Thik tabhi police ki gaadi ki siren sunayi deti hai aur police inspector rajni saxena bhagti huyi ravi ke kareeb pahunchti hai uski halat dekh uska kaleja uske muh ko aa jata hai …. Apni bahan ko dekh ravi ke chehre par smile aa jati hai ….
Ravi (dard bhari awaz mein ) – diddddddiiiiiiiiiiiii …..
Ravi ke pao ladkhada jate hain aur aankhe band ho jati hai aur wo jameen par girne hi wala hai ki rajni ne apne majbut haatho me usko tham liya tha aur usko apne seene se laga kar fafak fafak kar ro padi …. Ravi to behos pada hua tha apni badi bahan ki baanho me aur uska sareer uske hi khoon se sana hua tha aur uski saanse bhi bahut dheemi chal rahi thi …..
AB AAGE
Rajni ne sabse pahle ambulance bulaya aur ravi,chirag aur baki injured logo ko hospital bhijwaya aur ghar par call karke apni maa aur papa ko ravi ke jakhmi hone ki suchna di …. Rajni abhi duty par thi isliye usne jhanvi aur naina ko ravi ko ravi ki dekhbhal ke liye sath bheja tha ….
Rajni ne sabse pahle canteen wale se abhi kuch der pahle huyi jhadap ke bare me puch tach ki …. Canteen ke malik ne rajni ko apne cctv camera ki footage dikha di jisme video to pura clear dikh raha tha aur audio bhi kafi hadd tak saaf sunayi de raha tha ….
Footage dekhne se ek chij to clear ho gaya tha ki iss fight me ravi ki koi galti nahi kyuki usne jaha tak ho sakta hai fight na karne par hi jor diya tha ….
Rajni (apne man me ) – mera bhai kitna pyara hai aur wo mujhse kitna pyar karta …. Wo mere khilaf ek bhi vulgar word bhi nahi sun sakta …. Usne ye ladayi mere khatir ladi hai …. bhai main tujhe kuch nahi hone dungi aj mere dil me jami huyi sari dhul saaf ho chuki hai …. main tujhe kuch nahi hone dungi …. Jo log bhi teri iss halat ke jimmewar hain main unn sabhi kamino ko aisi saja dungi jo maut se bhi badtar ho ….
Rajni ka khoon khaul utha tha par chehre par usne apne emotions aane nahi diye … Rajni ne footage ki sari recording apne mobile me save kar liya aur fir hospital ki taraf bhagi jabki baki ke police wale sabhi gundo ko jeep me daal kar thane le gaye ….
Rajni jab hospital pahunchti hai to wo hadbadi me kisi kisi se takra jati hai …. Rajni ki najar jab takrane wale shaksh par padti hai to wo bhi chaunk jati hai ….
Rajni – are reshma tu yaha ….
Reshma – haan yaar main ek doctor hu hu aur last week hi meri yaha posting huyi hai …. waise tu iss uniform me mast lag rahi hai ….. tu bata tu yaha kaise aur ye tere uniform par khoon kaise ….
Rajni ki aankho me aanshoo chhalak aate hain ….
Reshma – are yaar tere aankho mein aanshoo kaise … bata na meri bahan kya hua hai ….
Rajni – w…..wo reshu mere bhai ki condition bahut critical hai kyunki uska sara sareer khoon se sana hua hai ….
Reshma – tera bhai … par tune aj tak hame kabhi bataya nahi ki tera koi bhai bhi hai ….
Rajni – yaar wo sab fir kabhi bataungi …. filhal to usse milne ja rahi hu …
Reshma reception par jakar puch tach karti hai aur fir milkar ravi ke cabin ke taraf bhagte hain … ravi ke family wale wahi khade the ….
Rajni – papa kya kaha hai doctor ne kaisa hai ab mera bhai ….
Raj – beta doctor ne general check up kiya hai aur kaha hai sar me kafi chote aayi hain aur operation karwane ki salah di hai ….
Rajni – haan to fir kya problem hai operation karwate hain na ….
Reshma – namaste uncle main hu reshma rajni ki friend …
Raj – hello beta …
Reshma – uncle main iss hospital me ek doctor ke sath sath ek surgeon bhi hu …. ap tension na le … main bhi sath hungi operation ke wakt ….
Mohini – beta bacha lena mere bete ko ….
Reshma – don’t worry auntie rajni meri saheli hai aur uska bhai hai to mere bhi bhai jaisa hua na …. i will try my best ….
Aur fir reshma ek cabin ke taraf badh jati hai kuch der me ravi ko operation theater me le jaya jata hai kuch hi der me surgeon ki dress pahne huye kuch doctors aate hain jin me se ek reshma bhi thi …. najro se hi usne rajni ko faith rakhne ko kaha ….
Sab doctors ke andar ghuste hi operation theater band ho jata hai aur red bulb on ho jata hai ….
Rajni apne parents aur khushi ko operation theater ke bahar lage huye bench par bithati hai ….
Mohini – beta ye sab kaise ho gaya aur tum kaha thi ….
Rajni – maa abhi inn sab baato ka wakt nahi hai …. wo sab baad mein abhi to bhai ka thik hona jyada jyada jaruri hai ….
Khushi ne jab se ravi ke bare me suna tab se wo continuously roti ja rahi …. Rajni ne uske poche aur uparwale par bharosha rakhne ki gujaris ki ….
Rajni jhanvi ke paas aati hai jo kafi der se gumshum khadi thi ….
Rajni – jhanvi wo ladka kaha hai jo sath me ambulance par aaya tha ….
