UPDATE 44
Recap –
Mujhe apne upar behad gilani thi, ki behchara Rana bin maut hamare liye mara gaya, us udassenta ko lekar mene car farmhouse ki aur doda thi, jo hamare bachne ki akhiri umeed thi RAKA se.
Ab aage –
Hum bina ruke ded din tak car chalate rahe, rukna bas itna hota jab car me petrol dalwana ho, is ded din me Niti kuch na boli, Aanchal sare raste use dilasa deti rahi jo wo bas “hu” ‘ha’ me tal deti, uski aankhe kahi suniye me khoi hui thi.
Jab hum log Himachal ki seema me gus gaye to mene dono se kuch khane ka bola, par iske jawab me Niti kuch na boli aur bas Aanchal ne razamandi di, mene car ek dhabe ke samne roki aur teeno ke khane ke lekar kuch le aaya, Me bahar khada kha raha aur ander Aanchal Niti ko khane ko bol rahi thi par usne mana kar diya, Rana ki maut ne use behad ghera sadma diya tha shayad zindagi se haari niti kahi na kahi Rana ke saath apni berang zindagi me raang bharna chati thi, par Rana ki maut se wo sapne kanch ke mahel ki tarah tut gaye.
Kher jab Niti ne nahi khaya to aanchal ne use pani Kasam dila kar apne haatho se thoda bahut khila diya aur khud bhi kha liya. Thoda bahut kahne ke baad hum fir se apni manzil ki aur neekal pade aur kuch ghanto ki drive ke baad Rana ke farmhouse ke gate par aa ponche.
Car ki awaz aate hi waha ek budha sa aadmi aaker darwaza khol diya, car ko gate se ander aate hi mene dekha wo ek behad khubsurat haveli numa ghar tha. Hum teeno thake hue gadi ke neeche utre to us admi ne Rana ke bare me pucha, ab kya batate use, me abhi use sach batane ko hua hi tha ki Niti beech me bol padi.
NITI
Use kuch kaam aa gaya to wo nahi aa payega, me uski mangetar hu
Mene uski aur herani se dekha to uski ankho me atha dukh tha par saath ki ye iltza bhi thi ki me sach na batau. Mene bhi halato ko madhenajar rakhte hue chup rehene theek samja.
Kher hamare jwaab se santust hoker us admi ne hame ander aane ko kaha wo hame hamare room dikha diye, har koi itne lambe safar se aur 2 din ki ghatnao se thaka hua tha to kuch der aaram karne ki thani.
Niti aur Aanchal ek room me aa gai aur me dusre me chala aaya, do din ki bhaga dodi me kuch sochne ka moka nahi mila tha, par jab bister par leta to aankho ke samne un logo ki tasveer ter gai jo meri aanchal ko bachane ki zid ke khatir kurban hogaye. Peter, Ismile chahca aur Rana teeno meri zid ke khatir mare gaye, ye sochte hue aankhe kuch num ho chali, par honi ko koi kaise tal sakta tha, jo ho chuka use badla nahi ja sakta yehi sab sochte hue meri aankh lag gai.
Abhi soye hue kuch waqt hi beeta hoga ki kuch naram sa mere labo ko chuha. Us narmahat ko paker meri aankh khul gai, samne aanchal thi jo mujpe jhuki mere adhro ko behad komalta ke saath pyaar se chum rahi thi, uski is masum si harkat par mene dhere se apne haath uske balo me ghuma diye, is aabhas se wo seedhi beth gai aur pyaar bhari aankho se meri aur muskurai.
ME
Neend nahi aa rahi
Usne dhere se na me gardan hila di aur fir mere bagal me let gai, haath usne meri chati par theeka diya aur vaha dheere se shelane lagi.
AANCHAL
Kya soch raha he
(mujse puchi)
Me uper chat to tak raha tha, to uska swal mujhe sunai nahi diya usne ek bar aur mujse pucha to meri tandra tuti.
ME
Kuch nahi bas aesi hi soch raha hu, ki abhi kuch din phele mene wada kiya tha tujse ki hamari aane wali zindagi behad khusnuma hogi par ab lagta he..
