My Life @Jindgi Ek Safar Begana – Update 36

Update 36

Toilet se nipatane ke baad mene Rishabh aur Dhananajay ko chup rahne ka ishara kiya aur apne peechhe-2 aane ka ishara karke me udhar ko badhane laga.

Wo dono bhi mere peechhe-2 aane lage, hum puri koshish kar rahe they ki udhar se hamein koi dekh na sake aur hamari upasthiti pata na lage.

Jhadiyan cross karne mein nani yaad aagyi, kaanton bhari jhadiyon ne kai jagah kharonch ke nishan bana diye. Jaise-taise karke hum un chattano tak pahuche.
mene un dono ko wahin rukne ka ishara kiya, aur me pattharon ke dusari or se ghumate huye wahaan ka jayaja lene nikal pada.

Jhadiyan chattan se sati hui thi, patthar bhi chikna tha side mein jhadiyan, jaise-taise dhalu pattharon par pair jama-jama kar jhadiyon se bachta bachata me jab ghumke dusari side pahuncha aur muh nikaal kar udhar jhank kar dekha..

Wo char log the jinmein ek to pahalwan type ka adhed umra ka badi-2 munchhen kala gende jaisa aadmi shakl se hi rakshash jaisa tha, baaki teen avarage kad ke thode kam kale, lekin majbut sharir waale..

Wo gende jaisa vyakti ek patthar par baitha tha, baaki teeono uske pass khade aapas mein kuchh baat-cheet kar rahe they jo mujhe dur se sunai nahi pad raha tha.

Gende ke bagal mein ek rifle rakhi thi, bakiyon ke kandhe par poune (deshi semi rifle). Mujhe pahli nazar mein hi laga ki ye aam log nahi hain.

Mene Pattharon ki aad lete hue unke aur najdik pahunchane ki koshish ki…! Pattharon se peeth sataye jaise-taise me kuchh najdik pahuncha, ab kuchh-2 unki baatein mujhe sunai dene lagi.

Genda- dekho hum logon ko ye kaam bade ehtiyat se karna hoga, iss baar kisi bhi surat mein nakam nahi hona hai.

Parson subah-2 ke snan ke samay jab nahane walon ki bheed-bhad jyada hogi usi samay hamein ye dhamake karne hain jisase jyada se jyada log mare jayen.

Iss baar iss gandu sarpanch ko dikha dena hai ki Gondiya sardar se panga lene ka kya natija hota hai.

Fir usne pass pade ek bore ki or ishara karke kaha- ismein itna barood hai ki kam-se-kam 5-6 aise dhamake ho sakte hain ki dhamake ki jagah ke ass-pass kuchh bhi sabut nahi bachega.

Iss barood ko kal raat ko hi tumhein nadi ke kinaare-2 iss tarah se lagana hai ki kisi ki nazar mein na aa sake aur kinare par majud bheed ke parkhacche udd jayein.

Aur ye kaam raat ke 1 se 3 baje ke beech hona chahiye jisase kisi ko bhanak bhi na ho, us samay par sab kuchh shant hota hai. lage to aur do-chaar logon ko aur le lena sath main jaldi kaam nipat jaayega.

Ab tum log jaao aur kal raat se pahle kisi ki nazar mein mat aana, me jaake sardar ko khabar deta hoon.

Wo teenon us bore ko lekar pahadiyon ki or badh gaye aur thodi hi der mein pahadiyon ke peechhe gayab ho gaye, ab wo mujhe nazar nahi aa rahey they.

Wo genda bhi apni rifle uthake ek taraf ko chal diya.. ! me ab dubidha mein fans gaya, kya karun..? kya na karun..? dosto ko bulata hoon to itni der mein ye gayab ho sakta hai, jyada sochne ka samay bhi nahi tha mere pass.

Mene ek chhota sa patthar uthaya aur use apne doston ki taraf uchhal diya. Socha agar unke aas-pass gira to wo samajh sakte hain ki me unhein apne pass bulana chahta hoon.

Me us gende jaise aadmi ke peechhe-2 usase chhup ke chal diya, thoda aage jaake mene peechhe mud ke dekha to Rishabh aur Dhananjay bhi uss jagah khade dikhe jahaan pahle me tha.

