Arshu: thank you so much bhai… Kitna pyara locket he ye…
Aarav: tum se zyada pyaara nahi he.
Wo Arshu ka chehra apne haatho me le kar kehta he.
Aarav: and I am Really Sorry Arshu.
Arshu: Sorry kyu?
Aarav: sham ko mene tum par bewajah gussa kiya, i am really…..
Wo is se pehle kuch bolta, Arshu use kas kar gale laga leti he.
Arshu: bhai aap na sachme budhhu hi ho. Mujhe aapki baat ka bura nai laga.
Aarav: tum sachme bahot acchi ho Arshu. I love you so much
Arshu jab bhi Aarav ki akho me dekhti wo to bas uski akho me hi kho jati is baar bhi wo to kho si gayi. Tabtak uske room me uske parents bhi ajate he. Tab wo hosh me ati he. Fir sab apne apne Room me chale jate he sone.
Is tarah inka aaj ka din nikal jata he, jaha Arshu or Aarav chah kar bhi ek dusre se naraz nahi reh sakte the. Arshu to samajh chuki thi ke wo to Aarav se pyaar karne lagi he, lekin wo is baat ko chahkar bhi maan nahi paa rahi thi. Lekin sawal ye he ke akhir kabtak Arshu apne dil ko jhuti tasalli deti rahegi? Jo bhi ho aage pata chal jayega ❤❤
_________________________________________________
Ab Aagey:
Aaj weekend+Arshu ka birthday tha dono aaj college nahi jane wale the. Lekin Aarav subah jaldi uthkar apna workout karta he.
Arshu ke har birthday par sablog subah subah pas ke ek mandir me jate he. 6 baj gaye the lekin Arshu abtak so rahi thi, to Suman Akar use jagati he. Tabtak Aarav bhi ready ho gaya tha usne aaj White shirts, Blue jeans pehni thi jisme wo bahot smart dikh raha tha. niche tino Arshu ka wait kar rahe the jese hi Arshu niche ati he sabki nazre Arshu par tik chuki thi. Usne White color ki salwar kamiz pehni thi jisme wo keher dha rahi thi.
Suman: haye… Meri beti kitni pyaari lag rahi he. Kisi ki nazar na lage
Suman uske mathe ko chumte hue kehti he. Fir Arshu Aarav ka haath pakad leti he or sab ghar se nikal jate he. Sandeep car drive kar raha tha Suman uske saath aage bethi thi. Lekin piche to kuch or hi chal rah tha piche Arshu or Aarav bethe hue the or dono hi ek dusre ko chup chup ke dekh rahe the.
Arshu(man me): ek no. Ke buddhu he lekin kitne handsome dikh rahe he. Pagal
Or uske chehre par hasi ajati he. Or wo uska haath or zor se jakad leti he.
Lekin Aarav to bas kuch or hi soch raha tha.
Aarav(man me): kya hoga jab me apna faisla ghar par bata dunga to? I am sure Arshu kabhi nahi manegi, lekin ab or koi rasta nahi bacha he mere paas.
Dono apni alag alag khayalo ke saath mandir pahoch jate he.
Wo log mandir me jate he, waha puja khatam karke wo log mandir ke chakkar kaat rahe the, unko ped ke niche bethe ek Sadhu dikhte he, to wo log unke paas chale jate he Ashirwad lene, jese jese wo nazdeek jate he, Sadhu ji apni Aakhe khol lete he, wo bas Arshu or Aarav ko hi dekhe jaa rahe the. Or unke chehre par ek muskurahat ajati he.
Sablog unke samne haath jode hue the.
Sandeep: Namaskar, Baba ye dono mere bacche or aaj meri beti ka janmdin he.
Arshu unke per chuti he. Sadhu ji uske sar par haath ferte he. Aarav bhi unke per chuta he.
Sadhu: tum dono mandir me ja kar in fulo ko bhagwaan par chadha dena.
Sadhu ji unko kuch ful dete hue kehte he. Dono waha se mandir ki taraf chal dete he lekin Sadhu ji bas unhe dekh kar muskura rahe the. Jise dekh kar Sandeep or Suman ko strange sa lagta he.
Suman: kya hua baba aap aise….
