tha, jinmein se do ko hi nazar aa raha tha, baaki do aad mein they.

Me unke dimaag mein koi shak paida nahi karna chahta tha, ek aam passanger ki tarah me apni aaknhein band kiye baitha raha,

train apne schedule ke hisaab se rukati rukati badhi chali jaa rahi thi. karib 3 ghante ka safar tay ho chukka tha.

mere anumaan ke hisaab se un logon ko Aligarh par utarna chahiye tha, jo ab aadhe ghante mein aa jana chahiye.

Mein ab unki gatividhiyon par nazar gadhaye huye tha, lekin koshish yahi thi ki unko shak na ho.

Wo station bhi aanewala tha, train outer signal par slow ho gayi, wo log apna saaman lekar pichhale gate par aa gaye,

unke jaane ke baad mene unki seat ke neeche check kiya ki kuchh saman chhod to nahi gaye hain, aur aage ke gate par pahuch gaya.

Station abhi dur tha, gadi slow aur slow hoti jaa rahi thi ki wo charon ek-ek karke chalti gaadi se hi kud gaye apna saaman lekar,

unke opposite side mein aakar, me bhi utar gaya.

Halka halka andhera hone laga tha. wo log saman uthakar ek taraf ko badh gaye,
thodi duri banakar me bhi unke peechhe peechhe lag gaya aur dhayan rakha ki wo mujhe na dekh paayen.

Railway track se utar kar unhone ek riksha liya, mene bhi fauran ek rikshe ko hath diya aur usko us rikshe ke peechhe-2 chalne ko kaha.

Wo charon ek ghani abaadi wali basti mein pahuch kar ek building ke bahar utare.

Mera anumaan ek dum sahi nikla, wo jis imaarat mein dakhil huye wo aatankwadiyo ka hi ek adda tha.

Wo charon andar chale gaye. mene riksha kuchh aage jake rukwaya aur usko paise deke rawana kiya.

ab mere saamne ek sawal muh baaye khada tha ki me andar kaise jaaun..?

Bahut der tak me wahin idhar udhar tahlta raha aur sochta raha, ki ab aage kya kiya jaaye..?

ki tabhi wo charon bahar nikalte dikhayi diye..

ab un do ke pass hi bag they, do apne-2 bag andar hi chhod aaye they.

Me ek side mein ho gaya jisase unki nazar mujh par na pade. Jab wo mere pass se gujar gaye to me fir se unke peehhe -2 chal pada.

Lekin ab meri watch koi indication nahi de rahi thi, iska matalav wo us explosive ko andar hi chhod aaye they…

Kuchh der baad wo charon ek purane, lekin bade se haweli numa makaan ke saamne they, me bhi unka peechha karte-2 yahann tak pahunch gaya,

ye ek bahut hi purna sa makaan tha, jiski deewaron par se kai jagah papadi aur seelan se uska plastar ukhad chukka tha,

deewarein paan-padiki ki peekon se laal ho rahi thi, jagah-2 par, aisa lagta tha mano ismein lambe samay se koi nahi rahta tha.

Wo chaaron bade fatak numa darwaje ke ander chale gaye, mene idhar-udhar nazar daudai ki kahin koi aur to nahi dekh raha hamein.

Jab aswasth ho gaya ki aur koi nahi hai yahaan, to me bhi us makaan mein ghus gaya, main gate se takriban 20 feet tak gallery jaisi thi jiske dono taraf open baradari jaisa hi tha.

Uske baad ek bahut bada open ground jaisa tha, uske baad bahut saare kamre teen taraf

Me ground mein na jaakar us baradari mein se khambon ki aad leta hua bas andaje se hi ek taraf ko badh gaya !!