Mene ek patthar uthke ke firse unki or fenka, patthar unke theek pass mein gira, fauran dhannu ki nazar meri or huyi, mene ishare se apne peechhe-2 aane ko kaha aur aage badh gaya us gende ka peechha karte huye…

Chalte-chalte wo ek pahadi ke peechhe mud gaya, me usase koi 100 kadam peechhe hi tha, me bhi uske peechhe jaise hi muda, samne mujhe do banduk dhari khade dikhe me fauran aad mein ho gaya.

Wo genda unse kuchh der khada baat karta raha fir aage badh gaya.

Me ab aur aage nahi ja sakta tha, mene apne peechhe aarahe dhananjay aur risbh ko rukne ka ishara kiya aur me bhi unke pass laut gaya.

Mene unhein puri baat batayi, unki to hawa hi nikal gayi..! abhi hamare pass jyada baton ka waqt nahi tha, hum fauran uss pahadi par chadane lage jiske peeche se wo genda gaya tha.

Jaise hi hum uske shikhar par pahunche..! seen dekhte hi fauran hum pattharili pahadi par let gaye..!

Wo jagah charo or se pahadiyon se ghira hua ek darra jaisa tha, jahaan ek chhota sa maidan jaisa bana hua tha. lagbhag 20 aadmi hathiyaron se lhesh idhar-udhar chhoti-2 chattanon par baithe they.

Jyada clear karne ke liye yahaan SHOLEY ke Gabbar ka adda yaad kar leejiye, aisa hi kuchh-2 tha ye bhi.

Hum jis pahadi par they uske theek neeche ek chaukor si samtal chattan par ek bhari bharkam sharir wala vyakti baitha tha, uski peeth hamri or thi to uska chehra nahi dekh paa rahey they.

Wo gende jaisa vyakti uske saamne khada tha aur use kuchh bata raha tha, uske hav bhav se hi lag raha tha ki wo baitha hua aadmi hi gondiya hoga.

Unki batein to hamein sunayi nahi di, to ab yahaan rukne ka koi matalab bhi nahi tha.. so hum laut liye mele ki taraf.

Mele mein aate-2 din chhip gaya tha, andhera failne laga tha, dukandaron ne apne-2 gas kerosin ke hande jala rakhe they light ke liye.

Jagesh aur team hamara hi intezar kar rahi thi. unhein sath lekar ghar laut liye.

Ghar pahunch kar hamne ekant mein rishabh ke pita ko ye sab baatein batayi to wo hadbada gaye, unse to kuchh bolte hi nahi ban paa raha tha.

jab mene unse sarpanch ke baare mein puchha to wo bole- haan ye sahi vichar hai, unse hi baat karte hain, aur hamein lekar sarpanch ke ghar pahunche.

Jagesh bhi ab apni mele ki masti se bahar aakar seriously hamare sath ho liya tha.

Me- sarpanchji ye gondiya kon hai..?
Sarpanch – kya..???? tum kyon puchh rahe ho uske baare mein..? wo to ek khatarnaak daku hai. lekin tum log… hua kya hai..? uske baare mein kyon puchh rahe ho..?

Me- aapki uske sath koi dushmani hai..?

Sar- kuchh samay pahle uska giroh yahan sakriya tha, bahut loot-paat machata tha wo, police thana bhi yahaan se kafi dur hai to police ke yahaan tak pahunchane tak wo loot-paat karke bhag jata tha.

Ek baar hum sabhi gaon walon ne faisla kiya ki ab jo karna hai wo hamein hi karna hai, ek baar hum sabane milkar uska jo bhi sadhan uplabdh hue usi ke sahare hamne uska virodh kiya, jismein 4-5 gaon wale bhi maare gaye lekin chunki hum gaon walon ki sankhya bahut jyada thi, aur sab ek sath un par tut pade,

hamare ek sath hamle se hamne uske bhi 10-12 logon ko maar daala aur usko khaded diya, godiya mushkil se apni jaan bacha kar bhaag gaya, tab se fir uski himmat nahi huyi hamare gaon mein ghusane ki.

Me- ab wo usi baat ki khundas nikalne ke liye ek bahut bade hamle ki yojna bana chukka hai, aur agar ye safal ho jaati hai to kam-se-kam 150-200 logon ki jaane jaa sakti hain. uske baad hamne unhein sari baatein detail mein bata di.

Sunkar sarpanch sakte mein aa gaye..! unke chehare par hawaiyan udne lagi. Wo samajh nahi paa rahe they ki iss samasya se kaise nipta jaaye. Kuchh soch kar wo bole.

