Sandeep: dekho Suman jab wo hosh me hoga to us se is bare me zyada kuch mat bolna, Wo ab bada ho gaya he, ho sakta he use koi problem ho, use zyada force mat karna. Me us se baat karunga.
Arshu upar uske room me ajati he. Aarav gehri neend me tha. Wo uske side me beth jati he.
Arshu: sachme ek no. Ke buddhu ho aap. Sahi kehti hu aapko, Buddhu. Me kyu jhut bolungi aapse? Ye kya halat bana li, pagal. Kal dekh lungi aapko.
Fir Arshu uske gal par kiss karke apne room me ajati he.
____________________________________________
Ab Aagey:
Subah 6 baje Arshu neend se jaag gayi thi, wo ek baar Aarav ke room me jati he, lekin use sota dekh wo Aarav ko jagana sahi nahi samajhti. Niche akar wo breakfast karne lagti he, Sandeep tabhi bahar ata he.
Sandeep: chalo Arshu beta me tumhe drop kar dunga aaj.
Arshu: nahi papa, me nahi ja rahi college.
Suman: kyu?
Arshu: mujhe bhai se baat karni he.
Sandeep: dekho beta mene kaha na us se me baat karunga, or tum bhi is bare me kuch nahi kahogi us se, or ready ho jao, me tumhe drop kar deta hu.
Arshu man marte hue ready ho jati he or college chali jati he, Sandeep use chhod kar ghar ajata he.
Subah kareeb 10 baje Aarav ki aakh khulti he. Uska sar bhari ho gaya tha. Wo apne aapko room me pata he.
Aarav: ahhh…. Ghar me sabko meri halat ke bare me to pata chal hi gaya hoga, me sabko kya jawab dunga?
Wo sar pakde betha tha. Tabhi uske room me Sandeep or Suman ajate he.
Suman: beta uth gaye, thik ho na ab tum?
Aarav: ha… Ha mummy me thik hu.
Sandeep: are Suman tum jao iske liye breakfast banao.
Fir wo chali jati he.
Aarav: Sorry papa. Wo….
Sandeep: beta, dekho me tumhe force nahi karunga ki kyu tumne aisi halat bana li, lekin dekho beta ye sab kar ke khud ko kyu takleef dena? Tum bade ho gaye ho ab, sahi galat ko acchese samajh sakte ho. Kisi bhi situation me dimag se kaam lena padta he. Tabhi hum sahi decision le pate he.
Aarav: I’m really sorry papa, me fir aisa kuch nahi karunga
Aarav Sandeep ke gale lagte hue kehta he.
Sandeep: acchi baat he, mujhe pata he mera beta bahot samajhdar he. Chalo ab fresh ho jao Breakfast karlo, me jaa raha hu office.
Aarav: okay papa.
Fir wo bhi fresh hone chala jata he. Or niche akar breakfast kar leta he. Kuch der apni mummy ke paas bethkar wo apne room me ajata he.
Aarav: thank God mummy papa ne zyada kuch kaha nahi, lekin ab me kya karu, mujhe to kuch samajh nahi aaraha… Lekin….. lekin me kis haqq se ye sab kar raha hu, Arshu kuch galat nahi kar rahi he, use pura haqq he kisi se pyaar karne ka, ye to me tha jo bina soche samjhe bas sapne dekh raha tha. Or jabse Virat bhaiya ka incident suna he tabse mera dil bethe jaa raha he. Kahi mene Arshu se baat kar di or wo bhi…. Nahi mujhe sochne se bhi dar lag raha he.
Aarav ki akho me ab asu ajate he
Aarav: Shayad mujhe Apna pyaar bhulna hoga. Lekin kese, jabtak saase chal rahi he Arshu ko bhulna namunkin he, lekin bhulna hoga, kahi Arshu ye sab jan kar kuch galat kadam na utha le, Nahi…. Apne pyaar ko khush dekhne ke liye mujhe apne pyaar ko bhulna hi hoga.
Or wo bahot der tak Aasu bahata he.
Arshu ka ghar par ane ka waqt ho gaya tha. Ab Aarav ne soch liya tha ke wo Arshu ko bhul jayega, use pata tha Arshu jese hi college se ayegi us se baat zarur karegi, to wo niche ajata he jaha uski mummy kitchen me kaam Kar rahi hoti he.
Aarav: mummy mera sar bahot dard kar raha he, please aap sar daba dogi.
Suman: ha beta, chalo me gas band kar ke ati hu.
Fir wo living room me Apne mummy ki godd me sar rakh kar let jata he. Suman uska sar daba rahi thi.
Suman: ab thik lag raha he na beta?
Aarav: ha mummy
Uski akho se asu arahe the, usku awaaz roni si ho gayi thu
Suman: kya hua, tum ro kyu rahe ho Aarav?
Aarav: kuch nai mummy bas sar dard ho raha he.
Usne jhut kaha, ab wo kese batata dard sar me nahi balki dil me he.