Usne baat puri hone se phele hi haath mere hotho par rakh diye.
AANCHAL
Malum he hamara raste behad katheen he par wo mohobbat parwa kaha chadti he jisme kathinai na ho, Kyu?, Aur aage halat kuch bhi ho mene tere saath jo lamhe bhi bitaye he yo meri zindagi ke sabse yaadgar pal he isliye apne uper kisi bhi tarah ka boj na rakha mere khitir
Ye bolker wo uper ko uthi ko dhere se mera matha, fir nakk aur fir lab chum liye, mene bhi uski kiss ka respond kiya aur fir usi tarah dhere-dhere chumte hue hum kab so gaye malum na chala.
Neend hamari jab tuti jab kisi ne kuch bola, dono behad neend me the to kuch saaf nahi suna par jab kuch hosh sambhala to paya Niti hamare bed ke nazdeek kahdi thi.
NITI
Are ab uth bhi jao lela-majnu kab tak souge, aur aesi hi sona he to darwaza band kar liya karo bechara budha uncle tumhari raas liya dekhkar sharma gaya hihihi
Me uski baat par muskura diya par aanchal use yaha dekhkar sakpaka gai, malum to use tha ki niti ko hamre riste ka pata he aur usme uski razamandi he, par use yu nazdeek dekhakar wo ashez mehsus kar rahi thi.
Wo turant utkar bahar jane ke liye mudi to mene uski bah tham li, usne mujhe iltaza bhari nighao se dekha mano keh rahi ho abhi jane do Niti ke samne nahi na please.
Uski is ilataza bhari nighaye niti bhi samaj chuki thi. Wo halka langdate hue aanchal ke kareeb aai aur apne hatho se uske dono kandhe tham kar uski aankho me dekha.
NITI
Jo kisi se aese tut kar mohabbat kare aesa shaks behad kam milte he aanchal, aur tu khusnaseeb he tujhe aesa shaks Raj ke rup me mila he, aur jab kisi ko aesa shaks milta he to use yu jane nahi diya jata balki use jakad ke apne aagos me rakha jata he
Niti ki bato ka matlab aur sanjeedgi aanchal bakhubi samaj rahi thi, usne dhere se gardan hila di.
NITI
To ab soch kya rahi he, aesa shaks agar aas paas ho to use turat jakad lena chahiye, nahi to kya pata koi aur jakad le
Ye bolte hue niti sharat se meri aur mudi, par use phele hi aachal mere uper lagbhag kud gai aur behad kas ke mujhe gale laga liya.
AANCHAL
No madam iska reservation mere naam par ho chuka he hihihi
Usne shararat se bola. Aanchal ki is shararat par me aur Niti muska diye, halaki Niti muska rahi thi par uske dard ko hum bakhubhi samaj rahe the, par yehi to khaas baat thi Niti ki apne dard ko peekar dusro ki khushi me shareek hone ka hunar use bakhubhi aata tha.
Fir aanchal mujper se uthi aur Niti ko gale laga liya.
AANCHAL
Mujhe behad khushi he Niti ki teri jaisi dost mere jeevan me aai, Thank You
Niti uski baat par muskai aur dhere se uske galo par chapat laga di.
NITI
Chal pagal…ab tum dono chalke khana kha lo, bechare budhe uncle ko fir na aane pade, aaye the meri kamre me behad sharma rahe the ki Kya aap un dono ko utha dengi, shayad tumhari raas-lela dekh li hihihi
Uski baat par hum dono bhi muska diye.
Kher kuch din yu hi beet gaye, in dino hamara dhyan zadatar news par rehta tha, news se hi hame malum pada tha ki CRPF police ka Panji me aana ka reason government ka pata chalna tha ki international criminal Raka India aa gaya he, par fir do-din me hi news se Raka ka naam aese gayab ho gaya mano gadhe ke sar se seengh, shayad Raka ke ponch kafi uper tak thi.