Sar- hamein lagta hai, ye mela ab kal hi khatam kar dena chahiye, hum jante-bujhte itne logon ko khatre mein nahi daal sakte, subah hote hi mela khatam hone ka elaan karwa deta hoon.

Me- aisa karke aap logon ki dharmik bhavnaon ko dhes pahunchayege, aur logon ka bhavishya mein bhi aapse viswas uth jayega.

Sar- to tumhi batao kya itni jano ko bachane ka aur koi rasta hai iske alawa..?

Me- bilkul hai.. !! aur aisa rasta hai ki gondiya ka hamesha ke liye khatra mit jayega iss ilake se. sab mere muh ki or dekhne lage…

Sar- kuchh der meri or dekhte rahe fir jab nahi raha gaya to bole- kya rasta hai tumhare pass..?

Me- wo me aapko baad mein bataunga, pahle aap police thane chaliye..!

Hum sabhi sarapanch ko leke police station pahunche jo karib gaon se 10-12 km dur ek kasbe mein tha.

Sari batein detail mein batane ke baad mene wahaan ke incharge se kaha.

Me- inspector saab, hum char log ye sunishchit karenge ki uske aadmi raat ko wahaan barood na bichhane paayein, yahi nahi wo jinda vapas gondiya se na mil sakein.

Insp- wo kitne log honge jo barood bichhne ka kaam karenge..?

Me- yahi koi 5-6 log hi ye kaam karenge..!

Insp- unhein mere aapdmi cover karenge, me kisi aam nagrik ki jaan jokhim mein nahi daal sakta..

Me- usase wo savdhan ho sakte hain..! aur hamari aap chinta na karo.. hamne isase bhi bade-2 kamon ko anzam diya hai..

fir hamne usse hakim lukka ke khatme wala vakya bataya, wo bahut der tak hamein prashansa bhari nigahon se dekhta raha, ab usse hamare upar viswas ho chukka tha.

Insp- fir.. police ka kya role rahega..?

Me- kal ki puri raat aapke kuchh aadmi godiya gange ki nigarani karenge, uske har movement ki jankaari aap tak pahunchayenge,

subah hone se pahle hi koi 4 baje aapki police force uske adde ko cahron or se gher legi wo bhi kuchh door rah kar.

Ashanka iss baat ki bhi ho sakti hai ki gondiya apna gange nadi ke dusare kinaare par bhi le jaaye, uske admiyon dwara ki gayi taiyariyon mein koi gadbadi hone ki surat mein wo snan karne walon par seedhe attack bhi kar sakta.

Us surat mein aapki police unhein peeche se gher legi, aage nadi hogi peechhe police wo fans jayenge.

Agar wo nadi ke kinare tak nahi aata hai, us surat mein jaise hi hum sunischit karenge ki hamne uska plan fail kardiya hai, hum charon uske adde par pahunch jaayenge aur ishara kar denge uspar ek sath charon or se attack karne ka.

Achanak hue hamle ko wo jhel nahi paayenge aur jaldi hum unpar kabu paa lenge.

Insp- lekin aap logon ko uske adde par jaane ki jarurat kya hai..?

Me- ek to hamein ye nahi pata ki unka kaam kab tak pura hoga, dusara agar police ne usase pahle hi hamla kar diya to wo log chonkanne ho jayenge aur hadbadi mein wo
barood ko udda sakte hain, jisase kuchh to nuksan jaan maal ka ho sakta hai.

Insp- prabhavit hote hue bola- Bahut accha plan banaya hai.! wakai tumhari yojana achhi hai, mujhe nahi lagta ki ab gondiya bach ke nikal payega.

Me- wo bhi me sunischit karta hoon sir, gondiya aapko jivit nahi milega jab bhi mile. Bas aap ek favoure aur kar dijiye, hamein char guns jo aapke pass do number ki hoti hain wo de dijiye kuchh rounds ke sath.

Wo bahut der tak mere muh ki or dekhta raha, fir usne apne ek sub inspector ko ishara kiya aur 4 six round revolver full megjin ke sath aur kuchh extra bulet ke sath hamein de-di.

Police ke sath puri planning karne ke baad hum apne gaon laut aaye, lauatate-2 hamein aadhi raat ho chuki thi, ghar par sabhi hamara besabri se intezar kar rahey they.

Mene raste mein hi sabko hidayat de di thi ki abhi iss baat ka jikar koi bhi apne sage se sage ke sath bhi nahi karega jab tak ye mission pura nahi ho jaata varna log khamkhan darr jayenge.