Suman: me Dr. Ko call karti hu, ruko.
Aarav: uski zarurat nahi he mummy, bas aap daba dijiye.
Aise hi kuch der baad Aarav ki aakh lag gayi, Suman ne use wahi sone diya, or kitchen me kaam karne lagi, tabhi Arshu ghar aajati he. Wo Aarav ko sofe par soya dekhti he. Or uske paas ajati he.
Suman: Arshu use jagana mat, sar dard kar raha he uska, sone do aram se.
Arshu: okay Mummy.
Arshu ko uski halat dekh bahot bura lag rah tha. Wo uske sar me pyaar se ungliya ferti he, Aarav is waqt nind me tha lekin, kal se jo wo dard se raha tha, Arshu ke ek touch se use duniya bhar ki rahat mil gayi thi. Uski saase tez ho rahi thi. Fir wo nind se jaag jata he, samne Arshu ko dekh use kal ka nazara, agar usne apne dil ki baat bata di to kahi Arshu kuch galat kadam na utha le, ye sari situation dikhne lagi. Arshu kuch bolne hi wali hoti he ke Sandeep bhi ghar ajata he. Or wo akar Aarav ke paas beth jata he.
Sandeep: ab kesa lag raha he beta?
Aarav: me thik hu papa.
Fir wo log milke lunch karte he. Lunch ke waqt aaj Aarav apni mummy ke saath betha tha, Arshu ko laga kahi Aarav us se naraz he. Lekin use kon samjhaye, Aarav khud kitni takleef jhel raha he. Aarav sirf Virat or Shreya ki jagah khudko or Arshu ko dekh raha tha. Or is wajah se use bahot dar lag raha tha, use dar tha kahi Arshu bhi kuch galat na karde. Arshu ne socha lunch ke baad wo Aarav se baat karegi lekin, jab sab log living room me the tab Aarav uski mummy ki godd me sar rakh kar let gaya.
Arshu: kya hua bhai, aapka sar dard kar raha he?
Aarav: ha.
Arshu: to chaliye apke room me, me apka sar daba dungi fir so jana aap.
Aarav: nahi me yahi thik hu, mummy aap please sar dabaye na.
Is baar Arshu ko hurt hua, use lag raha tha Aarav us se naraz he. Aise hi pura din Aarav ne Arshu se zyada baat nahi ki, jab Arshu ko us se baat karni hoti tab ya to wo apne parents ke saath hota ya soya hota. Raat ke 10 baje Aarav bed par leta tha,. Use nind nahi aarahi thi, tabhi usko kisi ke ane ki ahat hoti he, wo dusri taraf muh karke akhe band kar leta he.
Arshu darwaza khol kar andar ati he or use soya dekhti he.
Arshu: bhai… Bhai…. Aap jaag rahe ho na?
Ye sunkar Aarav ki akho se asu aajate he, Arshu ko pata tha Aarav jaga he, or kese na pata hota wo bhi to uski nas nas se waqif he. Aarav ka man kar rah tha ke use kas kar apne gale se laga le.lekin wo koi response nahi karta. Ab Arshu rone lagti he or apne room me chali jati he. Aarav ko jese hi use rone ki awaz ayi usne us taraf dekh tabtak wo apne room me chali gayi, ab jo bhi ho, Aarav use rote hue kese dekh sakta he, wo uthkar jaldi se uske room me jata he, Arshu bistar me apna muh dabaye ro rahi thi, ye dekh Aarav sehem gaya.
Aarav: Arshu.
Uski awaaz sunkar Arshu ki duniya jese fir se khil uthi. Wo jakar us se lipat gayi, or use kas kar apne gale laga liya.
Arshu: aapne ek baar bhi meri baat sunna thik nahi samjha bhai, or Naraz ho gaye mujhse?
Aarav: m…me kyu naraz hounga tumse, wo t…to meri tabyata kharab thi Bass…
Arshu: accha! To bataye kal aapne mujhe cafe me nahi dekha?
Aarav ko eldum se jhtaka lagta he.
Arshu: bhai me Taniya ke saath hi thi. Kal
Or fir wo use jo misunderstanding hui he sab bata deti he, Aarav ko apne aap par gussa Aaraha tha ke usne bina soche samjhe apni Arshu ko galat samajh liya.
Aarav: Arshu mujhe is baat ka bura nahi laga ke tum kisi ke saath ho, balki mujhe laga ke tumne mujhse jhut kaha, i am Sorry Arshu.
Arshu: sahi kehti hu me aapko, Budhhu.
Aarav: Sorry Arshu.
Fir kuch der baad wo apne Room me ajata he.
Aarav(man me): dekha, use rota hua bhi nahi dekh sakta me, kese use itni badi takleef de du? Ab mujhe use bhulna hi hoga. Me khud takleef sehen kar lunga, lekin meri Arshu ko kabhi takleef nahi de sakta. Or waise bhi ye to ek tarfa pyaar he, jo kabhi pura nahi ho sakta.
