Suman: shayad aap thik keh rahe ho. Lekin mujhe accha nai lagta jab Arshu aise udas si bethi rehti he.
Sandeep: ek kaam karte he, kuch dino baad Arshu ka birthday he, to hum kuch plan karte he na.
Suman: ha aap sahi keh rahe ho.
Fir sablog apne apne room me chale jate he. Aarav turant so jata he, lekin Arshu to bas karwate badal rahi thi.
Arshu: kya Taniya ki baat sahi hogi? Lekin aise kese ho sakta he me bhai se…… Ye me kya sochne lagi….. lekin me is baat ko bhi nahi jhutla sakti ke unke bina mera kahi man bhi nahi lagta. Ye kese ho sakta he… me kya karu.
Bahot der tak sone ki koshish ke baad akhir kar Arshu so hi jati he.
______________________________________________
Ab Aagey:
Subah Aarav apna Workout khatam karne ke baad fresh ho jata he. Ready hokar wo niche ajata he.
Aarav: Mummy Arshu nahi jagi abtak?
Suman: me to 2 baar use jagane gayi thi, lekin uski nind hi puri nahi ho rahi he….
Aarav: koi baat nahi me ata hu use jaga kar.
Fir Aarav uske room me chala jata he, Arshu raat me kafi late soyi thi.
Aarav: Arshu… Kitna sona he tumhe or? Uth jao jaldi se…
Aarav ki awaaz se wo jaag jati he Aarav ko samne dekh uske chehre par badi so smile ajati he, pata nahi kin khayalo me wo Aarav ko lete lete hi hug kar leti he. Jis se Aarav uske upar ajata he. Aarav achanak hue is hamle se thoda chonk jata he. Lekin jab Arshu ko samajh ata he ke usne kya kiya he to wo jhat se use chodd deti he, or hadbada kar uth jati he.
Arshu: G….Good Morning
Wo haklate hue kehti he.
Aarav: kya good morning tumhari nind shayad abtak puri nahi hui. Jaldi ready ho jao.
Or wo niche chala jata he. Arshu chain ki saas leti he or uthkar washroom chali jati he.
Arshu(man me): ye mene kya harkat kar di? Bhai ab kya soch rahe honge…. Me din ba din pagal hote jaa rahi hu. Lekin me kya karti, mujhse raha hi nahi gaya, or kitna sukoon mil raha tha mujhe.. Ahhhhhh ye kya ho gaya he mujhe.
Uska chehra sharm se laal ho chuka tha.
Wo jaldi se Ready hokar niche ajati he jaha Aarav Living room me betha hua tha, Arshu akar breakfast kar rahi thi, lekin uski nazar baar baar Aarav par pad rahi thi.
Suman: Arshu….. Kya hua jald karo, time dekha he kya hua.
Arshu: Ha…ha mummy…
Wo khudko sambhalte hue kehti he. Or fir dono ghar se nikal jate he. Pata nahi kyu lekin Arshu Aarav se nazre hi nahi mila pa rahi thi.
Aarav: Arshu, tumhe kya ho gaya he? Kafi dino se dekh raha hu tum kuch badli badli si lag rahi ho? Kya baat he, kahi kisi ke pyaar me to nahi pad gayi tum?
Aarav ne mazak me bol diya lekin ispar Arshu to charo khane chit ho gayi, wo blush karne lagi, jis se Aarav ko bhi herani hui. Jab wo Arshu ke college pahoche to Arshu fatafat se use bye bolkar andar chali gayi. Aarav soch me pad gaya.
Aarav(man me): ye Arshu ko kya ho gaya he? Kafi waqt se dekh raha hu wo kuch ajib si behave aa rahi he. Kai sach me wo kisi se…… Nahi… agar aisa hua to me kya karu… Nahi ye galat bhi ho sakta he…. Kya me khudko hi jhuti tasalli de raha hu? Bhagwaan please agar aisa hua to mujhe tutne se bachana.
Apni soch me dube hue Aarav bhi college pahoch jata he.
