“LIFE IS BEAUTIFUL….”
Chapter 1 :-
January 13 2008 :- Aaj jaise hi mera 5+ complete hua, main bahut khush tha… Padhai khatam, no tension ab.. Mast ghumna firna aur aaram… Ab bahut game khelunga main… Yeh soch kar jaise hi main college compound mein aaya, saamne se bharti mam ne bulaya
“Bharat.. Please come here for a sec”
“yes mam.. how are you” maine pucha
“Bharat.. Tumhara dost anil, usko leke mere cabin mein aao, mujhe kuch baat karni hai tumse..” kehke bharti mam apne cabin mein chali gayi
Bharti mam ke jaate hi maine anil ko fone kiya..
“Bhai, kidhar hai tu.. Jaldi aa, kaam hai” Maine anil se phone pe kaha
“bhai, peeche hun dekh” Anil ne jawaab diya
Jaise hi main peeche palta, peeche anil khada tha..
“Arey mere bhai.. Aaja gale lag jaa… aaj toh exam over hui woohhhh” main anil ke gale lagte hue bola
“Hahahah.. aur bol, kyun bulaya tune mujhe” Anil ne mujhse alag hote hue kaha
“Arey woh bharti mam ne bulaya hai humein, chal dekhte hain” Maine anil se kaha
“Woh sab theek hai re, but ab sun, woh apne class ki hai na mast ladki, Avni… Woh tujhse milna chahti hai canteen mein.. Ja pehle usse milke aa” Anil ne mujhe kaha
“Nahin bhai.. Chod na, ladki ke chakkar yaar, and besides main us din nayi gaadi laya tha tabhi se woh mujhse baat karti hai.. Mujhe nahin milna uske sath.. Aisi ladki nahin chahiye re..” Maine anil ka hath pakda aur madam ki cabin mein jaane laga
“Oh ho… toh kaisi ladki chahiye mere bhai ko woh toh bol de” Anil ne mujhse poocha
“Pata nahin dost, but jab usko dekhunga.. sabse pehle bolunga…”Anil, teri bhabhi hai yeh” Kehke main aur anil has diye aur madam ki cabin mein pahunch gaye jahan madam hamara wait kar rahi thi..
“Anil, Bharat.. please sit” madam ne humein kaha
“Ek bahut hi achi job offer aayi hai.. bharat i know u dont need a job, anil same applies to u.. But this will be a good xposure… Financial Markets ka hai.. Jaana chahoge” madam ne humein pucha
“Uh mam.. Kaunsi company hai” Anil ne madam se poocha
“R*****E Money… Wahan ke head mere ache friend hain and unko kuch campus ke ladke chahiye.. Jaana chahoge tum” Madam ne apne specs nikalte hue poocha
“Ok mam.. Kab jana hai interview ke liye..” Maine pucha
“Kal aur parso chuti hai, jan 16th ko jao.. Aur unka card yeh raha” Madam ne humein card diya aur hum bahar nikal gaye
“Bhai, kya job hai…” Anil ne pucha
“Pata nahin re.. Chal ke dekhenge, tu parso ghar aa jana, gaadi mein sath jayenge” Maine anil ko kaha
“Interview gaadi mein.. Kaun naukri dega.. Chal tu mere ghar aana, apan bike pe chalenge ok.. Aur teri bike nahin bhai, Honda CBR bhi bahut mehangi hai..” Anil ne has ke kaha
“Pata hai saale.. Chal ab bye.. Milte hain parso” kehke main aur anil apne ghar nikal gaye.
Jaise hi main ghar pahuncha, mom dad ke sath job ke bare mein discuss kiya.. Dad ready nahin the, par maine unhe yeh kehke manaya ke job nahin karunga, but let me try atleast.. Jaise taise mom dad maane aur main khushi khushi 16th Jan ka intezaar karne laga..
Chapter 2 :-
16th Jun 2008 :- Pichle 2 din ki chutti mein bhul hi gaya tha aaj mera interview hai.. naa toh maine company profile dekha, naa toh uski koi preparation ki.. pichle 2 din sirf video game mein hi nikle.. Subah ko taiyar hoke main anil ke ghar pahuncha.. Jaldi, anil aur main madam ke diye hue address pe pahunche aur us aadmi se miley.. Uska naam tha Mehul
“Yeh job hard sales ki hai.. Hard sales jante ho, ghar ghar jaake demat, mutual fund, insurance bechna hai.. bech paoge” Mehul ne hum se pucha…
“Uh.. Nahin sir, i dont think so..” kehke anil peeche hat gaya
“And young man.. Tum karoge….” mehul ne mujhe dekh pucha..
“haan sir, kabhi kiya nahin hai, aapko knowledge dena padega.. If ur ready toh am also ready” maine confidently jawaab diya
“Ok guys.. Tumhara stipend 10,000 per month hoga.. incentives ka main baad mein explain karunga.. Aap bahar wait kijiye , main aapko thodi der mein bulata hun” kehke mehul ne humein bahar bheja
Bahar aate hi main idhar udhar dekhne laga.. Bahut hi badi office, log bahut hulchul kar rahe the.. Ladke ladkiyan sab the… Jaise hi anil aur main bahar aake sofa pe bethe, meri nazar ek ladki pe gayi…. Yellow color ka chiffon top, light blue color ki jeans.. baal khule hue, ek dum silky brown color.. uske kaan mein do medium size ke jhumke the, naak mein ring pehni thi.. pink color ke uske honth… Uski smile, maar dalne wali thi.. Use dekha toh bas use hi dekhta reh gaya main… Use dekhte hi mere dil ki dhadkan ruk si gayi.. Yun laga kaash hamare aas paas ke sab log ruk jaye, aur bas sirf hum dono hi rahein akele… Woh bas yuhin hasti rahe aur main use dekhta rahun…
“Sun raha hai na tu mujhe” Kehke anil ne mujhe apne khayalon se nikala
“Huh.. kya hua.. haan ruk, bol” main anil se kehne laga
“Kya ruk, bol… Hard sales kabhi ki hai, saale lag jayegi hamari.. ” Anil ne mujhe chetavni di
“Anil… Agar woh yahin kaam karti hai toh main zindagi bhar yahin rahunga yaar…” Maine anil ko woh ladki dikha ke bola
“Well young boy.. Here is your offer letter..” Mehul ne anil aur mujhe dekh apni bhaari awaaz mein kaha
“Oh.. Yes, thank u sir… ” Maine apni nazrein neechi karke kaha, mujhe laga shayad usne humein dekh liya
“And, by the way.. Nidhi…. Come here please… ” Mehul ne us ladki ko bulaya jise mein kab se dekh raha tha
Jaise jaise nidhi aagey aa rahi thi, mere dil ki dhadkan tez hoti jaati.. Ek pal toh aisa laga ke kahin meri dhadkan ruk hi naa jaaye… Nidhi ab mere aur anil ke paas aa gayi thi
“Yes uncle…” Nidhi ne mehul ko dekh ke kaha
“Nidhi, he is bharat.. he will be working as a sales person here.. Inko yahan ka structure samjhao aur koi dikkat ho toh call me.. Ok young man, see you soon” kehke mehul wahan se chala gaya… Jaise hi mehul gaya, Nidhi ne ek baar fir apni smile flash ki, uski woh killer smile mujhe baar baar ghayal kar rahi thi… Main abhi bhi apne khayalon mein khoya hua tha ke tabhi Nidhi ne apna hath aagey badhaya aur kaha
“Hi… I am Nidhi Shah… Welcome..”