Or wo rone lagta he, or apne locker se diary nikal kar kuch likhta he.
____________________________________________
Ye to ho gayi ghar ki baat lekin hum dekhte he ghar ke bahar aaj kya hua.
College me Rashid Aarav ka wait kar raa tha lekin wo nahi aya to usne ghar call kiya to pata chala wo nahi ayega aaj.
To wo apni class me jane lagta he ke samne Sonal ajati he.
Sonal: hi Rashid
Rashid: hi.
Sonal: mene suna bahot enjoy kiya tum logo ne trip par.
Rashid: sahi kaha.
Kuch der wo baat karte he or nikal jate he apni apni class me.
Rashid Sonal ke behavior so thoda shocked tha, ab wo pehle jesa bilkul behave nahi kar rahi thi. Jab class chal rahi thi tab Sonal ko kisi ka call ajata he. Wo free time me call back karti he.
Sonal: hello,
Ladka: hello, Sonal ji, kya aap please mujhe abhi mil sakti he, me aapke college ke bahar hi khada hu.
Sonal: tum ho kon, or mera number kaha se mila?
Ladka: dekhiye wo sab me bata dunga, please aap ajaye bahar mujhe aapse kuch zaruri baat karni he.
Sonal: tum jo bhi ho wapis call mat karna.
Ladka: dekhiye, aap ek baar bahar ajaye, bas kuch der baat karni he, zaruri baat he please.
Sonal: okay.
Fir wo gate ke bahar chali jati he, waha par car ke bahar ek ladka ruka hua tha, wo Sonal ko dekh kar aage badhta he.
Ladka: thanks Sonal ji. Aap ayi.
Sonal: dekho tum ho kon, me tumhe janti bhi nahi hu?
Ladka: ohh. Sorry mene apna naam nahi bataya, Myself Rahul, Rahul Taneja.
Rahul: hum kahi beth kar baat kar sakte he?
Sonal: dekho me tumhe janti nahi hu, or jo bhi kehna he jaldi kaho.
Rahul ki bahot minnato ke baad Sonal uske saath ek cafe me chali jati he. Waha undono me kuch bate hoti he. Rahul use College me chhod deta he. Sonal bahot gehri soch me dubi hui thi.
Sonal(man me): kya ye karna thik hoga? Mujhe jo bhi karna he ab soch samajh kar karna hoga? Kahi mera ek galat fesla kisi ki zindagi na kharab kar de..
College ki chutti hone ke baad, ek ladka bahar khada tha.
Ladka: bhai wo agaya he bahar.
Rahul: to pata hena kya karna he?
Ladka: ha bhai aap chinta mat kijiye.
Fur wo call cut kar deta he.
Rashid apni bike se ghar jane ke liye nikla or wo jo raste se jata he wo ek sunsan sa rast kuch dur jate hi uske piche se ek car tezi se ati he or usko gira kar tezi se nikal jati he, Rashid bike se gir gaya tha or uske pair me bahot chot ayi thi, wo khade hone ki try kar raha tha lekin nahi ho paya. Use baht dard ho raha tha. Kuch der khade honeki try karne ke baad bhi wo nahi ho paya, tabhi waha se Sonal ajati he (Sonal ko apni class me Assignment ki wajah se thoda late hua) wo samne Rashid ko gira hua dekhti he or uske paas aajati he.
Sonal: Rashid.. tumhare per se khun nikal raha he. Tum kese gir gaye?
Usne Rashid ko thoda sahara dete hue kaha.
Rashid: me….me thik hu…
Usne karah te hue kaha,
Sonal: tum pagal ho? Tumhare per se khun aa raha he, chalo tum mere saath me tumhe hospital le chalti hu.
Or wo use uthane lagi, Rashid ko bhi dard ho raha tha to usne yahi thik samjha. Lekin use scooty par bhi bethne me takleef ho rahi thi.
Sonal jaldi se Ambulance ko call kar deti he. Kuch der baad Ambulance Aajati he or use andar dalkar hospital le jate he.
Use Hospital me hi admit hona tha. To Sonal ne Aasma ko or uske gharwalo ko bhi bata diya, kyu ki girne ke baad Rashid ka mobile damage ho gaya tha.
Rashid yahi soch raha tha ke jisne thokar mari wo tha kon?
Rashid: thank you Sonal, meri help karne ke liye.
Sonal: ca’mon Rashid, tumne bhi meri help ki he wo bhi ek nahi 2 baar.
Rashid: 2 baar?
Sonal: ek baar Tumne mujhe ye samjhaya ke pyaar kya he. Or ek baar tumne meri scooty kharab hui tab help ki.
Fir kuch der baad waha Rashid ke gharwale bhi ajate he, Sonal thodi der waha rukti he or fir nikal jati he.
Is tarah aaj ka Din nikal jata he, sablog apne ane wale kal se anjan the