Sadhu: pavitra prem….. Ek dusre ke bina jese dhadkan ke bina ek dil… Bhagwaan in dono ki ichha puri kare.
Or wo Dhyan me chale jate he. Suman or Sandeep kuch samajh nahi paye wo kuch puchne ko hote he lekin tabtak Sadhu ji dhyan me the to unhone Sadhu ji ka dhyan bhrasht karna thik nahi samjha or waha se chale gaye, Arshu or Aarav bhi baar aagaye, fir sab log gareebo me kuch khana or paise baat rahe the. Sandeep or Suman ek taraf, Arshu or Aarav ek taraf.
Gareeb: Bhagwaan tum dono ki jodi humesha aise hi salamat rakhe.
Ek gareeb ne Dono ko Ashirwad dete hue kaha. Lekin ye sun kar to Arshu ke hosh ud jate he, dono aage nikal jate he or bakiyo ko bhi baat dete he.
Waha se tino ghar ke liye nikal jate he, Arshu to abtak Sharma rhi thi. Ghar ane ke baad wo log breakfast karte he. Saath hi Arshu ki pasand Basundi bhi thi. Wo to Basundi par tut padti he. Kuch der baad Rashid or Aasma ghar ajate he. Dono Arshu se milte he, use gift de kar kuch der baate karte he.
Or wo log bhi chale jate he.
Arshu to baar baar Aarav ne diye hue locket ko dekh rahi thi, use open kar rahi thi. Usko Aarav ka gift bahot pasand aya.
Aarav kuch der ke liye bahar chala jata he. Ab Arshu ka dil nahi lag raha tha, kuch der baad uski dost Taniya ghar pe ajati he. Wo dono Arshu ke Room me bethe the. Or bahot si baate kar rahe the. Aarav ghar agaya to wo apne Room me jane laga lekin usne dekha ke Arshu ka door open tha or andar se dono ki baate sunayi de rahi thi. Jo sunkar Aarav ka to dil sa tut chuka tha.
Taniya: to batao Arshu kab milwa rahi ho jiju se.
Arshu: Taniya bas karo tum kuch bhi bolti rehti ho.
Wo Sharmate hue kehti he.
Taniya: hayeee. Dekho to kitni sharma rahi he… Waise unse milkar ayi ya nahi?
Arshu: ha
Pata nahi kin khayalo me Arshu ne haa bol diya..
Taniya: ohhhhh.. batao na kon he wo. Please mujhe bhi dekhna he ke wo kon he jiski kismat itni badhiya he.
Arshu bahot sharma rahi thi, kis wajah se pata nahi lekin shayad aaj Arshu ne ye maan liya tha ke use Aarav se pyaar he. Or waise bhi jo pyaar bewajah ho uski Khubsurati sabse zyada hoti he.
Arshu: dekho Taniya tum meri best friend ho, me tumse kya chupau. Lekin mene abhi tak unse baat nahi ki he is bare me.
Mujhe dar lag raha he bahot zyada. Kayi dino se me shayad khudko jhuti tasalli de rahi thi ke me unse pyaar nahi karti. Lekin ab aisa lag raha he jese unke bina me to ji nahi paungi. Har waqt bas unka hi khayal ata he. Lekin unse baat karne ki himmat hi nahi he mujhme.
Taniya: hayee. Tum to pyaar me pagal hi gayi ho…
Ispar Arshu sharma jati he.
Arshu ne akhir kaar apne dil ki baat samne la hi di. Lekin ye sab sunkar Aarav to mano sadme me chala gaya. Use lag raha tha jese usne apna sabkuch kho diya he. Uske haath kapne lage the. Aakho se asu beh rahe the. Wo kisi tarah khudko sambhalte hue apne Room me ajata he. Use kuch samajh hi nahi araha tha ke wo kya kare. Wo ghar se bahar apni car le kar chala jata he.
Ghar pe Taniya janeke baad Arshu kuch soch rahi thi.
Arshu(man me): ye sab kese ho gaya? Lekin unhe ye baat pata chali to wo kese react karenge? Or kya is pyaar ka koi future bhi hoga?