Dono taraf mahol ek jesa hi tha. Dono apne khayalo me khoye hue the, Ek taraf Aarav jo apne pyaar ko khota hua dekh raha tha, wahi dusri taraf Arshu jo apne dil me kisi ke liye jo pyaar ubhar aya he use samajhne ki koshish kar rahi thi. Ek taraf kisi ko khone ka dukh, to dusri taraf kisi ko pane ki kashm-o-kash.
Break me Arshu or Taniya Canteen me bethe the.
Taniya: to Arshu, pata chal mere unknown jiju ka?
Arshu: shut up Tanya kuch bhi bolti rehti ho tum.
Taniya: dekho Arshu jitna jaldi ho sake is sacchayi ko maan lo wahi tumhare liye accha hoga. Mujhse to jhut bol sakti ho tum, lekin khudse kabtak jhut kehti rahogi ke tum kisi se pyaar nahi karti.
Taniya ki is baat ka Arshu ke paas koi jawab nahi tha, kyu ke in deep down wo bhi to ek anjaan rishte ko panap rahi thi.
Arshu: shayad tum sahi keh rahi ho, lekin ye pyaar shayad hi mukammal ho payega.
Usne gehri soch me kaha.
Taniya: kya matlab??
Arshu: kuch nahi… Chalo andar late ho jayega.
Or Arshu Taniya ko le kar class me chali jati he.
College chut ne ke baad Aarav Arshu ko pick karne aya tha. Arshu bahar ayi or use dekh kar firse uske saath wahi sab hone laga. Wo ja kar andar beth gayi, usne zyada kuch bola nahi, Aarav samajh chuka tha ke Arshu kuch pareshan si he. Usne socha us se aram se baat kar lega. Wahi Arshu shayad is sacchayi ko maan chuki thi ke wo bhi Aarav ko ek ladke ke roop me chahne lagi he…
Ghar akar tino lunch karne lage, Arshu lunch karke sidha apne room me chali gayi. Aarav bhi lunch ke baad uske room me agaya, jaha Arshu kuch gehri soch me thi.
Aarav: kya baat he Arshu?
Arshu: ha… Bhai.. kuch bhi to nahi.
Wo hadbadate hue kehti he.
Aarav uske paas akar beth jata he.
Aarav: dekho Arshu tum mujhse jhut mat bolo, koi problem he? Tum kuch dino se mujhe pareshan si lag rahi ho, kya baat he?
Arshu: n…..nahi to, aisa kuch nahi he.
Aarav: koi personal baat he kya? Mujhse share nahi kar sakti Koi baat nahi lekin jis se bhi share kar sakti ho us se karna. Okay?
Arshu: aapse kyu chupaungi me kuch, darasal mujhe kuch dino se bahot ajib sa lag raha he. Or jab mene Taniya se is baare me kaha to usne mujhe samjhaya.
Or Arshu ne Aarav ko Taniya ki kahi hui baate bata di, ye sab sunte hue Aarav ke dil me chubhan si ho rahi thi, usne kisi tarah se apne aasu behne se sambhale hue the.
Aarav: d…dekho Arshu in sabka Faisla tumhe hi karna he. Me to bas itna hi chata hu ke tum humesha kush raho. Or tumhe apni khushi jaha nazar ati he tum us se jud sakti ho. Me….me chalta hu.
Or Aarav apna tuta dil le kar waha se apne room me agaya. Door lock karke usne jo itni der se apni asu chupa rakhe the use baha diya.
Aarav: kya yahi end tha mere pyaa ka? Shayad ha…. Bhagwaan aapne meri zindagi me koi kami nai rakhi, mene jab bhi aapse kuch manga he to wo sirf or sirf Arshu ke liye.
Apne liye to sirf Arshu ko manga tha……
Apna dil halka karne ke baad Aarav sambhal jata he, or office ke liye nikal jata he. Lekin raste me bhi wo sirf kuch soch me tha.