In sab ke beech me, mein Randhir ya uski ki team ki call ka wait karta raha par udher se koi information nahi aai, in dino Niti bhi Jasmeet ki maut ke jhatke se kuch sambhli thi, aur mere aur Aanchal ke beech bhi nazdeekiya badhi thi.
Har din ke beet-te hamari tension bhi bad rahi thi kyuki hum hamesha ke liye to yaha nahi chup sakte, kabhi-na-kabhi to Raka ko hamre theekane ka pata chal jayega aur ye lagbhag sure hi tha ki use ab tak har hal me malum chal gaya hoga ki 2 distributed keys Niti aur Aanchal ke roop me Club se gayab he, aur jitna me Raka ko jan paya hu wo inti dur apni jaan ko jokhim me daalkar khali haath to nahi jayega.
Ek din me aur Niti bhahar drawing room me bethe aage ka kuch soch rahe the ki uski nazar side me ek chote se darwaze par padi
NITI
Is chote darwaze ke peeche kya hoga?
Uski baat par me bhi us aur muda aur kandhe uchka kar jalta diye mujhe kya malum.
Niti ne fir budhe noker ko bulaya aur use pucha, jo kuch din se hame aese ghur raha tha mano hamne uski kidney mang li ho, usne ek do baar pucha bhi ki shaab kab aayenge or aap ka wapsi ka kya plan he, par har bar Niti use ghudki dekar chup kara deti.
BUDHA
Ji ye shaab ka personel room he udher jane ki izazat kisi ko nahi
Niti ne ek bar aur use Rana ke naam se daraya aur do din minute me hi usne ek chabi laker hame de di, Niti ne wo chabi li aur meri aur badha di aur ishara kiya ki chalke dekhte he.
Halaki Niti puri tarah theek nahi hui thi par dhere-dhere chal leti thi. Me use lekar darwaza khola aur darwaza khulte hi samne hame ek basement dikha jisme jane ke liye seedhiya mojood thi, me aur Niti dhere-dhere chalte hue neeche basement me ponch gaye, mene hath markar side se light on kar di, aur samne ka nazara dekhte hi hamare hosh ud gaye, waha ek se bahdkar ek guns thi, aur kuch hand grenade rakhe the, Niti aur me hake bake wo dekh rahe the.
NITI
Raj ye sab?
Me janta to tha ki Rana kuch illegal business me involve he par is kadar me nahi janta tha. Mene Niti ko apna andaza suna diya jise sunker usne bhi gardan hilai.
Kher hum samaj gaye the Rana ne isme jane ki izazat kyu kisi ko nahi di thi aur kyu ye farmhouse usne secret rakaha tha. Kuch der idher-udher dekhne ke baad hum uper aa gaye.
Aese hi kuch din aur beet gaye par kahi se koi information nahi mili, ek din me, Aanchu aur Niti farmouse ke peeche khade vadio ka nazare le rahe the ki meri wrist watch vibrate hui, mene wo call turant pick kar li, udher se Randhir ki awaz aai.
RANDHIR AHLAWAT
Raj tu theek he na?
Mene apni kushalta use batla di aur sath hi apni narazgi bhi jalta di ki inte dino usne hamari koi khoj khabar kyu nahi li.
Jiske jwab me Randhir ne phele Vikram ki batai hui majboori baya ki aur fir apne ghayal hone ki, par akhiri me usne ek bomb fod diya.
RANDHIR AHLAWAT
Raka ne apni ponch ka istemal karke meri team ko dismiss kara diya, lekin tum fikar na karo officially nahi to use unofficially marunga, tum apni location batao me apni team ke saath ponchkar tumhe ek surakshit jagah poncha dunga.
Mene use apni location bata di.
RANDHIR AHLAWAT
Aur ha raj ek dhukhad khaber he, Raka ko malum chal gaya tha ki tumhari behen ek KEY he to tumhara pata nikalwane ke liye usne har sambhav prayas kiya aur isme Dr. Sandhu aur unse noker ko bhi unhone Jalandhar me maut ke ghat utar diya.
Randhir ki baat par me shock reh gaya, matlab Raka kisi bhi keemat par Aanchu aur Niti ko pana chata tha. Fir Randhir ne mujhe hosla diya aur zald se zald mere paas ponchne ka wada kiya.