Arshu ke man me ek saath kayi sawal the. Wo Aarav ke Room me jata he, lekin Aarav waha nahi tha. Fir wo niche akar dekhti he par waha bhi Aarav nahi tha.
Arshu: mummy bhai kaha gaye?
Suman: beta wo to kuch zaruri kaam he bolkar bahar chala gaya.
Arshu ye sun kar udas ho gayi, or apne Room me akar beth jati he. Arshu ko khushi, dar in sab ka mili juli feeling aa rahi thi.
_________________________________________________
Rashid Kuch kaam se jaa raha tha, use raste me Aarav ki car dikhti he. Rashid car ke paas apni bike rok leta he, lekin Aarav usme nahi tha.
Rashid: Aarav ki car yaha, to wo kaha gaya
Wo yaha waha nazre dodata he. Tabhi uski mazar door bethe Aarav par padti he. Halki halki baarish ki bunde baras rahi thi, lekin us se zyada Aarav ki aakhe. Rashid uske paas ajata he.
Rashid: oye tu yaha betha kya kar raha he?
Uski awaaz se Aarav uski taraf mudta he, uski halat dekh Rashid ghabra jata he. Wo Aarav ke paas ajata he.
Rashid: tujhe kya ho gaya? Or tu ro kyu raha he bhai?
Aarav: sab khatam ho gaya Rashid…. Sab khatam ho gaya.
Rashid: kya hua he wo to batayega tu mujhe?
Lekin Aarav kuch nahi kehta.
Rashid: batayega bhi ya nahi?
Aarav: kya batau? Yahi ke me haar gaya…. Me tut gaya….. Apne pyaar ko kho diya….. Yahi jaan na chahta he na tu? To jaan le meri duniya ujad gayi….
Rashid ye sunkar heran tha, kyu ke use pata tha ke Aarav ki koi girlfriend nahi he. Wo Aarav ke khande par haath rakh deta he.
Rashid: dekh Aarav tu mujhe sab thik se to bata, hum koi solution zarur nikalenge.
Aarav: koi solution nahi he, meri saase jis se judi he, wo to kisi or se pyaar karti he.
Rashid: tu pehle rona band kar or ye bata wo kon he?
Aarav: me nahi bata sakta Rashid… Please mat puch.
Rashid: accha thik he, lekin ye to bata tujhe kisne kaha wo kisi or se pyaar karti he.
Aarav: mene khud suna, wo apni friend se keh rahi thi.
Rashid: usne kisi ka naam liya?
Aarav ne naa me gardan hilayi.
Rashid: to kya pata wo tere baare me hi bol rahi hogi?
Lekin Aarav to kuch samajhne ki halat me nahi tha.
Kafi der tak Rashid use samjhata he. Fir Aarav bhi is situation ko ek sacchayi maan kar thoda sambhal jata he. Rashid use akele nahi jane dena chahta tha lekin Aarav ne use mana kiya or khud nikal gaya. Use ghar ate hue kareeb 7 baj chuke the. Wo ghar ata he to door Arshu kholti he.
Arshu: aap kaha chale gaye the, me kabse call kar rahi hu pick bhi nahi kar rahe ho. Mujhe akele chodd kar khud ghumte rehte ho.
Aarav to bas Arshu ka apne liye itna pyaar dekh usme kho sa jata he.
Arshu: ab bolo bhi, kaha the aap?
Aarav: wo…wo kuch kaam tha.
Or wo sidha apne room me chala jata he, Arshu upar ati he par tabtak wo Washroom me chala gaya tha.
Dinner ke baad Aarav sar dard ka bahana bana kar jaldi se sone jata he. Itna rone ke baad uski akhe bhi dard karne lagi thi or wo jaldi so jata he.
Kuch der baad Arshu bhi upar ajati he wo Aarav ke room me dekhti he to wo so raha tha, to wo bhi apne Room me chali jati he.
Is tarah inka aaj ka din nikal jata he, dono ek dusre se pyaar to kar bethe the, lekin dono ko is baat ka dar tha kahi is wajah se unka ye rishta bhi na kharab ho jaye. Lekin kabtak dono apni dil ki baat ko dabaye rakhenge? Jo bhi Aagey pata chal jayega ❤❤