Aarav(man me): ab shayad mujhe is sacchayi ko maan na hi padega ke Arshu meri kabhi nahi ho sakti. Or ab to mujhe Arshu ko bhulane ki wajah bhi mil gayi he. Koi baat nahi meri Arshu agar kahi kush he to me kese dukh manau. Lekin mere dil me Arshu ki jagah koi nahi le sakta, kabhi bhi nahi, marte dam tak nahi le sakta.
Fir wo office pahoch jata he, uska man kaam me bilkul bhi nahi lag raha tha.
Wahi Arshu bhi ghar par bas bechain si thi.
Dopehar ko Sandeep ghar ke liye nikal jata he. Aarav ab bhi kaam kar raha tha. Shaam ke kareeb 7 baj gaye the Aarav ghar jaane ke liye nikal gaya, usne aaj kuch socha tha.
Aarav(man me): kya me aaj hi bata du ghar pe? Nahi…. Ek kaam karta hu Arshu ka Birthday he uske baad sabko bata dunga. Kya sab log manenge, mummy papa to shayad maan bhi jaye par kya Arshu manegi? Lekin mujhe ab ye karna hi hoga.
Wo pehle Arshu ke liye birthday gift lene chala jata, ghar pahochne ke baad Door Arshu ne khola tha. Aarav ko dekh kar uske chehre pas firse wo hasi wapis ajati he jo dn bhar us se dur reh kar kahi goom si ho jati he.
Aarav akar Sofe par beth jata he jaha uske mummy papa bhi bethe, Arshu uske liye pani le kar ati he.
Suman: waise aapne dekha ye ladki khud se pani nahi leti, lekin Aarav ke liye sab kuch karti he.
Arshu uske saath hi beth jati he, or Aarav se baate karne lagti he, Aarav koi jawab nahi deta.
Arshu: kya hua aap kuch bol kyu nahi rahe ho?
Aarav: yaar thodi der shant nahi reh sakti tum? Jabse aya hu bak bak kar rahi ho.
Aarav bahot gusse me kehta he or apne room me chala jata he. Waha bethe tino heran se the kyu ke Aarav ne kabhi Arshu se is tarike se baat nahi kari thi. Arshu ka chehra utar jata he.
Sandeep: beta Aarav abhi abhi thaka hara ghar aya he. Warna wo thodi gussa karta he.
Suman: ha Arshu tum ajao yaha betho.
Lekin Arshu sidha upar chali jati he. Wo Aarav ke Room me jati he to Aarav washroom me hota he to wo apne room me ajati he.
Arshu: bhai ko kya hua, wo to aise gusse se baat nahi karte, me bhi pagal hu pure din kaam kar ke abhi ghar aye he or me… Koi baat nahi baadme unse baat kar lungi.
Aarav fresh hokar bahar aya or apne kapde change kiye.
Aarav: yaar mene Arshu par bewajah gussa kar diya, use kitna hurt hua hoga? Kese uske samne jau? Koi baat nahi use birthday wish karne jaunga tabhi maafi mang lunga…
Tabhi use Virat ka call ata he. Wo call pick karta he.
Aarav: ha Virat bhaiya kahiye.
Virat: hi Aarav, accha tum us restaurant me aa sakte ho jaha hum last time mile the?
Aarav: ha me aa jata hu, kya baat he bhaiya?
Virat: are kuch nahi bas kuch good news thi.
Aarav: okay me ajata hu.
Virat: or ha Rashid ko bhi lete ana.
Aarav: okay, me kuch der me ajata hu.
Fir wo call cut kar deta he, or Rashid ko bol deta he waha aneke liye or khud bhi nikal jata he. Arshu uske Room me ati he to Aarav waha nahi tha, wo niche ajati he niche Suman dinner ki tayari kar rahi thi, or Sandeep living room me betha hua tha.
Arshu: papa, bhai kaha gaye?
Sandeep: are beta wo to uske dost se milne gaya he.
Arshu: okay..
Sandeep: beta tum Aarav par naraz to nahi ho na? Usne shayad thakan me tumse waise baat kari hogi.