INT. SOMEWHERE
ADMI
Sir, we cracked the communication channel and found the location.
Ye sunte hi uske boss ne uske haath se ek slip li aur tez kadmo se chalta hua ek room me aa gaya.
ADMI
Raka sir unlogo ka pata chal gaya he
Ye sunte hi Raka jo aankh band kiye betha tha apni bai aankh khol di aur us admi ke aur dekha aur khada hoker apna coat pehene laga.
ADMI
Sir iski zaroorat nahi he hum unhe laker apne kadmo me fek denge
Raka ne coat pehen liya.
RAKA
Kuch kaam khud hi karne padte he kanha tabhi kaamyaab hote he, sabko tyaar karo, is baar sari takat lagi deni he.
EXT. FARMHOUSE – HIMACHAL
Randhir ki baat mene dono ladkio ko batai jise unhe bhi kuch himat mili, kher wo din bhi aese hi bato me guzar gaya.
Raat ko me apne room me leta khayalo me gum tha ki darwaza khula aur waha Aanchal ek behad sexy si nighty pehene khadi thi, baal uske khule the aur chere par halka makeup, uska ye roop dekhkar me dang reh gaya.
Wo madham-madham chalte hue mere nazdeek aai aur mujhe halka sa dakha dekar bethe hue se bister par leta diya, aur khud ek aada ke saath apne baal ek aur kiye aur mera bazu le let kar apna sar apni khonio par rakh liya aur mere chere to takne lagi jo haka baka use dekh raha tha.
AANCHAL
Kya hua Mr. Raj kuch bol nahi nikal rahe hihihi
Wakai uska ye roop dekhar mere totte ud gaye the, me kuch bolna chaha par bas hawa ki nikli muh se par fir sari himat jod kar bola.
ME
Aanchu..ye ye sab kya..mera matlab kyu..matlab
AANCHAL
Shhh
(mere hotho par ungli)
Matlab watlab chhodo aaj ki raat pyaar karne ki raat he
Aur aanchal ne meri shirt ke button kholne shuru kiya aur saath ki uske nazuk adhro ne mere chere ke har sambhav hisse par papiya li, me uske is ati kamukh rawaiye se behekne laga aur na jane kab usne meri shirt ke sare button khol kar apne haath meri chatio par firane lagi.
Fir uske haath rengte hue meri jeans ke button ki aur badhe, aur khat se meri jeans ka button khol diya aur hato ko na rokte hue wo meri zip neeche karne lagi, par jaisi hi usne zip neeche karni chahi mene apne haath uske hato par rakh diye.
Usne ascharye se meri aur dekha.
ME
Aanchu me samajta hu tere mann ki baat aur mere mann me bhi aesi bhavnaye uthti he, par me ye sab hamari shadi ke baad karna chata hu.
Meri baat sunker uske chere par heraniya aur badh gai aur saath ki aankho me pani ke kuch katre ter gaye. Usne haath waha se hataye aur behad kas kar mere gale lag gai.
AANCHAL
(rote hue)
Kya wakai tu mujhe shadi karega?
Mene dheme se uske baal shelaye.
ME
Jis din meri shadi tere saath hogi wo meri zindagi ka sabse acha din sabit hoga.
Meri baat sunker wo aur jor se mujse lipat gai.
ME
Aur ha mujse tujse do bache chahiye ek ladki aur ek ladka, aur dono teri tarah bahut cute hone chahiye hahaha
Meri baat par usne meri aankho me dekha aur fir laza vash apna chera meri chati me chupa liya, kamal ki hoti he aurat, pal me pani pal me pathar, abhi kuch der phele kaise mere uper chad aai thi aur ab aese sharma rahi thi jaise usne aesa kuch kabhi socha bhi na ho, bevkuf Aanchu.
Kher Aanchal ka program cancel ho gaya aur hum dono haato me haath dale aane wali zindagi ke sukhad sapne bunne lage aur bunte-bunte neend ki wadio ke kho gaye.
To be Continued…