Jhanvi – ji didi usko bhi kafi chote aayi hai aur wo filhal soya hua hai …. doctors ne uska plaster kar diya hai …. uske family ke bare me ham kuch khas nahi jante bas ravi se hi wo thoda close tha … naina uske paas hi ruki hai …
Rajni – okay tum yehi ruko tab tak main aati hu usse milke aur haan yaha meri jarurat ho to call kar dena ….
Rajni abhi kuch aage hi badhi thi ki tanu aur uski maa hadbadi mein uski taraf aate dikhe dono ki aankhein nam thi ….
Rakhi – beta ravi beta kaha hai aur kaisa hai ….
Rajni dono ko short cut me sab kuch btati hai aur apne parents ke paas bitha kar khud chirag ke halat ka jayeja lene nikal padti hai ….
Chirag abhi bed par soya hua tha uske dono hath aur pao me plaster chadhe huye the aur naina wahi room ke bahar baithi huyi thi rajni ko dekh wo khadi ho jati hai ….
Rajni – baitho baitho kya kaha hai doctor ne kab tak isko hosh aa jayega …
Naina – wo madam doctor kah rahe the ki bas bahri chot hai aur aram ke liye unhone neend ki dawa di hai …
Rajni – okay if you wish may go home now …
Naina – nahi madam ravi ki halat jane bagair main ghar nahi jaungi na hi kuch khaungi ….
Rajni – wow lagta hai kafi close thi tum uske ….
Naina – nahi madam hamari jaan pehchan to kuch dino pahle hi huyi par 7 – 8 dino me hi aisa laga jaise main usko sadiyo se janti hu …
Rajni – kahne ko to main uski sagi bahan hu par aj tak usko kabhi samajh nahi payi ya yu kaho ki samajhna chaha hi nahi …
Naina – madam wo bahut acha hai …
Rajni – ye kya baar baar madam madam lagaye rakha hai didi nahi kah sakti ….
Naina – ok didi ….
Rajni ka mobile ring hone lagta hai usne call pick kiya call uske mama ka tha ….
Deepak – beta ham log airport pahunch gaye hain tumhari mami bhi sath hai jara hospital ka location bhejna hamlog turant pahunch rahe hain ….
Rajni hospital ka address unhe send karti hai ….
Kuch hi der mein deepak aur diya bhi hospital pahunch jate hain …. Abhi bhi operation theater ka gate nahi khula tha aur sabhi besabri se doctors ke bahar nikalne ka wait kar rahe the ….
Thode der baad operation theater ka gate khulta hai aur sabhi doctors nikalne lagte hain ….
Raj bhagta hua doctors ke paas jata hai ….
Raj – doctor sahab kaisa hai mera beta ….
Ek doctor – ap patient ke father hain na ….
Raj – ji ha ….
Doctor – ap jaldi se mere cabin aaiye apse kuch baat karni hai ….
Raj ke sath sath deepak bhi bhi doctor ke cabin me aa jata hai aur doctor unhe chair par baithne ko kahta hai ….
Doctor – hamne operation to kar diya hai …. sar par chot lagne ki wajah se patient ka kafi blood gira hai …. patient ko ek ya 3 – 4 unit blood ki jarurat hai O negative group ki ….. Aur haan blood agar ek ghante ke bheetar mil jaye to jyada acha hai ….
Raj – ok doctor ham jald hi uski vyavastha karte hain …..
Raj aur deepak jaldi se cabin se bahar bhagte hain ….
Dono jaldi se blood bank ki taraf bhagte hain …. Kafi search karne par bhi unhe same group ka blood nahi milta hai ….
Deepak – jija ji kya hamari family me kisi ka blood group O negative nahi hai ….
Raj – mera , mohini ya rajni ka to nahi hai ….
Deepak – mera aur diya ka bhi different blood group hai ….
Raj – chalo na wapas hospital hi chalte hain sayad koi donor mil jaye ….
Raj aur deepak wapas hospital pahunche aur unhone sabhi ko ye baat batayi ….. waha maujud sabhi logo me se kisi ka o negative blood group nahi tha ….
Khushi – papa maine kabhi blood test karwaya nahi main dekhna chahti hu kya mera khoon bhai ke kaam aa sakta hai ….
Reshma – ap mere sath aaiye main apka blood group check kar leti hu …..
Reshma khushi ka blood group check karti hai jo ki by luck O negative hi tha jisse khushi ke chehre par smile aa jati hai ….
Reshma khushi ko sath lekar bakiyo ke paas pahunchti hai ….
Reshma – uncle khushi ki baat hai ki hame donor mil gayi hai khushi didi ….
Reshma jaldi se jakar main doctor ko ye baat batati hai …. Wo bhi jaruri saman lekar waha pahunchta hai ….
Doctor – kaun hai donor ….
Khushi aage aati hai ….
Doctor – madam ap janti hain ki patient ka kafi khoon baha hai aur hame approx 3 – 4 unit blood ki jarurat hai aur ye kafi jyada hota hai ….
Khushi – doctor sahab main ek orphan hu mujhe inhone paal pos kar bada kiya … hamesa mujhe apni beti hi mana hai … Maine jindagi bhar inse liya hi hai aj pahli baar kuch dene ka wakt aaya hai to main peechhe kaise hat sakti hu …. Waise bhi jise mere khoon ki jarurat hai wo mere liye duniya mein sabse aziz hai …. uske liye agar mujhe apne jism se khoon ka aakhiri katra tak dena pada to bhi mujhe afsos nahi hoga ….
Waha khade sabhi log khushi ki baat sun bhawuk ho chuke the ….
Doctor – i am proud on you madam …. ap jaise logo ke wajah se hi iss matlabi duniya me bhi ab tak insaniyat bachi huyi hai ….
Doctor khushi ko lekar operation theater ke andar chala jata hai aur bahar baithe sabhi log sab kuch thik thak rahne ki uparwale se dua karne lagte hain ….