Arshu: papa aap na mujhe bacchi samjhte ho, me kyu naraz hogi. Me samajhti hu sab.
Suman: bahot samajhdari wali baate karne lagi ho tum to Arshu…
Suman kitchen se bolti he.
Fir wo log milke dinner karte he.
_________________________________________________
Dusri taraf Aarav, Rashid or Virat ek restaurant me milte he.
Aarav: hi bhaiya aap ne aise suddenly kyu bula liye hume?
Virat: darasal baat ye he ki mujhe ab is college me permanent position mil gayi he, to mene socha meri taraf se treat ho jaye.
Rashid: congratulations sir!
Rashid us se haath milate hue kehta he.
Virat: yaar Rashid hum kya college me bethe hue he kya?
Sir student to hum college me he.
Rashid: okay bhaiya.
Aarav: me sachme aapke liye khush hu. Congratulations!
Fir wo tino dinner karne lagte he. Dinner ke baad tino apne apne raste nikal jate he. Aarav ghar ajata he use ate ate late ho gaya tha, usne apne saath keys bhi layi thi, wo bina kisi ko jagaye andar chala jata he. Wo change karke beth jata he. Kyu ki 12 bajne wale the or Arshu ka birthday tha.
12 baje Arshu ko mobile par message or calls ane lage, lekin wo kisi ka call pick nahi kar rahi thi, or apni nazare sirf door par rakhi hui thi. Wo Aarav ka intezar kar rahi thi, kuch der intezar karne ke baad jab Aarav nahi ata to wo ja kar balcony me khadi ho jati he. Tabhi Aarav uske roome me ajata he, wo dekhta he ke Arshu balcony me khadi thi. Wo uske liye jo gift laya tha use table par rakh deta he or Arshu ko piche se hug kar leta he. Arshu to uski baho me madhosh ho gayi.
Aarav: Happy Birthday my Sweetheart!
Fir wo Aarav ki taraf mudti he, uske chehre par bahot khushi thi.
Arshu: thank you bhai, waise where is my gift?
Ispar Aarav apna chehra udas sa karke us se kehta he
Aarav: Sorry Arshu mene abtak koi gift nahi liya tumhare liye.
Arshu: accha! Chalo ye overacting band karo. Or chup chap mera gift dijiye.
Ispar Aarav has padta he, or wo andar table ke paas ajata he, Arshu bhi piche ajati he, Aarav use gift de deta he.
Arshu jab gift open karti he to usme ek heart shape Gold locket nikalta he. Jise dabane se wo open hojata or andar or ek heart tha jisme “Sweetheart” likha hua tha. Arshu wo dekh bahot khush ho jati he. Or wo Aarav ko kas kar gale se laga leti he.
Arshu: thank you so much bhai… Kitna pyara locket he ye…
Aarav: tum se zyada pyaara nahi he.
Wo Arshu ka chehra apne haatho me le kar kehta he.
Aarav: and I am Really Sorry Arshu.
Arshu: Sorry kyu?
Aarav: sham ko mene tum par bewajah gussa kiya, i am really…..
Wo is se pehle kuch bolta, Arshu use kas kar gale laga leti he.
Arshu: bhai aap na sachme budhhu hi ho. Mujhe aapki baat ka bura nai laga.
Aarav: tum sachme bahot acchi ho Arshu. I love you so much
Arshu jab bhi Aarav ki akho me dekhti wo to bas uski akho me hi kho jati is baar bhi wo to kho si gayi. Tabtak uske room me uske parents bhi ajate he. Tab wo hosh me ati he. Fir sab apne apne Room me chale jate he sone.
Is tarah inka aaj ka din nikal jata he, jaha Arshu or Aarav chah kar bhi ek dusre se naraz nahi reh sakte the. Arshu to samajh chuki thi ke wo to Aarav se pyaar karne lagi he, lekin wo is baat ko chahkar bhi maan nahi paa rahi thi. Lekin sawal ye he ke akhir kabtak Arshu apne dil ko jhuti tasalli deti rahegi? Jo bhi ho aage pata chal jayega ❤❤
